Tag Archives: haurdunaldia

Jennifer Anistonek alaba bikiak izango ditu

jenniferEzkontza egunean eman zuten albistea Jennifer Anistonek eta Justin Therouxek. Harrezkero, zurrumurrua luze eta zabal hedatu da komunikabideetan: bikotea haurdun dago.

Intseminazio artifiziala izan da umedun geratzeko bidea, eta, dirudienez, bi alaba izango dituzte. Izenak ere erabakita omen daude: Viola eta Ava.

46 urteko aktorea aspaldi zebilen ama izateko gogoz, baina bikote-harremanetan zorte handirik izan ez duenez, orain arte ez zaio amatasuna aurrera eramateko unea iritsi.

Ostera, 2010ean, John Mayerrekin harremana hautsi ostean, obuluak izozteko erabakia hartu zuen Friends telesaileko protagonistak, etorkizunean ama izateko asmoa zuelako.

Leire Martinez haurdun dago

leireLeire Martinez, La Oreja de Van Gogh taldeko abeslaria, haurdun dago. Twitter bidez eman du albistea kantari gipuzkoarrak, kazetariek azkenaldian hartu duten jarrerarekin haserre.

Dirudienez, sekulako jazarpena jasaten ari da egunotan. Hori dela eta, haurdunaldiaren berri ematea baino ez zaio geratu. Hau da, hain zuzen, aipatu sare sozialaren bidez esandakoa:

“Kaixo guztioi

Dakizuenez, ez dut nire bizitza profesionaletik at dauden gaiei buruz hitz egiteko ohiturarik. Dena dela, azkenaldian kazetariak atzetik ditut une oro, baita errepidean ere, eta hori arriskutsua da niretzat.

Senitartekoen etxeetara ere deitu dute, gezurrak esanez. Hori guztia niri buruzko informazioa lortzeko helburuarekin egin dute.

Beti errespetatu izan ditut lanbide guztiak, eta hala egiten jarraituko dut, nahiz eta zenbait konturekin ados ez nagoen. Helburua jazarpenari amaiera ematea da, batez ere, nire ingurukoentzat bakea nahi dudalako, haiek ez baitute nire lanbidearekin zerikusirik.

Beraz, pare bat gauza kontatuko dizuet:

Alde batetik, beharrean oso pozik nabilela. Taldekideekin batera, kontzertu-bira zoragarri bat bukatu berri dut, eta orain disko berria prestatzen gabiltza. Aurreikusitakoaren arabera, 2016rako egongo da prest lan hori.

Bestalde, haurdun nago. Jacobo eta biok oso pozik gaude albistearekin. 2015ean jaioko da haurra, eta proiektu berri honi ekiteko gogoz gaude; seguruenik, gure bizitzako proiektu garrantzitsuenetakoa izango delako.

Ez dut besterik esateko…

Eskerrik asko denagatik

Muxu potolo bat

Leire.”

 

Bisbal aita izango omen da berriro

bisbalArgentinako komunikabideen ahotan dagoen zurrumurrua da: David Bisbal aita izango da berriro. Kasu honetan, haren neska-lagunak jaso du prentsa arrosaren arreta.

Oraindik, ordea, argitzeke dago informazio hori egiazkoa den ala ez, eta ustezko haurdunaldi baten gainean hitz egitera soilik ausartu dira.

Duela egun batzuk zabaldu zen lehendabiziko albistea Hegoamerikan. Esan bezala, baieztatu gabe dagoen informazio horri buruz luze eta zabal hitz egin da azken orduetan sare sozialetan. Bada aktorearen eta abeslariaren haurdunaldia ospatzen ari denik, baina bada, baita, zurrumurru hori suntsitu duenik ere.

Esan bezala, aste hasieran zabaldu zen berria, Eugenia Suarez, Bisbalen neska-laguna, botikatik hainbat produkturekin atera zenean. Aipatutako komunikabideen arabera, David Bisbalen neskaren erosketen artean haurdunaldi-test bat zegoen.

