Robert Beitle, Wild Cherry taldearen bateria jotzailea, 1954ko abuztuaren 30ean jaio zen Pittsburgh-en, Pennsylvanian.
70eko hamarkadako urteetan Wild Cherry izan zen musikari zuriz osatutako funk talde bakarretakoa. Rob Parissi abeslari eta gitarristaren ekimenez sortutako talde hau rock musika egiten hasi bazen ere, kontzertuetan entzule afroamerikarrek egiten zizkieten eskaeren ondorioz 1976ko “Play That Funky Music (White Boy)” hit erraldoia grabatu zuten eta pixkanaka disco eta funk musiketarantz bideratu euren musika.
Brian Eno britaniar ekoizle eta musikari aitzindariak 1974.urtean argitaratu zuen bere lehenengo bakarkako diskoa: Here Come the Warm Jets. Esperimentazio haundidun hamar pop kantak osatzen dute lan hau, orohar, glam-rock esperimentala bezala definitu izan dena. Urtebete lehenago Enok Roxy Music taldea utzi zuen, bandaren lehenengo bi diskoetan esku hartu eta gero. Bere lehenengo diskoan bere taldekide ohi guztiek esku hartu zuten, Bryan Ferryk ezik, eta baita beste talde batzuetako hainbat musikarik ere. Here Come the Warm Jets gaueko hamarretatik aurrera Eitb Irratiko sintonian entzungo dugu.
Stevie Wonderek Motown-eko haur prodigio moduan hasi zuen ibilbide musikala. Hala ere, 70.hamarkadan bere lanaren gaineko kontrola eskuratu ahal izan zuen eta bere lanik gogoangarrienak, bere maisulanak, orduan argitaratu zituen: Talking Book, Innervisions eta Songs in the Key of Life. Lan hauetan entzun daitekeen sintetizadoreen erabilera aurreratuak soul musika aldatu zuen betirako. Gaur, Eitb Irratian, gaueko hamarretatik aurrera, Innervisions entzungo dugu. Urte haietako gizarte estatubatuarraren inguruko kezkak eta ardura azaltzen ditu Wonder-ek, konposizio benetan erakargarrietan: “Higher Ground”, “Living for the City” eta “He’s Misstra Know It All”, esaterako.
Judee Sill, 70.hamarkadako bakarlari kaliforniarra bere belaunaldiko abeslaririk ezezagunenetako bat da. Joni Mitchell eta Carole King bezalako artistekin batera, Laurel Canyon Sound delakoaren barruan sartzen da espiritualtasun haundidun bere musika. Bi disko argitaratu zituen: Judee Sill 1971.urtean eta Heart Food, handik bi urtera. Biak Asylum zigiluarekin argitaratu zituen. Hain zuzen ere, bere debuta David Geffenen etxeak kaleratutako lehendabiziko diskoa izan zen. 1979an hil zen Judee Sill, 35 urte zituela, gaindosi batek jota. Haren lana berreskuratuz hainbat bilduma argitaratu izan dira azken urteotan. Esaterako, Abracadabra. The Asylum Years (2006). Bertan bere bi diskoak eta hainbat material gehigarri batu zituzten. Gaur bilduma hori entzungai izango da Eitb Irratian, gaueko hamarreratik aurrera. 
Kate & Anna McGarrigle (1975) McGarrigle ahizpen lehenengo diskoa izan zen. 60.hamarkada hasieratik Montreal sorterriko folk eszenako izen esanguratsuak, Anna eta 
1973.urtean Blue Ash Ohioko taldeak lehenengo diskoa argitaratu zuen, No More No Less izenburupean. Disko honi buruz 70.hamarkadako power pop-aren lan ahaztua dela esan ohi da. Izan ere, kritikak txalo beroz jaso arren, salmenta eskasak izan zituen eta garaiko irratietan ere ez zuten geihegi jarri. 60.hamarkadako British Invasion delakoa osatu zuten taldeen musikaren eragin haundiduna, power pop-eko beste taldeen (Big Star, The Groovies…) kasuan bezalaxe, Blue Ash-en soinua rock gordinenaren adibide bizia da. Gaur, gaueko hamarretan, Eitb Musikaren sintoniarekin bat egiten baduzu, Blue Ash-en lehenengo diskoa osorik entzuteko aukera eskaintzen dizugu. 
Townes Van Zandt
1973.urtean Kevin Coyne-k 