Monthly Archives: June 2014

Rihanna, Cristiano Ronaldoren atzetik

rihannacrisDuela astebete zabaldu zen berria Interneten: Rihanna, Cristiano Ronaldoren atzetik omen dabil. Hori da behintzat, elkarrekin argazki bat atera zutenetik,  etaTwitter bidez, Barbadoseko erregina Real Madrileko futbol-jokalariari eztenkadak botatzen hasi zenetik, hainbat komunikabidek esan dutena.

Astebete geroago, zurrumurrua bueltaka dabil oraindik, batez ere, txioetako batean “nire umea” deitu diolako. Zer ezkutatzen dute bi hauek? Eta zein da Irina Shayk modeloak zurrumurru horren inguruan duen iritzia?

Oraingoz ez dugu istorio honen gaineko datu gehiagorik. Argitzeke dago nola ezagutu diren, baita Cristianok mezuak erantzuten dizkion ala ez.

Lortuko al du Rihannak futbolaria gatibu hartzea? Ez izan zalantzarik hala bada, “Paparazzi” blogean informazio guztia emango dizugula.

Aitor Ocio eta Laura Sanchez, elkarri mokoka

aitorAspalditik dator Aitor Ocio futbolari ohiaren eta Laura Sanchez modeloaren arteko sumina, baina azken orduetan sare sozialetara eraman dute haien alabaren inguruko azken eztabaida.

Hain zuzen ere, Instagram bidez adierazi du Laura Sanchezek Athleticeko jokalari ohiarekin duen haserrea. Dirudienez, alabaren zaintzagatik izandako borroka ez da oraindik amaitu, eta batarentzat zein bestearentzat buruhaustea izaten jarraitzen du.

Oraingoan, aipatutako sare sozialera Ociok igotako argazki batek piztu du polemika. Irudian zazpi urteko alaba azaltzen omen da. “Gure alabak zazpi urte ditu eta ez du argazkia Internetera igotzeko baimenik eman”, esan du haserre laura Sanchezek, argazkiak alaba hezteko lanari emanda dagoen aitaren itxurak egiteko erabiltzen dituela argudiatuz.

Oraingoz ez du horren gaineko erantzunik jaso. Akaso, umearen zaintza lortzeko erabiliko ote ditu argazkiak? Erantzungo ote dio Aitorrek?

Cuando la custodia de una hija se lucha en Instagram, por Laura Sánchez y Aitor Ocio

Chris Martin eta Rihanna, adiskidetasuna ala zerbait gehiago?

rihannaChris Martinen maitasun aferek zeresana eman dute azkenaldian. Gwyneth Paltrow aktoarekin zuen harremana hautsi ostean, prentsa arrosaren mundua buru-belarri dabil Coldplayko kantariaren maitasun istorioak hurbiletik jarraitzen, eta asteburuan bi emakumerekin ikusi dute: larunbatean, bere emazte ohiarekin egon zen afaltzen, eta egun bat geroago, Rihanna abeslariarekin elkartu zen.

Zurrumurruek ez dute etenik Chris Martinen bizitzan. Duela aste batzuk, Alexa Chungekin ikusi omen zuten, eta harreman berri baten inguruko albisteak zabaldu zituzten hainbat komunikabidek.

Aitzitik, iragan asteburuan bi aldiz elkartu zen Gwyneth Paltrowrekin; larunbatean, Malibu Farm lokalean, eta igandean, Santa Monican. Han, Applerekin eta Moisesekin (haien seme-alabak) egon ziren afaltzen.

Guzti horrek ustezko adiskidetze baten gaineko zurrumurruak zabaldu ditu. Nolanahi dela, familiarekin afaldu ostean, Rihannarekin batu zen Santa Monicako (Kalifornia) jatetxe italiar batean.

Aspaldi ezagutzen dute elkar, “Princess of China” grabatu zutenetik zehazki. Baina adiskidetasuna soilik ala zerbait gehiago ote dago haien artean?

Beyonceren titiburuek sua piztu dute

beyonceBeyonce abeslariaren argazki batek sekulako polemikoa piztu du. Ohikoa da abeslariaren webgunean zeresana ematen duten irudiak aurkitzea, baina oraingo honetan jarraitzaileen erantzuna ez da inolaz ere positiboa izan.

Argazkian Beyonce bularretako gabe agertzen da, eta titiburuak nabarmentzen zaizkio.

Esan bezala, horrek haserrea eragin du Interneten. Izan ere, askok diote, Rihanna imitatzen dabilela. Bestetik, baten baino gehiagok kritikatu du argazkietan alabaren aurpegia ezkutatzea, baina titiburuak erakusteko inolako arazorik ez edukitzea.

Hainbesterako deritzozue?