Category Archives: Moda

La Oreja de Van Gogh taldeko Leire Martinez banandu egin da

Ezer gutxi dakigu Leire Martinez abeslari gipuzkoarraren bizitza pribatuari buruz. Nolanahi dela, La Oreja de Van Gogh taldeko kantariak banandu egin dela iragarri du Twitter bidez, jarraitzaile guztiak aho bete hortz utzita.

“Espekulazioak saiheste aldera, eta batik bat nire semea babesteko, banandu egin naizela jakinaraztea erabaki dut. Dibortzioa bideratzen gabiltza orain”, aitortu du Leire Martinezek. “Bizitzen ari garen une zailak kontuan izanda, komunikabide eta jende guztiari eskertu nahi diet nire bizitza eta nire semearena errespetatzea, orain arte egin duzuen bezala”, bukatu du.

2015ean jaio zen bere semea

2014an ezkondu zen Jacobo Rodriguez Bustamanterekin Donostian. Urtebete geroago haien semea jaio zen.

Angelina Jolie eta Brad Pitt banandu egin dira

brad_foto610x342Komunikabideetan maiz entzun dugu Angelina Joliek eta Brad Pittek harremana hautsi dutela. Hori horrela, albiste horrek oihartzuna hartzen duen bakoitzean zurrumurru berri baten aurrean gaudela pentsatzen dugu. Dena den, badirudi oraingo honetan albisteak pisua hartu duela, eta litekeena da bikoteak banantzeko erabakia hartu izana.

Joliek eta Pittek ez dute gustuko beren bizitzei buruz hitz egitea, beraz, zaila izango da bikoteak berak albistea baieztatzea.

Zurrumurruek diotenez, Brad izan da erabakia hartu duena. Horixe da, bederen, Iparramerikako zenbait komunikabidek zabaldu dutena: lan kontuengatik bakoitza bere aldetik bidaiatzen dabiltzanez, maitasuna bukatu egin da.

Egia izatekotan, Hollywoodeko historiako dibortziorik garestienetakoa izango da.

Chris Martin, lorez lore omen dabil

chrisAspaldi iragarri genuenez, litekeena da Chris Martinen eta Jennifer Lawrenceren arteko maitasun-istorioa bukatuta egotea. Gainera, Daily Mail egunkariak zabaldu duenez, Coldplay taldeko abeslariak aurkitu du Lawrenceren lekua beteko duen beste emakume bat: Kylie Minogue.

Dirudienez, elkarrekin ikusi dituzte Londresetik, British Summer Time jaialdiaren ondoren, hain zuzen. Aipatu jaialdian Kyliek abestu zuen, eta Martin ere han ibili zen.

Kontzertuaren ondotik, Gwyneth Paltrowren eta Andres Velencosoren bikote ohiak Hyde Parken egon ziren paseo bat ematen. Antza denez, laguntasuna baino zerbait gehiago erakutsi zuten hitzordu hartan.

Bien bitartean, maiatzaren 31n elkarrekin egon ei ziren Martin eta Lawrence. Nork betetzen du, beraz, Coldplayko kantariaren bihotza?

Irina Shayk eta Bradley Cooper, elkarrekin

bradleyIrina Shayk modeloa eta Bradley Cooper aktorea elkarrekin daude, Hola aldizkariak, esklusiban, asteazkenean argitaratutako argazkiek erakusten dutenez. Argazkiotan New Yorkeko kaleetan paseo bat ematen azaltzen da bikotea.

Duela aste batzuk zabaldu zituen lehendabiziko zurrumurruak New York Post egunkariak. Horren arabera, Bradway Finding Neverland musikalean elkarrekin ikusi zituzten. Egunkariak gaineratzen zuen komunean dituzten lagunen bitartez ezagutu zutela elkar Cooperrek eta Shaykek.

Dirudienez, apirilean Etxe Zuriak antolatutako afari batean ere ikusi zituzten elkarrekin, eta orduantxe hartu zuten indarra ustezko harreman baten gaineko zurrumurruek.

Batak zein besteak duela gutxi hautsi dituzte aurretik izandako harremanak. El francotirador filmeko protagonistak, adibidez, martxoan utzi zuen Suki Waterhouserekin. Shayk eta Cristiano Ronaldo, berriz, urte hasieran hasieran banandu ziren.

