Tag Archives: pop alternatiboa

Brian Eno: Here Come the Warm Jets

Leave a reply

Here Come the Warm JetsBrian Eno britaniar ekoizle eta musikari aitzindariak 1974.urtean argitaratu zuen bere lehenengo bakarkako diskoa: Here Come the Warm Jets. Esperimentazio haundidun hamar pop kantak osatzen dute lan hau, orohar, glam-rock esperimentala bezala definitu izan dena. Urtebete lehenago Enok Roxy Music taldea utzi zuen, bandaren lehenengo bi diskoetan esku hartu eta gero. Bere lehenengo diskoan bere taldekide ohi guztiek esku hartu zuten, Bryan Ferryk ezik, eta baita beste talde batzuetako hainbat musikarik ere. Here Come the Warm Jets gaueko hamarretatik aurrera Eitb Irratiko sintonian entzungo dugu.

Avi Buffalo: Five Little Sluts

Leave a reply

Avi Buffaloren lana Eitb Irratiaren programazioan entzun daitekeen proposamen berrietako bat da. Bideo horretan abesten duen kanta da, “Five Little Sluts”, hain zuzen ere, aurkezten dizugun bere abestia. Avi Buffalo Avigdor Zahner-Isenberg da. Californiako musikari gazte hau institutu garaian hasi zen bere lehenengo konposizioak idazten eta orduan hartu zuen, baita ere, Avi Buffalo deitura izen artistikotzat. Beste hiru musikarirekin batera jarraitu zuen aurrera bere projektuarekin eta Aviren etxeko estudioan hasi ziren lehenengo grabazioak egiten.  Soinu-tolesduraz betetako haien pop-ak Sub Pop zigiluaren interesa piztu zuen eta apirilaren amaieran Avi Buffalo, beren lehenengo diskoa, argitaratu zuten etxe ezagunarekin.

Sufjan Stevens: Illinoise

Leave a reply

IllinoiseGaur, asteazkena, gaueko hamarretatik aurrera, Eitb Musikan Sufjan Stevens-en Illinoise (2005) disko entzungo dugu. Detroit-eko musikariaren lan hau 2005.urteko “Urteko Diskorik Onena” izendatzen duten zerrenda ugaritan azaldu zen, goreneko postuan. Illinois estatuari eskainitako 22 kantak osatzen duten lan honetan, estatubatuar bizimoduko topiko, elementu eta pertsonaia ugari agertzen dira; serie-hiltzaileak, amerikar janari tipikoak, desfileak, hiriak, presidenteak… Folk-a eta pop oso landua dira nagusi, soinuari dagokionez. Lan hau Sufjan Stevens-en projektu haundiago baten barruan sartzen da: 2003.urtean iragarri baitzuen Estatu Batuetako 50 estatuei buruzko diskoak grabatuko zituela. Lehenengoa Michigan (2003) izan zen, bere sorterriari buruzkoa eta bigarrena, Illinoise, gaur entzungo duguna. Orain arte ez du iragarritako bilduma horretako lan gehiagorik kaleratu.

Vampire Weekend: Vampire Weekend

Leave a reply

Vampire WeekendGaur gauean Vampire Weekend New York-eko taldeak argitaratutako lehenengo diskoa entzungo dugu: Vampire Weekend (2008). Lau mutil hauen “Upper West Side Soweto” estiloak kritikaren eta publikoaren txaloak jaso zituen. Internet-en Vampire Weekend-en inguruko zurrumurruak urtebete lehenago zabaldu ziren. Sareak musika-talde berriak begia hets artean goraipatu edo ahazten dituen sasoi hauetan, Vampire Weekend-en lanak froga gainditu zuen eta entzuten dugun bakoitzean hasieran bezain fresko eta bizia iruditzen zaigu. Gaueko hamarretan, EitbMusikan izango dituzu.

Antony and the Johnsons: I Am a Bird Now

Leave a reply

I Am a Bird Now2005.urtean, Antony and the Johnsons taldeak publiko zabalaren aurrera egin zuen jauzi I Am a Bird Now diskoari esker. Antony Hegarty buru duen banda honek argitaratutako bigarren lana izan zen hau eta berari esker, mundu osoak ahots hunkigarridun artista honen kantak ezagutu zituen. Candy Darling Andy Warhol-en musa ezagunaren argazkia azalean duela, disko honetan, malenkonia, galera, heriotza, maitasuna, itxaropena…nahasten dira. Gainera, hainbat gonbidatu ere izan zituen Antony-k berarekin batera abesten: Rufus Wainwright, Boy George, Devendra Banhartt eta Lou Reed, hain zuzen ere. Gaur, gaueko hamarretatik aurrera, Eitb Musikan entzungai izango dugu I Am a Bird Now.

The Flaming Lips: Yoshimi Battles the Pink Robots

Leave a reply

Yoshimi Battles the Pink RobotsThe Flaming Lips Oklahomako rock talde alternatiboak 2002.urteko udan Yoshimi Battles the Pink Robots diskoa argitaratu zuen. Ordurako Wayne Coyneren bandak ia hogei urte zeramatzan musikan baina lan honek batu zituen ibilbide luze horretan lehendabiziko aldiz kritikaren eta publikoaren txaloak, aldi berean. Gaur, gaueko hamarretatik aurrera, disko honetako Eitb Musikan sentimenduz beteriko soinu esperimental eta ametsetako hauetan murgilduko gara.