Tag Archives: harremanak

Paulina Rubiok etxetik bota du mutil-laguna

Leave a reply

MÉXICO-MÚSICABaliteke Paulina Rubio abeslari mexikarraren eta Gerardo Bazuaren arteko harremana hautsita egotea. Hiru urteko bikote-harremana izan dute, eta elkarrekin ume bat ere badute.

Latinoamerikako komunikabideek, ordea, ustezko desleialtasun baten gaineko albistea zabaldu dute. Aipatu iturrien arabera, Bazuak adarrak jarri dizkio Paulinari, eta ez emakume bakar batekin, gainera.

Antza denez, telefono mugikorraren bidez jakin du Paulina Rubiok bere bikotea desleiala izan dela. Aurretik ere, barkatu zion amodio-afera bat Bazuari, baina oraingo honetan etxetik bota omen du.

 

Irina Shayken eta Cristiano Ronaldoren harreman desleiala

Leave a reply

ronaldoCristiano Ronaldo futbolariak Irina Shayk modeloari adarrak jarri dizkiola ez da zurrumurru hutsa. Hori da, gutxienez, The Sun egunkariak ziurtatu duena.

Modeloaren gertuko iturri batek ahobizarrik gabe hitz egin du futbol-jokalariaren desleialtasunei buruz. Itxuraz, ez da emakume bakarrarekin egon, alegia, Irinarekin zegoenean beste hainbat neskarekin ere oheratzen omen zen. “Orain egia dakit, eta traizionatuta sentitzen naiz. Ustezko desleialtasun baten gaineko lehen zurrumurruak zabaldu zirenean, konfidantza guztia nuen Ronaldorengan. Inozoa naiz”, aitortu zion aipatu iturriari Shaykek.

Dirudienez, eta mintzagai dugun egunkariaren arabera, Ronaldoren urtebetze-festa prestatzen ari zenean jakin zuen futbolaria adarrak jartzen ari zitzaiola. Hain zuzen, futbolariaren sakelako telefonoan ikusitako zenbait mezurengatik konturatu zen beste emakume batzurekin zegoela; Kolonbiako, Australiako eta Frantziako emakumeekin, zehazki.

Hasiera batean ukatu egin zuen beste neska batzurekin egon izana, Irinak mezuak ikusi zituela esan zionera arte. Cristianok ez zuen aitzakiarik bilatu, eta orduantxe eman zuen harremana amaitutzat Irinak.

Dena dela, harremanaren amaiera iragarri zutenean, bikoteak ez zuen arrazoirik eman. Hori bai, mutil fidel bat bilatzen ari zela esan zuen orduan modeloak.

Taylor Swift eta Calvin Harris, elkarrekin

Leave a reply

taylor3Duela hilabete harro esan zuen Taylor Swiftek pozik zegoela mutil-lagunik gabe. Aitzitik, 25 urteko abeslaria berriro maitemindu da, haren ingurukoek zabaldu duten informazioen arabera.

Dirudienez, kantariak aurkeztu die dagoeneko mutil-laguna hurbilekoei. Calvin Harris disko-jartzaile eskoziarra da, hain justu, Swiften lagun berria.

Orain arte hainbat mutil gazterekin lotu izan dute abeslari estatubatuarra, Harry Stylesekin edota Taylor Lautnerrekin, adibidez. Dena den, Conor Kennedyrekin zeukan harremana hautsi zuenetik ez du mutil-lagun ofizialik aurkeztu.

Gainera, bazirudien zoriontsu zela ezkongai zegoenean. Izan ere, urrian estudioko azken diskoa aurkeztu zuenean zera esan zuen: “Askatasun eta aisialdi tarte bat bizitzen ari naiz, eta horri esker familiari, nire musikari eta lagunei lehentasuna ematen diet”.

Nolanahi ere, itxura denez, Calvin Harrisi ere tarte bat gorde nahi izan dio.

Nor da Cristiano Ronaldoren neska-lagun berria?

Leave a reply

christianoCristiano Ronaldok eta Irina Shaykek harremana hautsi dutela jakin genuen duela astebete, eta orain futbolariak neska-lagun berria izan lezakeela zabaldu dute hainbat komunikabidek.

