Category Archives: Albisteak

Joko sozialak alde batera uzteko momentua da?

Zynga

Farmvillen sortzaileak bere 11 joku bertan behera utziko dituela argitu du. Dirudienez ez zituen nahi adinako irabaziak lortzen eta gastuak handiak ziren.

Hori alde ofiziala begiratzen badugu, baina honek badu bigarren irakurketa bat: lehen balio zuenak gaur egun ez duela balio. 2008 eta 2009 urteen inguruan egin zen ezaguna Zynga, eta batez ere lehen aipatutako Farmvillegatik. Facebooken hastapenetan izan zen hau, eta biek batera jende asko gerturatu zuten sare  era joko sozialetara.

Goizeko 03:00etan jaitzen zen jendea baratzetik barazkiak jasotzeko edo behien jaistera… egia esan beldur pixkat bat ere ematen zuen jendearen obsesio hark. Baina mundu teknologiakoan, bizitza errealean bezala, boladak daude eta dirudienez bolada hau amaitu da.

Jendea nekatu zen ardi galduak topatzeaz, arrosak ureztatzeaz, eta batez ere joku batek euren bizitzak kontrolatzeaz.

Gaiari itxura onik ez zaio ikusten, baina beno, nahikoa zian da 11 joko hauen etena aipatzea Zyngaren akzioek gora egiteko… beraz esandakoa… agian beste bolada baten aurrean daude.

Rojadirecta.com martxan da berriro

FBI

19 hilabete eta gero Estatu Batuetako Segurtasun Agentziak barkamena eskatu baitio interneteko atariari.

Lehengo urteko urtarrilean gertatu zen, egun batetik bestera rojadirecta.com-en sartzen saiatu ezkero, hantxe agertzen ziren Estatu Batuetako Segurtasun agentziaren logotipo denak…

Beldurra eta guzti ematen zuen bertara sartzeak… Zerbait ilegala egiten ari ginenaren sentsazioa ematen zuen.  Orria blokeatuta , eta pelikuletan ikusi ohi ditugun logotipoz josia.

Zalaparta ugari sortu zuen gaiak, batez ere estatu Batuetako gobernuak, interneten, bere mugetatik kanpo esku hartzen zuen lehen aldia zelako. Bere legedia mundu zabalera hedatzen saiatzen ari zela zirudien

Rojadirecta .com eta .org orriak blokeatuta geratu ziren; baina berehala ireki zuten rojadirecta.me, eta hortik ibili dira lanean gaur arte.  Segurtasun agentziak domeinuak jabeei itzuli dizkietelako.

Gaur goizaldean jakin dugunez, barkamen eskutitza bidali dute Estatu Batuetako Segurtasun Agentziatik Roja Directara bertako epaile batek horrela eskatuta.

Euren blogean irakurri dezakegunez, ordu gutxi barru rojadirecta.com eta .org martxan egongo dira sareko erabiltzaile ezberdinek bertatik kirol emanaldiak ikusteko.

Astoek wifia hedatzen dute

Astoa

Israelen martxan jarriko duten ekimen bat da; Kfar Kedem-en historiaren inguruko parke tematiko batean aske dauden astoei jarriko dizkieten aparailuei esker izango da.

30 astoek hartuko dute parte ekimenean ; Hotspot moduan egingo dute lan. Hau da, emisore nagusi batetik WIFI seinalea emango da, eta astoek errepikagailu moduan egingo dute lan, seinalea hedatuz.

Ideia izan, eta parkearen gerente den  Menachem Goldberg-ek aditzera eman duenez “ideia ongi atera ezkero, asto kopurua gehituko dugu”.

Historian zehar astoek egin duten lana eraldatzea izango litzateke hau?

Eta beste arazo bat… Asto denak parkeko eremu batean egongo balira? WIFI bertan bakarrik egongo litzateke…

ITURRIA | Fastcompany

ARGAZKIA | Wikimedia

Twitter euskaraz!

Twitter EuskarazUrte eta erdiz itxaron eta gero, Twitter sare soziala euskaraz erabiltzeko aukera dugu. Eta noski orain bertako hiztegira ohitu behar gara, hitz berezi guztiak ere eraldaketa jaso baitute.

Sarreran esaterako Inicio, conecta eta deskubre botoiak: Hasiera eta konektatu eta aurkiturengatik aldatuak izan dira. Eta jarraitzailek ere bere horretan jarraitzen dute.