Hain zuzen, urtarrilean iragarri zuen harremanaren bukera futbolari portugaldarrak. Bost urte batera egon ondoren, adierazpen hauekin eman zuen hausturaren berri: “Gure harremana bukatu egin da. Biok erabaki dugu hala izatea. Irinari onena opa diot”, esan zuen Real Madrileko jokalariak.

Beyoncé, Photoshop gabe

beyonceEz da lehenengo aldia “Paparazzi” blogean Photoshoparen mirariei buruz hitz egiten duguna. Gaurkoan Beyonce dugu protagonista.

Askotan irudi batek mila hitzek baino gehiago balio du, horregatik ez gara gehiegirik luzatuko. Epaia zuen esku utziko dugu.

L’Oreal makillaje-etxearentzat abeslari estatubatuarrak egindako argazki-saio bateko irudiak dira ondorengoak. Interneten filtratu dira argazkiok, eta zeresana eman dute hainbat komunikabidetan.

beyonce1beyonce2

Argi dago makillajerik ez zaiola falta irudiotan, beraz, beste behin ere, Photoshopa da azala inperfekziorik gabe azaltzearen arrazoia.

Photoshoparen gehiegizko erabilera egiten dela uste al duzue?

beyonce3

Brad Pitt eta Angelina Jolie zazpigarren haurraren bila

angelinaBadirudi, Angelina Joliek eta Brad Pittek futbol-taldea osatu nahi dutela etxean. Azken orduetan zabaldu den zurrumurruaren arabera, familia handitzeko asmoz dabil bikotea. Horregatik, litekeena da aurki beste ume bat adoptatzea, kasu honetan, Siriako haur errefuxiatu bat.

Argi dago, diru aldetik arazorik ez dutela aktoreek. Horrenbestez, nahi beste ume har ditzakete semetzat edo alabatzat.

Angelinak NBEari laguntzeko egindako bidaia batean ezagutu zuen Moussa. Haurrak bi urtetxo ditu, eta bakarrik gelditu zen, ama eta aita galdu ostean. Altinozun (Turkian) bizi da, errefuxiatuentzako kanpaleku batean.

Hori jakinda, aktoreak umea etxera eramateko ahaleginetan hasi omen ziren. Dena den, bikoteak ez du oraindik adopzioaren berri eman.

Dagoeneko hiru haur dituzte adoptatuta: Maddox, Pax eta Zahara. Gainera, Shiloh eta Vivienne eta Knoux (bikiak) seme-alaba biologikoak dituzte.

Beyonce, euskal estiloko orrazkeraren jarraitzaile

beyonceBeyonceren look aldaketak zeresana eman du azken egunotan. Musika artista ezaguna izateak alde txarrak ere baditu, eta uneoro kameren jomugan egoteak ez dio, oraingo honetan, Jay-Zren emazteari mesederik egin. Egundoko kritika-zaparrada jaso du flekilloa moztu duenetik.

“Halo” kantuaren egilea Parisen izan da, familiarekin batera, egun batzuk pasatzen, eta han erakutsi duen look berriak ez ditu jarraitzaileak oso gustura utzi.

Sare sozialak pil-pilean daude Parisko argazkiak zabaldu zirenetik, eta kantariaren inguruan egindako komentarioak guztiz zorrotzak izan dira.

Euskaldunon artean, aldiz, baliteke itxura berriak arrakasta izatea. Ocho apellidos vascos film ezagunean, adibidez, Amaiak, protagonistak, “aizkorarekin moztutako kopeta-ilea” erakusten du, eta dirudienez, Euskal Herritik kanpo asko dira euskal neskak estilo horrekin lotzen dituzten pertsonak. amaia

Gustuko al duzue zuek Beyonceren look berria?

Xabi Alonso, prentsa arrosaren jomugan

xabiDuela astebete “Paparazzi” blogean Xabi Alonso futbolaria izan genuen hizpide, eta gaurkoan ere tolosarraren aferak aterako ditugu mahai gainera.

Izan ere, Real Madril utzi eta Bayern Munich taldera joan berri den futbol-jokalari ezagunak gogor erantzun die azken egunetan ustezko desleialtasun baten inguruan zabaldutako zurrumurruei.