Hain zuen, Lucia Villalon kazetari ezagunarekin lotu dute Real Madrileko aurrelaria. 26 urteko aurkezleak Real Madril futbol-taldearen kate ofizialean egiten du lan.

Aurretik, TVE kateko albistegietan aritu zen Villalon, baina, dirudienez, kirolzale amorratua denez, oso pozik dago lan berriarekin.

Dena den, oraindik ez dugu jaio berri den ustezko harremanaren gaineko xehetasun gehiagorik. Begi-bistakoa da Shayken eta Ronaldoren arteko harremana apurtuta dagoela. Izan ere, futbol-jokalaria bakarrik agertu zen Urrezko Baloiaren galara.

Lucia Villalon, ostera, sari-banaketan izan zen, eta badirudi Ronaldok harekin ospatu zuela garaipena.

Gazteako “Paparazzi” txutxu-mutxuen blogean baieztapen ofizialaren zain geldituko gara.

JLo eta Casper Smart, berriro elkarrekin

Leave a reply

JENNIFERDenetik entzun da Jennifer Lopezek eta Casper Smartek harremana utzi zutenetik. Abeslaria beste dantzari batekin zebilela zioten zurrumurruak zabaldu ziren aspaldi, dantzaleku batean jarrera maitekorra erakutsi ostean. Baina badirudi kantari estatubatuarrak ez duela Casper ahaztu, nahiz eta harremana bukatuta egon.

Halere, azkenaldian indarra hartzen ari dira bikotea adiskidetu egin dela dioten zurrumurruak. Daily Mail egunkariak, adibidez, Los Angelesen elkarrekin ikusi zituztela zabaldu zuen duela egun batzuk. Hain zuzen ere, ibilgailu berean ikusi omen zituzten.

Oraingoan, The Hollywood gossip da bikoteari buruz mintzatu dena. Aldizkari horren arabera, harremana estutu dute, eta baliteke irlaren batera bidaia bat egiteko asmoa izatea. Lasai egongo diren leku batera joan nahi omen dute JLok eta Casperrek, umeekin batera.

Iturri berak ziurtatu duenez, Casper oso pozik dago berriro elkarrekin daudelako, baita abeslariaren seme-alabak ere.

Antza denez, denbora bat bakarrik igaro ondoren, mutil-lagun ohia faltan botatzen hasi da Jennifer Lopez.

Zergatik utzi du Nick Cannonek Mariah Carey?

Leave a reply

mariahHainbeste zurrumurru entzun ostean, badirudi behingoz ofizialki baieztatu dutela Mariah Careyren eta Nick Cannonen arteko harremana hautsita dagoela.

Denbora da komunikabideetan ustezko krisi baten gaineko aurreneko zurrumurruak zabaldu zirela, eta orain hurbileko iturriek jakinarazi dute duela hilabete batzuk utzi zutela harremana. Hain zuzen ere, bikotea elkarrekin ez dela bizi esan dute aipatutako iturriek.

Aktoreak bere aldetik, elkarri denbora bat eman diotela eman zuen jakitera orain dela aste batzuk, baina badirudi harremana behin betiko bukatu dela. TMZ atariak zabaldutako informazioaren arabera, Cannonen iritziz, abeslariaren inguruan dagoen giro “toxikoa” kaltegarria izan liteke bikientzat. Horregatik erabaki omen du Carey uztea.

Dena den, aktorearen aitak azalpen are zakarragoak eman ditu. Facebook bidez zabaldutako mezuetan dio, Cannonek ez zuela sexualki Mariah gustuko, geroz eta lodiago dagoelako eta haren baimenik gabe abortatu zuelako. Halaber, guzurti amorratua dela azpimarratu du mezuotan.

Bien bitartean, abeslariaren jarraitzaileek Mariah Careyren alde egin dute, bi aldiz pentsatu gabe.

Blanca Suarez eta Dani Martín, maiteminduta

Leave a reply

dani

Nola da posible Miguel Angel Silvestre abandonatuta uztea? Badirudi Blanca Suarez aktoreak burua galdu duela. Telebistako duke ospetsuena utzi eta Dani Martín abeslariarekin bikote harremana hasi omen du Blanca Suarezek.