“Lasai gaude, zoriontsu eta bizitzen ari garen egoeraz disfrutatzen. Horrek guztiak lanean gure alderik onena erakusten laguntzen digu”, ziurtatu zuen Bisbalek duela gutxi.

Milla Jovovich aktorea, haurdun

residentMilla Jovovich haurdun dago berriro. 38 urteko aktoreak albiste honekin abiatu du astea. Facebook bidez eman du jakitera ama izango dela.

“Hasiera batean, Resident Evil: The Final Chapter pelikularen grabazioari aurki ekingo niola iragarri nahi nuen. Hain zuzen ere, Cape Townera bidaiatzeko irrikitan nengoela adierazi nahi nien zaleei, baina nire senar Paulek eta biok berriro haurdun nagoela jakin berri dugu”.

Bikoteak pozik hartu du albistea, dena den, litekeena da Resident Evil sagaren jarraitzaileentzat albistea hain ona ez izatea, gutxienez beste urtebete itxaron beharko baitute filmaren seigarren partea ikusteko.

Dakizuenez, Jovovich aipatutako pelikularen zuzendariarekin dago ezkonduta, eta sei urteko alaba dute.

“Pelikularen grabazioa haurra jaio arte atzeratzea erabaki dugu. Akziozko eszenak haurdun dagoen emakume batekin grabatzea ez dugu oso egokia ikusten”, diote sare sozialen bidez zabaldutako mezuan.

2002an ezagutu ziren Milla eta Paul, eta zazpi urte geroago ezkondu egin ziren. Duela gutxi Everri neba edo ahizpa bat ekartzeko asmoa zutela esan zuten. “Nire lehentasuna da, orain egiten ez baldin badut, denbora aurrera joan ahala zailagoa izango delako”, baieztatu zuen orduan.

Elsa Patakyk bikiak espero ditu

Urrezko Globoen sari-banaketan ikusi ahal izan genuen azken aldiz Elsa Patakyk eta Chris Hemsworthek osatutako bikote ospetsua. Haurdun dagoela bagenekien, baina ez bikiak espero dituztela. Udaberrian, beraz, bi senide gehiago izango ditu India Rose txikiak, eta familia ugaria izango dira.

Hilabete gutxi barru gertatuko dena ikusita, etxe berria erosi dute bi aktoreek Los Angelesen, Malibun. Bost logela eta sei komun ditu etxeak, 600 metro karratutan, eta Paul Hogan aktoreak saldu die.

Lan-proiektuei dagokienez, Mody Dick nobelan oinarritutako pelikula grabatzen aritu da Chris Hemsworth Kanariar Uharteetan. Han izan dira Elsa Pataky emaztea eta India Rose alaba zenbait aste pasatzen.

Elsa Pataky eta Chris Hemsworth

Elsa Pataky eta Chris Hemsworth

Elsa Pataky haurdun dago

Chris Hemsworth eta Elsa Pataky aktoreek bigarren umea izango dute 2014ean. 2012ko maiatzean jaio zen Londresen bikotearen lehen haurra, India Rose. Beraz, familia ugaritzea erabaki dute, eta albistea baieztatu dute ¡Hola! aldizkarian.

Antza denez, haurdunaldiaren lehen hiruhilekoan dago aktorea, eta ez dakite neska ala mutila den, oraindik. Orain dela gutxi aitatasunaren inguruan galdetu eta gero, Hemsworthek ez zuen argi utzi beste haur bat izango ote zuten ala ez. Zurrumurrua baieztatu egin dute orain.

La Gomera uhartean daude une honetan hirurak. Izan ere, Chris Hemsworth In The Hearth of the sea pelikula filmatzen ari da. Proiektua Moby Dick eleberrian oinarrituta dago, eta Ron Howardek zuzenduko du.

