Aspaldian zurrumurru ugari entzun ditugun arren, abeslari madrildarrak ez du, orain arte, albistea baieztatu. Antza denez, Alejandro Sanzek Madrilen emandako kontzertuan eman zien bere lagunei gertatutakoaren berri Marta Sanchezek.

Litekeena da, gainera, Hugo Castejonek dagoeneko neska-lagun berria izatea. Hala argitaratu du ABC egunkariak. Oraingoz, ordea, ez dugu ustezko harreman horren argazki edo irudirik ikusi.

Ia bi urte iraun du harremanak, 2010eko irailean elkarrekin agertu zirenez gero. Zeresan handia eman zuten, Marta Sanchez orduan banandu baitzen, hamar urte Jesus Cabanas ekoizlearekin ezkonduta egon eta gero.