Hasiera batean zurrumurru hutsa zela uste zen, baina azken orduetan kaletik elkarri musu ematen ikusi dituzte. Bideoklip baten grabazioarekin lagun arteko harremana hasi zuten, baina elkarrekin igarotako orduek haratago eraman dute harremana.

Urtarrilean grabatu zuten hain zuzen ere bideoa, eta garai hartan Martinek eta Suarezek aurretik zituzten harremanei bukaera ematea erabaki zuten. Hilabete geroago, Barajaseko aireportuan elkarri musu ematen harrapatu omen dituzte,

Egia izango ote da? Gure txutxu mutxuen blogean istorio hau hurbiletik jarraitzen saiatuko gara!

Taylor Swift eta One Directioneko Harry Styles, elkarrekin

Leave a reply

Duela gutxi, abeslariak Conor Kennedyrekin zuen harremana hautsi berri zuela iragarri genuen blog honetan. Baina badirudi Taylor Swiften bihotza erraz sendatu dela; izan ere, txutxu-mutxu guztien arabera, Harry Styles One Direction taldeko kidearekin dago!

Albistea Mario Lopezek eman du, 104,3 MY irrati programan. “X Factor” programako epaile da Lopez, eta Taylorrek ikuskizuna eskaini zuen bertan, ostegunean, artista gonbidatu gisa. Lopez Harry agurtzera joan zen deskantsu batean, eta hor zergatik ote zegoen galdetu zion. Orduan, Taylor seinalatu zuen eskuaz, laguntzera etorri zela argi utzita.

Antza denez bikotekideak elkarrengandik gertu egon ziren arratsalde osoan, eta horrek ingurukoen susmoak piztu zituen. E News!-ek ere eman du txutxu-mutxuaren berri dagoeneko.

Conor Kennedyk eta Taylor Swiftek bertan behera utzi dute bien artekoa

Leave a reply

Conor Kennedy eta Taylor Swift

Taylor momentuko izar ezagunenetako bat da. Conor Estatu Batuetako familia boteretsuenetako baten parte. Askoren ustez, adinean bien artean dagoen aldea handiegia zen arren, bikotekideek ez zuten jada euren arteko harremana ezkutatzen.

Hiru hilabete elkarrekin eman ondoren, ordea, Conor Kennedyk abeslariarekin zuen harremana haustea erabaki du. ‘RadarOnline’k adierazi duenez, Kennedy nekatu egin da bera baino lau urte gazteagoa den Taylorrekin zuen harremanarekin, eta bertan behera utzi du. Antza denez, Swiftek konpromiso handiegia eskatzen zion mutil-lagunari, eta hori ez zegoen horren harreman sendoa izateko gogoz.

AEBetako hedabideek, berriz, beste arrazoi batzuk ere kaleratu dituzte. Askoren esanetan, bikotearen krisiaren arrazoia Taylorrek Kennedy familiagatik zuen obsesioa da. Dena dela, gero eta argiago dago Taylor harreman motzak izatera ohitu dela.

Sergio Ramos eta Pilar Rubio, elkarrekin!

Leave a reply

Sergio Ramos eta Pilar Rubio. Argazkia: Europa Press

Zurrumurruek maiz izaten dute zerbait egiatik eta badirudi Sergio Ramos Real Madrileko jokalaria eta Pilar Rubio aurkezlea bikote direla. Kontuaren gaineko adierazpenik egin ez badute ere, euren azken agerraldiek gero eta argiago uzten dute harremana.

Duela zenbait egun festa berean egon ziren biak, eta elkarrekin sartu eta irten ez baziren ere, susmoak piztu zituzten. Pasa den asteburuan, aldiz, jatetxe batean elkartu ziren; kasu honetan ere bakoitza bere aldetik sartu eta atera bazen ere, biek elkarrekin afaldu zuten.

Dena den, maitasun zantzu nagusia Sergio Ramosek berak erakutsi du: futbolariak “Rubio” hitza jartzen duen tatuaje berri bat egin du, ¡Hola! aldizkariak argitaratutako argazkian ikus daitekeenez.

Pilar Rubio aurkezleak 10 urte zeramatzan Hamlet taldeko José Molinero kidearekin eta Sergio Ramos Lara Álvarez kazetariarekin ibili zen. Orain euren bideak gurutzatu direla dirudi.