Hori bai eraldaketa , hainbestetan aipatzen genituen topic-etan datoz, trending topic-etan. Gazteleraz tendencias zirenak eta orain euskaraz joerak bezala ezagutuko ditugunak. Eta sarean azken hilabeteetan zeresana eman duten tuit eta txioek ere badute isla Twitterreko euskaratzean. Retweeteatzea, bertxiotzea izatera pasatzen baita.

Baina orri berdinean txio hitzari tweet izena ere ikusi diogu. Beraz esan daiteke oraindik guztiz itzuli gabe dagoela eta oraindik kontraesanen bat edo beste duela.

Beraz hemendik aurrera euskaraz txiokatzeko aitzakiarik ez dago, lehen gutxi baldin bazeuden, orain gutxiago. Lehen mezuak euskaraz bidaltzen baikenituen eta orain Twiterrek guri ere euskaraz egingo digulako.

035 Prototipoa: iPad-a iPhone bihurtu zenekoa

ipad0

Zer izan zen lehena? Arrautza ala oiloa? Oiloa edo arrautza? Edo mundu teknologikora etorrita: Zer sortu zuten Applekoek lehenago iPad-a edo iPhonea?

Ba dirudienez (eta argazkiek hori esaten dute), Applek tableta bat sortu zuen telefono baten aurretik. Bill Gatesekin izandago afari baten ostean, Steve Jobs-ek Microsofti aurre egiteko “benetako” tableta bat egitea proposatu zuen. 035 prototipoa bezala ezagutu zen eta 2002an sortu zuten Apple-en. Botoirik ez zuen pantaila bat zen eta gaur egungo dock-aren aurrekari bat ere bazuen.

Dirudienez gero proiektua alde batera utzi ostea, iPhona sortzeko oinarritzat hartu zuten lehen tableta hura.

Apple-k Samsunekin epaitegietan duen liskar batean atera dira argazkiak (gaur egungo tableten diseinua eurena dela adierazteko erabili dituzte).  Argazkiak jarraian ikusi ditzakezue.

ITURRIA | Networkworld

Lan Irekia, zure ekimena lau haizetara zabaltzeko

Helburu soziala duen web ekimen bateko kide bazara, irakurri, arretaz, ondorengo informazioa.

lan-irekia-logoLan Irekia plataforma aurkeztu nahi dizuegu; euren ekimenak bultzatzeko teknologia berriak erabiltzen dituzten proiektuak jasotzen dira Lan Irekia plataforman. Hori bai, ekimenek helburu soziala izan behar dute, herri ekimenetik sortuak. Proiektu horiek garatzeko eta zabaltzeko laguntza ematen du Lan Irekiak.

Plataforma horretan parte hartzeko, zer egin behar den? Hasteko, eman lehenbailehen izena hemen. Izena ematen duten proiektu guztien artean aukeraketa bat egingo du Lan Irekia-k. Banan banan aztertuko dituzte aukeratutako proiektuak, eta horiek dituzten premiak edo beharrak jarriko dituzte mahai gainean.

Ondoren, orientatzaile baten esku jarriko dira azterketaren emaitzak,

Lan Irekia ekimenaren aurkezpena

Lan Irekia ekimenaren aurkezpena

proiektuaren etekinak hobetzeko. Nolabait, ekimenen errendimendua hobetzen lagunduko dute orientatzaileek, aholkulari lana egingo dute. Prozesua amaitzeko, jardunaldiak edo topaketak antolatuko dira web ekimen ezberdinetako kideekin, ezagutzak trukatzeko. Enpresetako eta erakundeetako ordezkariek ere hartuko dute parte topaketetan. Modu horretan, zubilana egin nahi da erakundeen eta ekintzaileen artean.

Eredua: Ciutadania 4.0

Azken batean, euren proiektuak zabaltzeko eta ezagutzera emateko laguntza behar duten ekimenentzat aukera bat da Lan Irekia. Kataluniako Ciutadania 4.0 plataforman oinarrituta dago. Bultzatzaileen arabera, platafoman parte hartzen duten ekimenen onurak begibistakoak dira: ikusgarritasuna, baliabideak eta zabalkundea lortzen dituzte sarean eta saretik kanpo, orientatzaileek emandako laguntzari esker eta enpresa zein erakundeetako ordezkariekin abiatutako harremanei esker.

