.jpg)
1963ko urriaren 31an, Gerry and the Pacemakers taldearen "You’ll never walk alone" ageri zen Erresuma Batuko pop single salduenen zerrenda nagusiko lehen postuan.
Kanta hau New York hiriko Richard Rodgers-ek eta Oscar Hammerstein II.ak konposatu zuten 1945eko Carousel, Broadwayko antzezlan musikalerako. Orduz geroztik Estatu Batuetako crooner gehienek egin dute euren moldapena eta abestiaren ehunka grabaketa daude.
Harrigarria dirudien arren, Broadwayko musikal batetarako konposatutako kanta hau, Liverpool hiriko futbol taldearen himno ofiziala ere bada, eta kasualitate hutsez gainera. Dirudienez, partidu egunetan, futbol zelaiko ateak irekitzearen arduradunek musika jartzen zuten megafonian, pop arrakasta handiak biltzen zituen disko bat. Jokalariak zelaira ateratzen diren une horretan beti kanta bera tokatzen omen zen, "You’ll never walk alone", Liverpool-eko jarraitzaileek garrasika abesten zutena. Honela bihurtu zen kanta hau taldearen himno ofiziala.
Department of Eagles bikotearen bigarren bilduma da In Ear Park. Daniel Rossenek eta Fred Nicoulausek New Yorken ezagutu zuten elkar, 2000.urtean. Unibertsitateko lehenengo mailan zeuden orduan eta ikasle-egoitzako logela bera egokitu zitzaien. Aspertzeko denbora dexente omen zuten eta kantak konposatzen hasi ziren.
Imagine, John Lennonen bakarkako bigarren bilduma, 1971.urteko urriaren 30an iritsi zen Erresuma Batuko arrakasta zerrendetako lehenengo postura. Bilduma honetako kanten artean, John Lennonen bakarkako kantarik arrakastatsuena aurkitzen dugu: Imagine. Soinuz goxoa izan arren, Imagineren mezua oso erradikala da. Baina, goxotasun horren eraginez-edo, pentsamolde askoz kontserbadoreagoa duten abeslari ugarik kantatu izan du Lennonen klasikoa. Disko osoa da nahiko goxoa edo, beste modu batera esanda, soinu komertzialagoduna..jpg)
1966ko urriaren 29an, Question Mark & The Mysterians taldeak Estatu Batuetako single salduenen gailurra eskuratu zuen euren estreinako singlearekin
70.hamarkadako folk musikaren izar ez oso ezaguna da Rodriguez bakarlari estatubatuarra. Sasoi hartan modan zeuden hainbat estilotako ukituak ditu bere musikak baina, horrexegatik beharbada, orohar, nahiko sailkaezina da Cold Fact bilduma interesgarriaren egilea. Aurten disko hau, birmasterizatua, berriz argitaratu dute. Dirudienez, Australian jarraitzaile ugari ditu Rodriguezek. Gure artean, ordea, bere lanak ez du oihartzun bera izan. Bada, Eitbmusikan entzungai duzu, I wonder kanta aste honetan estreinatu baitugu gure sintonian.
1974ko urriaren 28an Ken Boothe jamaikarra Erresuma Batuko single arrakastatsuenen zerrendako lehenengo postura iritsi zen Everything I own kantaren bertsioarekin. Reggae-aren aurretiko rock steady delakoaren erregeetako bat izan zen Boothe, Alton Ellisekin batera. Everything I ownen arrakastak, hala ere, bere ospea reggaea nagusi zen urteetara iritsi zela erakusten digu..jpg)
1973eko urriaren 27an, Gladys Knight & The Pips taldearen 
Irlandako musikaririk esanguratsuenak Ronnie Drew herrikidea omentzeko elkartu ziren urte hasieran. Orduan, the Dubliners taldeko sortzailea oso gaixo zen jada (eztarriko minbizia zeukan). Abuztuan hil zen, 73 urte zituela. Aipatutako irlandar musikari guzti hauek (U2, the Dubliners, Sinéad O’Connor, Eleanor McEvoy, Ronan Keating, Shane MacGowan (the Pogues) eta Andrea Corr, besteak beste) U2 taldeko the Edge-ek eta Bonok konposatutako The Ballad of Ronnie Drew kanta grabatu zuten. Eitbmusikaren programazioan entzungai duzu.
1987ko urriaren 24an, Sting-en bakarkako estudioko bigarren bilduma, Nothing Like the Sun, Erresuma Batuko diskorik arrakastatsuenen arrakasta zerrendako lehenengo postuan zen. Egia esan, the Policeko abeslari ohiaren bakarkako lanik arrakastatsuena izan zen hau. Baita, orohar, tonurik goibelena duena ere.
Badirudi Vampire Weekend New York-eko talde arrakastatsua azaroan sartuko dela estudioan, bigarren diskoa grabatzeko. Egia esan, urte hasieran kaleratutako beraien lehenengo bilduma aurtengo lanik eraberritzaileenetakoen eta deigarrienen artean da. Momentuz, bigarrena kaleratzen duten bitartean, A-Punk izeneko kantarekin entzun ditzakezu eitbmusikan.