Category Archives: Aplikazioak

20 urte lehen sms bidali zela

SMS

Benga, bale… beste behin nostalgiko jarri  naiz. Onartzen dut! Baina aizu! Gauza batzuk gogoratzea ez da gaizki etortzen. Batez ere urte guzti horien ondoren zerbait desagertzen ari denean: Mezuak ez, baina bai bidaltzeko modua.

Erresuma batuan bidali zuten lehen SMSa. Gaurko egun batean bezala, baina duela 20 urte. Eta mezu hark zera zioen:

Merry Christmas

Abendu hasieran eta gabonak zoriontzen? Guk gurean egingo bagenu Euskararen Nazioarteko Egunaz zerbait idatziko genukeen… baina badakizue british hauek, beti british. Vodafone etxearen seinaletik bidali zen lehen mezua eta garestia ez, oso garestia zen. Merkeagoa baitzen Hubble teleskopiotik informazioa bidaltzea SMSa bidaltzea baino.

Nokia etxeari esker egin zen ezaguna zerbitzu berria, 1993an atera zuen telefonoari esker. Zerbait esklusiboa hasieran. Baina urte gutxian mundu zabalera, konpainia denetara eta telefono mota guztietara heldu baitzen.

Gaur egun SMSak ahazten ahazteko bidean gaude Whatsapp eta Line bezalako programengatik. Informazio gehiago bidaltzeko aukera ematen dutelako, eta batez ere doakoak direlako. Orain, lehen bezalaxe, beti poltsikoari begira (orduan ere krisia baitzegoen mundu zabalean).

Tira, ikusi egin beharko dugu non geratzen diren gaur egungo mezuen zerbitzuek 20 urte barru, eta zein aukera eskainiko duten… Baina hori zientzia fikzioari utziko diogu.

ARGAZKIA | Grouptext

IOS 6, Apple etxearen bitxi berria

titleBadira hilabete batzuk gaia bueltaka dabilela internetetik. Apple-ko fanboy/fangirl-ak jarraitzaile sutsuak direlako gehienbat. Baina beno, itxaronaldia amaitutzat eman dezakegu. Atzo bertan aurkeztu baitzuten WWDC-ean iPhone, iPod eta iPad-ek eramango dute software berria: IOS 6.

Lehenik eta behin esan software iPhone 3GS eta iPad 2-aren ondoren sortutako aparailu denentzako izango dela bateragarria. Baina horien atzekoak (3G, 2G eta iPad 1) IOS 5arekin geratu beharko dutela.

ikonoak

Berrikuntzak 2 dira nagusiki. Batetik Siri laguntzaileak ingelesaz gain beste hizkuntza batzuk ulertuko dituela (tartean gaztelera) eta bestetik Google Maps aplikazioa erabiltzeari utziko diola Apple-k. G handia eta sagartxoaren enpresaren arteko liskarren ondorioa da hau eta Apple-k hutsetik sortu duen programa berri bat ekarriko digu. Beste berrikuntza batzuk ere ekarriko ditu, Passbook( erreserbak egiteko aplikazioa), FaceTime (Wifi bidez zena orain 3G bidez ere bai) eta deiak filtratzeko aukera.

Hilabete batzuk barru iritsiko da gugana softwarea, udazkenean… iPhone berri batekin iritsiko ote zaigu? Zurrumurruak handiak dira sarean, baina oraindik ezin da ezer konfirmatu.

Disko gogorra lainoan

Google_Drive_Logo

Ez da lehena izan, eta ziur asko ez da onena ere izango, baina azkenean (eta erabiltzaileok denbora luzez eskatu eta gero), Google Drive iritsi berri da gugana.

Disko gogor birtual bat eskaintzen du zerbitzu berriak, 5 GB-koa. SkyDrive, Dropbox, edo Box-en atzetik etorri da G handia, baina noski, beti gertatzen den moduan, nahikoa da Googlek zerbait kaleratzea hau albiste izateko.