Prozesuaren lehen fasea uztailaren 20an amaituko da. Beraz, hiru egun dituzu izena emateko. Ondoren, azterketa fasea etorriko da. Hau da, aukeratutako proiektu guztiak orientatzaileen esku utziko dira, bideragarritasuna lantzeko.

Dagoeneko, 40 proiektu inguru aurkeztu dira. Tartean dira, Lasterketak, Eldersarea, Llévame al huerto edota Truecasa bezalako ekimenak.
Zu ere, animatu zaitez, irabazteko asko duzu eta!

Facebook sareak 2 milioi pertsona galdu ditu

Facebook

Gora eta gora doan enpresa dela esan ohi izan dugu. Baina badirudi ez dela horrela. Facebook-ek 2 milioi pertsona galdu dituelako Espainian, SocialBakers analisi etxearen arabera.

Duela 55 hilabete 18 milioi pertsona zeuden F handian, eta gaur egin 16 milioi besterik ez dira. Urte erdian erabiltzaileen %12 galdu duela esan daiteke. Borratu baino, pertsona hauen aktibitatea murriztu edo ia desagertu egin dela esan daiteke.

Eta hau zergatik?

  • Plataformak izan dituen aldaketengatik
  • Beste sare sozialen gorakadagatik: Twitter, Google+, Pinterest…
  • Enpresek gero eta emaitza gutxiago lortzen dituztelako bertan
  • Moda pasa delako…

Hemen azpian dituzue datuak. Otsailekoak aurrena eta gero ekainekoak.

sbmr-es-feb2012

SBSMR-June2012-ES

Nonicken … jokoa hastera doa!

Gaming-aren hitzordua ate-joka ari da. Nonick Interneteko Joerei buruzko Nazioarteko Konferentziak ostiralean irekiko ditu ateak. Guztira 7 hitzaldi, mahai-inguru bat eta 12 tailer izango dira Nonicken laugarren edizio honetan, eta gaming-a eta negozio aukerak izango ditu ardatz. Gainera, Start Up 2.0 Competition lehiaketaren finala ere hartuko du konferentziak.

Konferentziaren inaugurazioa Joshua Williams-en esku egongo da. Microsoften ordezkariak ‘serious games’ delakoen paradigma azalduko du: jokoaren bidez produktibitatea nola areagotu. Honen ostean, Mark Barletek hartuko du hitza, AbleGamersen sortzaile eta CEOak. Urritasunen bat duten pertsonen bizi-kalitatea hobetzea helburu duen enpresa da AbleGamersen.

Nonickeko hurrengo multzoak Start Up edo sorkuntza berrietara zuzenduriko enpresak izango ditu ardatz. Courtney Guertin, CTO eta Kiip.me jokoen sortzaileak bere enpresa aurkeztuko du Start Up arrakastatsuaren adibide gisa. Ondoren, Start Up 2.0 Competition lehiaketako bost finalistek euren proiektuak aurkeztuko dituzte Nonickeko taula gainean, eta publikoak euren botoekin aukeratuko du Start Up 2.0 Competition lehiaketako irabazlea. Arratsaldean, berriz, jokoen inguruan arituko da Nonick.

Larunbatean, ekainaren 16an, tailerren txanda izango da konferentzian, eta, besteak beste, gai hauek jorratuko dituzte: retrogaming-a, jokoak hedabideetan nola sartu, joko arrakastatsuak nola sortu, gamer komunitateak nola kudeatu, webetarako estatistikak…

Eusko Jaurlaritzak SPRIren eta eitb.com-en bitartez eta CBT, Bilbao Ekintza eta BEAZ-Bizkaia elkarteen laguntzarekin antolatutako konferentzia honetan, bideo-jokoen industriako 200 profesionaletik gora izango dira datorren ekainaren 15ean eta 16an EiTBren Bilboko Multibox aretoan.

Negozioak eta gaming-a: azken joerak ezagutu nahi?

Nonick, Interneteko Joerei buruzko Nazioarteko Konferentzia, ekainaren 15ean eta 16an egingo da, laugarren aldiz, EiTBren multibox aretoan. Eusko Jaurlaritzak antolatzen du Nonick, eitb.com-en laguntzarekin.

