Monthly Archives: March 2016

Iker Casillas eta Sara Carbonero ezustean ezkondu dira

Leave a reply

665611_carbonero_casillas_foto610x342Iker Casillas eta Sara Carbonero ezkondu egin dira. Zeremonian ez da familiako inor egon, ezta bikotearen lagunik ere.

Dirudienez, Aste Santua aurretik izan zen ezkontza, Madrilgo Boadilla del Monte herrian, non bi lekuko baino ez ziren egon, tartean, kirol kazetariaren ahizpa.

Ingurukoek bi egun lehenago izan zuten albistearen berri, baina bikoteak argi zeukan zeremonia pribatua eta lasaia izango zela. Horrekin, kazetarien eta jarraitzaileen akidura saihestu nahi zuten.

Bien bitartean, bikotearen bigarren semea udan jaioko da, aurreikusitakoaren arabera, Madrilen. Izan ere, futbolariaren opor-egunak aprobetxatuko dituzte Espainian egun batzuk igaro eta haurra han jaiotzeko.

 

Pau Donesek bukatu du minbiziaren aurkako tratamendua

Leave a reply

541682_jarabedepalo18_foto610x342Hainbat hilabetez, ospitalean, kimioterapia hartzen egon ostean, Pau Donesek bere zaletasunetako bati heldu dio berriro: nabigatzeari. Jarabe de Palo taldeko abeslariak jarraitzaileekin partekatu nahi izan du une hori. Hori horrela, Aste Santuko oporren berri eman die zale guztiei, Instagramen eta Facebooken eskegitako bideo hunkigarri honetan:

“Lehenik sabeleko mina izan zen. Gerora, ebakuntzak eta kimioterapia tratamendua iritsi ziren. Sei hilabete igaro dira harrezkero, eta denbora horretan hainbat gauza gertatu dira. Lehorrean egin beharrekoak eginda daude. Orain, nabigatzeko ordua da”, idatzi du Donesek.

Aldi berean, minbiziaren aurkako tratamendua amaitu duela baieztatu du kantariak. “Txaluparen, zeruaren eta olatuen txanda da orain… Bukatu dira ebakuntzak, asteazkeneko kimioterapia saioak, igandetako ‘txakalaldiak’. Nabigatzeko garaia da, berriro”, adierazi du sare sozialetan.

2015eko irailean egin zioten ebakuntza Pau Donesi, koloneko minbizia atzeman ostean.

Jennifer Aniston banandu egin da

Leave a reply

jennifer-anistonJennifer Anistonek aho zabalik utzi zuen mundu erdi ezkondu zenean; hots, iazko abuztuaren 5ean. Dena den, badirudi ‘The Leftovers’ telesaileko Justin Theroux aktorearekin zuen harremana ez zela zirudien bezain polita. Izan ere, zazpi hilabeteren ostean, antza, harremana hausteko erabakia hartu dute.

Hori da, bederen, In Touch aldizkariak zabaldu duen informazioa. Itxura denez, bakoitza bere aldetik dabil azkenaldian, eta banaketa tramiteak hasi dituzte.

Duela gutxi Therouxen lagun batek esan zuenez, bikotea ez da inoiz ados jartzen. “Ez dute elkarrekin zenbat denbora igaro behar duten adosten, ezta non bizi behar diren ere. Anistonek nahiago du Los Angeles, baina Therouxek Manhattan maite du”, adierazi zuen. Iturri berberak erantsi zuen Justin ezkongai egoteko jaioa dela.

Nolanahi ere, bi aktoreak bizkiak adoptatzeko asmoz zeuden, eta bi hilabeteren buruan izan behar zituzten etxean. Hala eta guztiz ere, haien arteko liskarren ondorioz, bertan behera utzi dute guraso izateko plana.

Zurrumurruak zurrumurru, oraindik bikoteak ez du baieztapen ofizialik eman.

Paulina Rubio ama izan da, bigarrenez

Leave a reply

paulinarubio_guggenheimPaulina Rubiok besoetan du jada bere bigarren semea. Igandean jaio zen haurra, Miamiko Mercy ospitalean. Mexikoko komunikabideek esan dutenez, ama eta umea onik daude. Horretaz aparte, ez dute informazio gehiagorik eman.

Duela bi hilabete inguru iritsi zen Paulina Rubioren haurdunaldiaren berria, Miamin eskainitako kontzertu batean. Kantariak ezin izan zuen, orduan, haurdunaldia ezkutatu, soineko zabal-zabal bat zeraman arren.

Handik bi egunera, Gerardo Bazuarekin (Paulinaren bikotea) eta Andrea Nicolasekin (Paulinaren semea) egindako argazki batek baieztatu zuen albistea.

Paparazzi blogean haurraren izena eta aurpegia ezagutzeko zain gelditzen gara.

Zergatik partekatzen ditu Xabi Alonsok ‘Pocoyo’ren bideoak?

Leave a reply

xabi-alonso-efe_foto610x342Xabi Alonsoren alabak nahasmena eragin du futbolariaren Twiterreko jarraitzaileen artean. Izan ere, bi urte dituen Emmak ‘Pocoyo’ren bideo bat partekatu du Bayern taldeko erdilariaren Twitterrean.

Hala, Alonsok dituen ia 10.000 jarraitzaileei iritsi zaie etxeko txikienaren argitalpena. Nola ez, horrek ezustean harrapatu ditu jarraitzaileak, eta denetariko txantxak egin dizkiote. Baten batek mozkortuta ote dagoen ere galdetu dio, aipatu marrazki bizidunen txioa ikusitakoan.

Nolanahi ere, okerrak zuzentze aldera, futbol-jokalariak berehala eman die jarraitzaileei jazotakoaren azalpena.

Zalantzarik gabe, pasadizozko argitalpenaren harira jasotako iruzkinen artean, Jose Maria Castillejorena (‘Pocoyo’ren egilea) izan da sonatuena, Xabi Alonsori eskerrak eman baitizkio ‘Pocoyo’ren ikuskizunari emandako babesagatik eta alabak bidalitako txioa ez ezabatzeagatik”.