Tag Archives: outsider

Antony and the Johnsons: I Am a Bird Now

I Am a Bird Now2005.urtean, Antony and the Johnsons taldeak publiko zabalaren aurrera egin zuen jauzi I Am a Bird Now diskoari esker. Antony Hegarty buru duen banda honek argitaratutako bigarren lana izan zen hau eta berari esker, mundu osoak ahots hunkigarridun artista honen kantak ezagutu zituen. Candy Darling Andy Warhol-en musa ezagunaren argazkia azalean duela, disko honetan, malenkonia, galera, heriotza, maitasuna, itxaropena…nahasten dira. Gainera, hainbat gonbidatu ere izan zituen Antony-k berarekin batera abesten: Rufus Wainwright, Boy George, Devendra Banhartt eta Lou Reed, hain zuzen ere. Gaur, gaueko hamarretatik aurrera, Eitb Musikan entzungai izango dugu I Am a Bird Now.

Kevin Coyne: Marjory Razorblade

Marjory Razorblade1973.urtean Kevin Coyne-k Marjory Razorblade argitaratu zuen. Blues ahots garratzdun abeslari britaniarraren jarraitzaile askorentzat hauxe da bere ibilbide osoko diskorik borobilena. Gaur, gaueko hamarretatik aurrera, Eitb Musikan entzungo dugu. Diskografia zabala izan arren, Coyne ez da oso ezaguna publikoarentzat, baina bere lana, besteak beste, Sex Pistols-eko John Lydon-ek goraipatua izan da eta John Peel BBC-ko kazetari entzutetsuak babesa eskaini zion hasieratik. Coyne-ren kantetako protagonistak gizarteak baztertzen dituen horiek dira, bakarkadadean bizi diren outsider-ak, baita instituzioetan giltzapetuta bizi direnak ere, “House on the Hill”-en abesten duen bezalaxe. Kevin Coyne-k haien maitasun beharrari ahotsa jartzen dio.