1969.urtean argitaratu zuen Euphoria bikoteak bere lp bakarra, A Gift from Euphoria. Country psikodelikoaren altxor ezkutuetako bat, benetako kultuzko diskoa da, 1996.urtean birrargitaratu arte, denbora luzez deskatalogatua egon zen lan hau. Bluegrass, orkestra-pop, psikodelia eta beste hainbat soinuren nahaste abila sortu zuen Hamilton Wesley Watt-ek eta William Lincoln-ek osatutako bikote honek. Gaur, gaueko hamarretatik aurrera, Eitb Musikaren sintonian entzungo dugu, gure Eguneko Diskoa baita.