Hain zuzen ere, La Otra Cronica (LOC) gehigarrian argitaratutako informazio baten harira, El Mundo egunkaria auzitara eramango duela eman du jakitera Twitter bidez. Orain dela pare bat egun, aipatutako egunkariak iragarri zuen, Real Madril uzteko arrazoi nagusia Nagore Aranburuk jokalariari egindako presioa zela. Albiste horrek esaten zuenez, emazteak behartuta hartu zuen Munichera joateko erabakia Xabi Alonsok, ustezko desleialtasun baten ondorioz.

LOCeko iturrien arabera, Madrildik urrundu  nahi zuen modelo donostiarrak, senarra adarrak jartzen ari zela entzuten zuelako behin eta berriz. El Mundoren gehigarria izenak ematera ere ausartu zen, eta, besteak beste, Russian Red taldeko abeslariarekin lotu zuen futbolaria.

Azkenaldian hainbat komunikabidek hitz egin dute bi hauen arteko maitasun-istorio baten inguruan, eta Lourdes Hernandezen Agent Cooper diskoan “Xabier” izeneko abesti bat dagoela erabili dute askok froga gisa. Aitzitik, Hernandezek ukatu egin zuen aspaldi, kantu horren izenburua futbol-jokalariagatik aukeratu izana.

Beyonceren titiburuek sua piztu dute

beyonceBeyonce abeslariaren argazki batek sekulako polemikoa piztu du. Ohikoa da abeslariaren webgunean zeresana ematen duten irudiak aurkitzea, baina oraingo honetan jarraitzaileen erantzuna ez da inolaz ere positiboa izan.

Argazkian Beyonce bularretako gabe agertzen da, eta titiburuak nabarmentzen zaizkio.

Esan bezala, horrek haserrea eragin du Interneten. Izan ere, askok diote, Rihanna imitatzen dabilela. Bestetik, baten baino gehiagok kritikatu du argazkietan alabaren aurpegia ezkutatzea, baina titiburuak erakusteko inolako arazorik ez edukitzea.

Hainbesterako deritzozue?

Athletic vs. Reala

amorebieta

Twitter, Fernando Amorebieta

Euskal derbia dugu protagonista gaurkoan txumutxuen blogean, baina futbolaz hitz egin beharrean, moda kontuez arituko gara.

Duela astebete Amorebieta futbolariaren ezkontzaren berri eman genizuen. Larunbatean Lekeition ezkondu zen Athleticeko jokalari ohia. Egun berean, Realeko eskuin hegalean jokatzen duen Carlos Martinez gaztearen ezkontza izan zen Zumarragan.

Zeremonia galantak izan ziren biak, gorbatak, trajeak, soineko dotoreak eta harribitxiak nonahi ikusi genituen, eta futbolaren munduko aurpegi ezagunenek ere ez zuten hutsik egin aipatutako bi hitzorduetara.

Lekeitiok, Llorente, Aduriz, Toquero, Etxeberria, Iraola, Munian eta beste hainbat futbolariren bisita jaso zuen. Txuri-urdinen artean, berriz, besteak beste, Agirretxek, De la Bellak, Ansotegik, Prietok eta Jagoba Arrasate taldeko entrenatzaileak hartu zuten protagonismoa, Zumarraga inguruan.

Horretaz aparte, informazio gutxi dugu bi ezkontzen inguruan, baina, “irudi batek mila hitz baino gehiago” balio du esamoldeari eutsiz, argazkietan oinarrituko gara zein ongi pasatu zuten jakiteko.

Athleticekoek sare sozialak hautatu zituzten, Zubieta Jauregian jazotzen ari zenari jarraipena egiteko, eta batek baino gehiagok Instagram eta antzeko atarietara igo zituzten argazkiak. Realekoek, ostera, komunikabideen arreta eurenganatu zuten, eta ordu batzutara, ezkontzaren bideoa aireratu zuen Goierriko Hitzak.

Hasieran esan bezala, euskal debiari egingo diogu, beraz, gaurkoan tokia, eta galdera erreza eta sinplea luzatu nahi diegu irakurle guztiei. Nortzuk zeuden dotoreago? Hau da, bietatik zein ezkontzak erakutsi zuen glamour gehiago?

Utzi zuen iruzkinak!