Zerbitzu berriarekin, zerbitzu zaharrak berritu egin dira: Google Docs desagertu egin zaigu. Beno hobe esanda zerbitzu berriak irentsi egin du. Modu honetan disko gogor birtual bat eskura izango dugu, baina aldi berean etxeko ohiko programetan egin dezakegun moduan, fitxategiak bertan sortzeko aukera ere izango dugu. Zerbitzua eraldatu eta hobetu egin dela esan daiteke.

Lehen, Docs zerbitzura, dokumentuak igotzeko aukera bakarrik zegoen; Orain ordea edozein fitxategi igotzeko eta elkarbanatzeko aukera izango dugu.

GMAIL

Baina hau ez da izan Google etxearen aldaketa bakarra, posta zerbitzua ere hobetu baitu. Gaurtik aurrera 10 GB izango baititugu eskura erabiltzaileok, bertan gure mezuak jasotzeko

Produktu garestiak, zentimo gutxiren truke?

Bai, halaxe da, ez gabiltza gezurretan. Dinda Danga izeneko orriari ezkero posible da hau.

Parte hartzeko nahikoa da orrian izena ematea, eta bertan egiten diren enkante ezberdinetan parte hartzea ( Produktu bakoitzarentzat enkante bat).

Parte hartzeko kreditu minimo beharko da (Dingak), eta hauek modu eroso batean erosi ditzakegu.  Produktua (Danga) salgai jartzen den unean, guk klik egin dezakegu (saltzen ari direna gustatzen zaigula adierazteko, eta enkantean parte hartzeko). Klik egiten dugun bakoitzean zentimo bat igoko da produktuaren prezioa.

Ez dugu ahaztu mehar denbora mugatua dagoela erosketa xelebre honetan. Hasieran denbora jakin bat emango da parte hartzeko, baina egiten den lehen klikarekin, kontagailua 10 segundoan jarriko da. Atzera kontaketa horretan, inork ez badu produktuagatik klik egiten, produktua guretzat izango da. Aldiz denbora horretan norbaitek klik egiten badu, kontagailua berriro 10 segundoko muga horretan kokatuko da.

Enkantean parte hartzen duten denek, botu (edo gehiketa) kopuru berak dituzte parte hartzeko, beraz denek dute aukera bera produktua eskuratzeko.

Produktuaren balioa, jendearen nahia, estrategia, denbora, ausardia eta azkartasuna uztartzen ditu Dinga Dangak.

Laburtzeko:

  1. Erregistratu
  2. Produktuaren salmenta /enkantean parte hartuko duzula adierazi
  3. Salmenta hastean, adi! Jokatu! Eta eskuratu!
  4. Produktu esklusiboa zentimo gutxi batzuen truke lortu!!!

F handiak Instagram jan du

facebook-instagram-fotos-default

Instagrametaz hitz egitea aplikazio arrakastastu batetaz hitz egitea da. 20 millioi erabiltzailetik gora dituen sare soziala da, argazkiei filtro bereziak ezarri eta ikusgarri uzteko balio duena.

Ez da azhatu behar, duela gutxi arte IOS erabiltzen zuten aparailuetarako bakarrik zegoela eskuragai (Gaur egun Android-erako ere eskuragai dago), eta hau horrela izanda txalotzeko modukoa da aplikazio txiki honek lortutako marka.

Hori bai, albistea aste honetan iritsi zaigu: Facebook-ek Intsagram erosi duela eman da jakitera. 1000 milioi dolarren prezioan. Baina denak ez dira gustura agertuko honekin. Instagrameko erabiltzaile sutsuak, Hipsterrak, aplikazioa uzteko deia luzatu dute sarean.

Haien ustez Facebookek erosi izanak ez dio onurarik ekarriko aplikazioari. Hare gutxiago, aditzera eman dutenez Instagramek etorkizun laburra du. Eta hau horrela izanik, eta beraien jarduera bermatzeko, beste antzeko aplikazioak erabiltzea gomendatzen dute.

Hurrengo post batean, beste aplikazio horiez hitz egingo diezuegu, zuek ere nahi izan ezkero Instagram alde batera uzteko.