Elsa Pataky eta Chris Hemsworth. Argazkia: Vanitatis

Elsa Pataky eta Chris Hemsworth. Argazkia: Vanitatis

Kristen Stewart, haurdun?

Robert Pattison eta Kristen Stewart

Albisteak ezustekoan harrapatu gaitu, baina, txutxu-mutxu guztien arabera, Kristen Stewart haurdun egon liteke! Aita, noski, Robert Pattinson bikotekidea omen da.

Azkenaldian zeresan asko eman du bikoteak. 4 urteko harremana hautsi egin zuten duela urtebete. Garai hartan Kristen ‘Blancanieves’ filma grabatzen ari zen, eta filmeko zuzendariarekin abentura bat izan zuen. Baina badirudi Robertek denborarekin barkatu egin ziola, eta, ordutik, etengabe aritu dira harremana hausten eta berreskuratzen.

Oraingoan oso serio hasi omen dira berriro; izan ere, OK Magazine aldizkariak baieztatu duenez, Kristen haurdun dago. Aktoreak berak duela gutxi egindako adierazpenen arabera, bere seme-alabek Roberten begiak izatea nahi du. Baliteke amets hori laster betetzea.

Gaur egun, bikotea Crepusculo sagako azken filma promozionatzen ari da, biran. Film horretan ere alaba bat dute elkarrekin. Guraso lanetan entrenatzen ibili ote dira?

Zurrumurruak faltsuak ziren: Penelope Cruz ez dago haurdun

Joan den astean, Penelope Cruzen balizko haurdunaldiaren inguruko zurrumurruen berri eman genizuen; hala ere, informazio hori faltsua dela adierazi du Antonio Rubialek, aktorearen ordezkariak.

Prentsa ohar labur eta zehatz batean ezeztatu du Antonio Rubialek aktorearen inguruko zurrumurrua: “Penelope Cruz ez dago haurdun”.

‘Espejo Publico’ telebista saioaren arabera Cruzek hiru hilabete zeramatzan haurdun, eta urte amaierarako bigarren seme-alaba bat izango zuen.

Shakira haurdun?

TVNotas aldizkariak prentsa arrosaren mundua astindu du, albiste harrigarri batekin. Argitalpenaren arabera, Shakira haurdun dago, eta bera eta Pique guraso izango dira datorren urteko urtarriletik aurrera. Oraindik ez da egon bikotearen egiaztapenik, baina, aldizkariak dioenez, abeslaria bi hilabeteko dago.

Aste honetan bertan, bikoteak erosi duen etxe erraldoiaren irudiak agertu dira, eta erosketa hori haurdunaldiarekin erlazionatu dute askok. “Shakira asko poztu zen haurdunaldiaren berri izan zuenean, eta horregatik erosi dute berak eta Piquek etxe bat Bartzelonan”, adierazi du bikotearen inguruko batek.

Informazio hori ez dator bat inola ere Pique eta Bar Rafaeli modeloa erlazionatzen zituzten zurrumurruekin. Egiazkoa izango ote da albistea? Eta, hala izatekotan, nola bateratuko dituzte bikotekideek euren ibilbide profesionala eta ume bat hazteko lana?

Beyonce 20 kilo argaldu da hilabeteko epean

Beyonce oso pozik dago urtarrilaren 7an jaiotako Ivy Blue Carter alabarekin eta bizitza aldatu diola aitortzen badu ere, gorputzari dagokionez, haurdunaldia atzean utzi, eta lehengora itzuli nahi du artistak. Eta buru-belarri dabil horretan. Hilabeteko epean 20 kilo argaldu da.

Horretarako, gogor ari da lanean Beyonce. Entrenatzaile pertsonala kontratatu du artistak, izarrak entrenatzen iaioa den Marco Borges entzutetsua, alegia. Harekin, egunero entrenamendu gogorra egiten du eta dieta zorrotz bati ere jarraitzen dio. Helburu bat dauka orain kantariak: 58 kiloko pisua izatea.