SPRI, Basquegame eta eitb.com-eko ordezkariek Nonicken helburu nagusia kalitatezko networking-a (enpresa harremanak) sortzea dela adierazi dute: enpresen profesionalak eta inbertitzaileak, besteak beste, biltzea. Zazpi hitzaldik, mahai-inguru batek eta tailer-eskaintza zabal batek osatuko dute Nonicken egitaraua. Aurreko edizioetan bezala, Start Up 2.0 Competition lehiaketaren finala ere egingo da.

Xabier Sabalza, Eusko Jaurlaritzako Berrikuntzaren eta Informazio Gizartearen zuzendariak, Edurne Ormazabal, eitb.com-eko zuzendariak eta Juan de Miguel, Basquegame-ko buruak hartu zuten parte atzoko aurkezpen agerraldian. “Guztira, 24 enpresa daude bideo-jokoaren sektoreko euskal elkartean, eta Nonick-ek nazioarteko laguntza luzatuko die”, De Miguelen hitzetan. Jaurlaritzak eta eitb.com-ek ere bat egin zuten helburu horrekin.

Horrela, Nonick-en parte hartzen duten enpresa guztiei, eitb.com-ek ETBko telebista produktuetatik jokoak sortzeko lankidetza proposatuko diela aurreratu zuen Edurne Ormazabalek. “Agian, horri esker, datorren urtean, El Conquistador del fin del mundo, Goenkale edo entretenimenduzko beste edozein programen inguruko joko bat izan dezakegu. Garrantzitsuena saiatzea da eta aukerak aztertzea”, adierazi zuen eitb.com-eko zuzendariak.

Aurten, Bizkaiko Foru Aldundiaren laguntza izango dute BEAZ-en bitartez eta Bilboko Udalarena, Bilbao Ekintzari esker.
Nonicken aurreko saioetan, mugikorretako aplikazioak eta sareko bideo eta telebista gaiak jorratu ziren, eta honi esker, bertan bildu zirenek, elkarrekin, proiektuak aurrera atera dituzte, lan-eskaintzak sortuz eta inbertsio teknologikoak eginez. Aurten, berriz, gaming-a landuko da, eta eskaintzen dituen negozio-aukerak. Ateak, ekainaren 15ean irekiko dira, Joshua Williams Microsoft Serious Games-eko arduradunaren aurkezpenarekin, eta larunbatean, Dante Simpsonen (Eon Interactive-ko presidentea eta Sony Music Entertainment-eko presidenteorde ohia) hitzaldiarekin itxiko dira.

Nonickerako sarrerak prezio murriztuan eskuratu ahal izango dira 2012ko ekainaren 8ra arte, konferentziaren webgune ofizialean.

Wii U, Nintendoren asmakizun berria

Wii U logo

Lehengo urtean eman zuten jakitera Nintendo etxe japoniarrekoek esku artean zutena. Wii kontsola ordezkatuko duen Wii U. Hitz jolasa eginez, Wii (gu), Wii U (gu eta zu)… eta horrelako gauzetara ohitzen joan, Miiverse edo Mii Wara Wara izenak ikasi beharko ditugu eta.

Duela 6 urte, wii kontsola kaleratu zutenean, eserlekutik jaiki ginen Nintendori esker. Jolasteko modu berri bat aurkeztu zuen eta kontsola berriarekin ere beste eraldaketa bat ekarri nahi du. Horretarako espaziontzi baten itxura duen aparailu bat izango dugu esku artean Wii U Gamepad izenekoa: pantaila ukigarria, bideokamera, mikrofonoa eta NFC teknologia izango dituena.

Wii U Gamepad

NFC teknologiaren bitartez gure mugikorra, txartelak eta antzerakoak irakurtzeko gai izango da Wii U-a eta hau gutxi balitz gure telebistako urruneko kontrol gisa ere erabili ahalko dugu.

Teknologia punta puntakoa… orain kontua beste bat da. Jokoek hau guztia erabiliko dute? Jolasteko forma berri bat ekarriko du Nintendoren kontsolak?. Hau guztia hurrengo astean jakingo dugu, Los Angelesen egingo den E3an emango baitu jakitera etxe japoniarrak kontsola berriarekin egin ahalko dugun guztia.

Beraz itxarotea tokatzen zaigu, bitartean hemen azpian duzue aurkezpenaren bideoa. Pazientziaz hartu, 30 minutuko bideoa baita!