Irudia | Zonadigital

@ Bildua: PS Vita

PS-VIta-

Larunbateko @ Bilduan Sony etxearen kontsola berria aztertuko dugu. Ps Vita deritzona, duela hilabete iritsi zen gugana, eta momentu ona iruditu zaigu analisi sakon bat egiteko.

Teknologiari begiratuko diogu: Pantaila ukigarria, 3G konexioa… Jokoak beste batera utziko ditugu (barkatu zaletuak zaretenoi), analisi sakon bat ere merezi dutelako. Josu Barandallarekin hitz egingo dugu gaiaz.

Baina Twitterri ere begirada bat emango diogu, eta produktuak erosterakoan zertan lagundu dezakeen aztertuko dugu. Noemi Rivera hartuko dugu bidelagun.

Eta hau dena gutxi balitz mugikorrei ere begiratuko diegu. Aplikazioak ezagutzeko. Kirola egiterakoan interesgarrian izan daitezkeenak aztetuko ditugu larunbatean. Beraz adi kirolari!

Larunbatean, goizeko 09:30ean Euskadi Irratiaren sintonian.

Txori espazialak

angry-birds-space

Badira ia 2 urte Angry Birds-ak gure artean agertu direla, eta ordutik arrakasta bata bestearen atzetik etorri zaie programatzaileei. Betiko jokoaz gain munduko festa edo ospakizunetara egokitzen zen bertsioa etorri zen lehenik. Ondoren Rio pelikulan oinarritua iritsi zen… Eta ez da ahaztu behar ordenagailuetara eta sare sozialetara ere salto egin zuela txoritxo haserretuen sagak.

Baina egia da gero eta berrikuntza gutxiago zekartzala edizio berri bakoitzak. Mapa berriren bat, txoritxo bereziren bat… errepikakorra gertatzen ari zen Rovio etxearen jokoa.

Edizio berria iritsi den arte, buelta bat edo bi ematen dizkio Angry Birds jokoari, Angry Birds Space-rekin. Izenak dioen bezala, oraingoan espaziora bidali dituzte txoriak eta hau egitearekin batera grabitatea kontutan hantzen hasi dira. Hau da (eta modu errez batean azalduta), lehen tiro parabolikoak egiteko aukera genuen, eta orain hau egiteaz gain planeta eta asteroide ezberdinetako grabitateak eragingo digu. Modu honetan jaurtiketak ez dira beti toki berera joango, eta asko pentsatu beharko da txoritxo bakoitza atakera bidali aurretik.

Honez gain mapa berriak izango ditugu (nola ez), eta txori berri bat ere izango dugu eskura (izozteko boterea duena). Hau horrela izanda, sagari beste buelta bat eman diote eta honekin batera dibertsio orduak biderkatu egin dituzte Roviokoek.

Gainera, trailerrean ikusi dezakegunez (post honetan bertan duzuenean), etorkizun batean jokoa handitzeko gogoa erakusten dute programatzaileek: agertzen diren arrautzetako kapelei begiratu ezkero laster gure artean txori berdea, laranja eta besteren bat izango ditugulako

Mugiko eta tabletetarako prest duzue: bai App Storean eta baita Google Play-en ere.

Beraz badakizue, jantzi kasko espaziala, eta denak txerri berdeak ehizatzera!

Marrazoaren azken hozkada? Grooveshark auzia

4926d_grooveshark-download

Musika entzun eta gozatzea. Eta dohainik bada askoz hobe. Hori da mundu guztiak buruan duena, baina badakigu hau ez dela denbora luzerako izango. Ez behintzat gaur gaurkoz ezagutzen ditugun zerbitzuetan.

Duela hilabete batzuk Spotify-ek bere politika aldaketak, erabiltzaileak zerbitzua ordaintzera behartu zintuen. Baina ez zen lehena izan, aurretik Last.fm-ek ere bera egin baitzuen. Hala eta guztiz ere orain Groovesharken txanda da.

Alemania eta Danimarkan izandako arazoengatik, eta diskoetxeek sartutako presioaren ondoren, eskaintzen duten zerbitzua aldatuko dute. Aldatu baina gehiago ordaintzera behartuko dute jendea, bai behintzat musika entzuten jarraitu nahi badute. Hilean 4$-eko kuota , hori da zerbitzuak izango duen kostua.

