Tag Archives: Jay Farrar

Uncle Tupelo: Anodyne

uncle tupelo 1993ko Anodyne Uncle Tupelo amerikarren  estudioko azken lana izan zen. Disko hau grabatu zutenerako Mike Heidorn bateria- jotzailea taldetik kanpo zegoen eta Jay Farrar zein Jeff Tweedy euren bakarkako proiektuetan pentsatzen hasiak ziren. John Stirratt, Ken Coomer eta Max Johnston hartu zituzten taldea osatzeko eta Texasen, Austineko Cedar Creek estudioan grabatu zuten diskoa.Lehen aldiz taldearen historian, Uncle Tupelok diskoetxe handi baten (Sire)  babesa izan zuen diskoaren argitalpen eta aurkezpen birarako baina honek ez zuen taldearen halabeharreko bukaera eragotzi. 1994an Jay Farrar abeslari eta gitarristak Uncle Tupelo taldea uzten zuenaren albistea eman zuen.

Illinoiseko talde honen hazietatik jaio ziren ondoren Son Volt eta Wilco bezain talde nabarmengarriak, azken 15 urteotako alt-country talde onenen artean daudenak.

22:00 etatik aurrera, Anodyne diskoa izango da gaurko Eguneko Diskoaren protagonista.

Jay Farrar & Ben Gibbard: One Fast Move Or I’m Gone

KEROUACK Jack Kerouac idazleak 1962an argitaratu zuen Big Sur eleberria. Beat belaunaldiko idazlerik ezagunenak Californiako itsasertzeko Big Sur eskualdean idatzi zuen nobela hau,  Lawrence Ferlinghetti olerkari lagunak han zuen txabola batean.

2009ko udazkenean, Jack Kerouac-en heriotzetik 40 urte bete zirenean,  One Fast Move Or I’m Gone: Kerouac’s Big Sur dokumentala estreinatu zen Amerikako Estatu Batuetan. Dokumental honetan nobelaren sortze prozesuaz hitz egiten zaigu baita Kerouac-ek Big Sur eskualdean igaro zituen egunetaz. Dokumentalaren soinu banda,  Eitb Musikaren sintonian “These Roads Don’t Move” abestiarekin aurkeztu dizueguna,  Jay Farrar (Uncle Tupelo, Son Volt)  eta Benjamin Gibbard (Death Cab For Cutie) musikariek konposatu eta grabatu dute.