1972ko maiatzaren 20an, T Rex britaniarren "Metal Guru" eguneko single salduena bezala sailkatu zen Erresuma Batuko pop arrakasten zerrendetan. "Telegram Sam" kantarekin batera, "Metal Guru" izan zen The Slider  diskoak aurkeztu zuen izenburu entzunenetako bat. Glam rockaren garapenean oinarrizko lantzat hartzen den disko honen azalean Marc Bolan abeslariaren argazki bat ikus daiteke, hain zuzen ere, Ringo Starr Beatle ohiak T Rex taldeko abeslariari atera zion argazki bat.