Tarifa hau ezarrita, Grooveshark-ek, diskoetxeek ordaintzera behartzen dute canonak ordaindu nahi ditu. Oraingoz ordaintzeko sistema hau Finlandia, Irlanda eta Errusian jarriko dute, baina ziurrenik gainontzeko herrialdeetara ere zabalduko dute. Kontua da, zenbat iraungo du Grooveshark-ek ordainketa sistema honekin? Edo beste zerbitzu bat topatuko dute erabiltzaileek?

Garbi dagoena da, politika aldaketa honekin erabiltzaileak galduko dituela musika atariak, eta gaur egun dituen 30 milioi horietako askok alde egingo dutela. Nora joango ote dira erabiltzaileak? Hori da mundu guztiak jakin nahi duena…

Amaitu dira zenbakiak

ipadArratsaldeko 19:00ak ziren, eta mundo guztia (edo behintzat Apple zaleak) Cupertinora begira zeuden. “Zein produkturekin harrituko ote gaituzte gauekoan?” “iPad 3? iPad HD?”

Ba azkenean ez bata ez bestea.

iPad berria aurkeztu baitzuen Tim Cook-ek. Zenbaki zein atzizkirik gabe… iPad berria. Izenean ez, baina zurrumurruek gauza batzuk asmatu zituzten. Retina Display pantaila izango baitu Apple etxearen tablet berriak: 2048×1536-eko bereizmena izango duena.

LTE teknologia ere izango omen du aparailu berriak, modu honetan interneterako abiadura hobetuz. Gaur egun eskaini zezakeen 3 gb-etatik haratago joango baita

Sistema eragilea ere berritua ekarriko du sagartxoaren enpresaren produktu berriak (dagoeneko beste telefono eta tabletetarako presta dagoena , IOS 5.1), eta baita beste programatxo batzuk ere Garageband edo iPhoto bezalaxe.

Eta garrantzitsuena, zenbat… Zenbat xahutu beharko dugu moda modan egoteko? 500-830 $ inguru, bertsioaren arabera. Baina beno honek gauza on bat ere ekarriko du guguna: aurreko bertsioa, hau da iPad2-a merkeago jarriko dutela ( 400€ inguru).

Estatu Batuetan martxoaren 16an jarriko dute salgai, eta Europan aldiz martxoaren 23an. Orduan ikusiko ditugu, ohiko moduan, ilara kilometrikoak Apple Storeetan.

Beraz Apple zaleak bazarete aurrezten joan (eta gozatu post honen azpian duzuen bideoarekin), eta ez baldin bazarete beste produktu batzuetarako gorde zuen dirua 2012a indartsu etorriko dela dirudi eta.

Bideoa

Google Play: Zerbitzuen bateragunea

features-google-playGoogle handiaz ezin gara aspertu, astero astero gugana berrikuntzak ekartzen dituelako eta egunetik egunera eraldatzen dabilelako. Eta aste honetan ere halaxe da, Google Play izeneko plataforma aurkeztu berri baitu.
Hodei konputazioan oinarritutako aplikazio bat dakarkigu oraingoan.
Bere web zerbitzu denak bateratuko dituena: Android Market, Google Music eta Google ebookstore-z ahazten joan beharko dugu. Orain arte, musika, jokoak, ebookak… zerbitzu ezberdinetan eskaintzen zituen G handiak. Ba gaurtik aurrera Play izeneko zerbitzuan topatuko ditugu hauek.

Pentsa liteke, orain arte ondo funtzionatu izan duenak, ongi funtzionatzen jarraituko duela, baina beste alde batetik zerbitzu erraldoi bat martxan jartzean honek ere konplikazioak ekar ditzake. Hala eta guztiz ere oraindik goiz da ezer esateko, beraz itxaron egin beharko dugu zerbitzua gurean nola sartzen den ikusteko.
Hemen azpian zerbitzu berria aurkezteko erabili duten bideoa uzten dizuet.