Category Archives: Egun bat Musikan

They Might Be Giants: Flood

THEY MIGHT BE GIANTS They Might Be Giants bikotearen musikak beteko du Eguneko Diskoaren saioa. 1990eko Flood diskoan aurkeztu zituzten abestiak entzun ahalko ditugu Eitb Irratiaren uhinetan; hauen artean, “Birhouse In Your Soul”,Istambul (Not Constantinople)” edota Particle Man abesti ezagunak. Elektra diskoetxeak argitara emandako lan honek college rock amerikarraren izenburu onenetako bat izaten dirau eta New Yorkeko bikotearen diskografian aurkitzen dugun arrakasta handiena.

“Independent Music For Independent People”

Nirvana: Smells Like Teen Spirit

1991ko irailaren 10ean argitaratu zen Amerikako Estatu Batuetan Nirvana taldearen “Smells Like Teen Spirit” singlea. Seattleko hirukoteak Nevermind diskoaren aurkezpen single gisa kaleratu zuen abesti hau eta singlearen nazioarteko oihartzunak Grunge musikaren eztandari egin zion bidea. Ondorengo 3 urteetan, Kurt Cobainen heriotza arte, Nirvana izan zen amerikar rock alternatiboaren talde arrakastatsuena.

Bee Gees: I’ve Gotta Get A Message To You

bee gees 1968ko irailaren 3an Bee Gees taldearen “I’ve Gotta Get A Message To You” abestia ageri zen Erresuma Batuko pop arrakasten zerrendaren gailurrean.  Abesti hau izan zen 1967ko “Massachusetts” abestiaren ondoren Gibb anaiek zerrenda britainiarraren lehen postuan izan zuten bigarren abestia.

Balada hunkigarri honetan, hiltzera zigortua dagoen gizon batek alboan duen apaizari azken mesede bat eskatzen dio: maite duen emakumeari bere maitasunaren lekuko den mezu bat eman diezaiola, maitasun hitz hauek aurrera segitzen lagun diezaioten kementsu.

Robert Beitle (Wild Cherry)

WILD CHERRYRobert Beitle, Wild Cherry taldearen bateria jotzailea, 1954ko abuztuaren 30ean jaio zen Pittsburgh-en, Pennsylvanian.

70eko hamarkadako urteetan Wild Cherry izan zen musikari zuriz osatutako funk talde bakarretakoa. Rob Parissi abeslari eta gitarristaren ekimenez sortutako talde hau rock musika egiten hasi bazen ere, kontzertuetan entzule afroamerikarrek egiten zizkieten eskaeren ondorioz 1976ko “Play That Funky Music (White Boy)” hit erraldoia grabatu zuten eta pixkanaka disco eta funk musiketarantz bideratu euren musika.

The Shadows: Apache

Apache_by_The_Shadows 1960ko abuztuaren 25ean The Shadows taldearen “Apache” single instrumentala ageri zen Erresuma Batuko pop arrakasten zerrendan lehen postuan. Jerry Lordanek konposatutako musikalan hau izan zen The Shadows talde instrumentalak Cliff Richard abeslariaren laguntzarik gabe lortu zuen lehen hit handia.

“Apache” 60ko hamarkadako rock instrumentalaren klasiko handienetako bat da eta orduko eta oraingo gitarristen artean mirespena eragiten duen singlea.

Audio Shadows Apache

Shaun Ryder

Shaun+Ryder++1992

Shaun Ryder musikari ingelesa, Happy Mondays eta Black Grape taldeetako abeslaria, 1962ko abuztuaren 23an jaio zen. Factory zigiluaren sortzailea eta Manchesterreko Hacienda clubaren jabea zen Tony Wilson managerrari esker, Happy Mondays 80ko hamarkadako indie talde handienetako bat izatera heldu ziren eta Stone Roses taldearekin batera  Madchester izenaz bataiatu zen soinu berriaren ordezkari nagusiak. Rave kulturaren jaiotzarekin bat egin zuen Happy Mondays taldeak gorantz baina, suziri batek bezala, gora iristean eztanda egin zuen.  1992an desegin zen Happy Mondays taldea eta Shaun Ryder urte gutxitara itzuli zen eszenatokietara Black Grape talde berriarekin.

Ian Gillan (Deep Purple)

deeppurple_gillanIan Gillan, Deep Purple taldearen abeslaria, 1945eko abuztuaren 19an jaioa da.  Ritchie Blackmore (gitarra), John Lord (teklatua), Roger Glover (baxua) eta Ian Paice (bateria) musikariekin batera Deep Purple taldearen formazio arrakastatsuena osatu zuen, Mark II izenaz ezagutzen dena. Aipatutako musikari hauek grabatu zituzten, 1969tik 1973ra, talde britainiarraren ibilbideko disko esanguratsuenak izan diren In Rock, Fireball, Made in Japan zuzenekoa eta Machine Head.

Jarraian, Ian Gillan abeslariari eskaini nahi izan diogun saio laburra entzun dezakezue: Audio Ian Gillan

Bruno Lomas

bruno-lomas-cabecera-2 Bruno Lomas abeslari valentziarra 1990eko abuztuaren 17an hil zen auto istripuan, 50 urte zituela. Los Milos hirukotearekin ezagutara eman zen abeslari honek 60ko hamarkadako urteetan lortu zituen bere arrakasta handienak, nazioarteko hit ezagunen gaztelerazko bertsioei esker. 1966an Mediterraneoko abestiaren jaialdia irabazi zuen Ramón Arcusa eta Manuel de La Calvaren “Como Ayer” abestiarekin.

Hemen jarraian, bere bizitzari buruz prestatu dugun laburpentxo bat entzun dezakezue.

Audio Bruno Lomas

Joxe Mari Iparragirre

IparragirreJoxe Mari Iparragirre 1820ko abuztuaren 13an jaio zen Urretxun. Euskal kantutegiaren sortzaile aipagarrienetako bat bere olerki eta abestiak euskal erromantizismoaren harribitxiak dira eta atzerrian denboraldi luzeak igaro  zituen artista baten herriminaren testigantzak. Bere abestien artean “Gernikako Arbola” aipatuko genuke Iparragirrek 1853an abestu zuena lehendabizikoz Madrileko San Luis kafetegian.

Iparragirreren bizitzari buruz zertxobait gehiago jakin nahi baduzue, entzun ezazue jarraian datorren audioa.

Joxe Mari Iparragirre

Mary Wells: You Beat Me To The Punch

mary wells Mary Wells soul abeslariaren “You Beat Me To The Punch” 1962ko abuztuaren 11an argitaratu zen Motown diskoetxean. Singlea Estatu Batuetako pop arrakasten zerrendaren Top 10ean sailkatu zen eta R&B single salduenen zerrendan lehen postuan.

Smokey Robinsonek  eta Miracles taldeko abeslarietako batek, Ronnie Whitek, konposatutako abesti hau urteko R&B grabazio onenaren Grammya irabaztekotan egon zen baina azkenik saria Ray Charles musikariari eman zioten.

1964ko “My Guy” arrakastarekin batera, “You Beat Me To The Punch” izan zen The First Lady Of Motown goitizenaz ezagutzen den abeslari honen izenburu entzunenetako bat.