Monthly Archives: martxoa 2012

@ Bildua: PS Vita

PS-VIta-

Larunbateko @ Bilduan Sony etxearen kontsola berria aztertuko dugu. Ps Vita deritzona, duela hilabete iritsi zen gugana, eta momentu ona iruditu zaigu analisi sakon bat egiteko.

Teknologiari begiratuko diogu: Pantaila ukigarria, 3G konexioa… Jokoak beste batera utziko ditugu (barkatu zaletuak zaretenoi), analisi sakon bat ere merezi dutelako. Josu Barandallarekin hitz egingo dugu gaiaz.

Baina Twitterri ere begirada bat emango diogu, eta produktuak erosterakoan zertan lagundu dezakeen aztertuko dugu. Noemi Rivera hartuko dugu bidelagun.

Eta hau dena gutxi balitz mugikorrei ere begiratuko diegu. Aplikazioak ezagutzeko. Kirola egiterakoan interesgarrian izan daitezkeenak aztetuko ditugu larunbatean. Beraz adi kirolari!

Larunbatean, goizeko 09:30ean Euskadi Irratiaren sintonian.

Polizia diru eske!

PoliziaAzken aldian birus berezi dabil gure artean, eta berezia zergatik?

Gure ordenagailuari min egiten ez diolako, blokeatu bakarrik egiten duelako.

Poliziaren birusa bezala ezagutzen da sarean, eta azken aldian ordenagailu asko kutsatu ditu. Ordenagailuan lasai asko nabigatzen gauden bitartean sartzen da gure sistemara: isil isilik sartzen da, beste zerbait instalatzen dugun bitartean instalatzen da. Eta bat batean… gure ordenagailuan pantaila beldurgarri bat erakusten digu.

Poliziak gure ordenagailua blokeatu egin duela dioen mezua agertzen zaigu pantailan, eta gainera ezin dugu gure pantailatik mezu hau kendu. Nahiz eta teklatuko tekla guztiak zapaldu, konbinazio ezberdinak probatu… Mezuak ordenagailua blokeatzen digu. Gainera esandakoa, poliziaren izenean egiten du, Ministerio ezberdinetako logoak erakusten ditu… eta hau dena gutxi balitz dirua eskatzen digu gure ordenagailua desblokeatzeko. Poliziak mezua igorri du, honekin zerikusirik ez duela esanez.

Pantailan ageri den mezuaren arabera, delituren bat egiteagatik blokeatu digute ordenagailua. Baina hau gezurra da, ez sinetsi ,  gezurra baita. Gainera kontutan hartu delitu zibernetikoren baten errudun jotzen gaituztenean, erakunde publikoek ez dutela modu honetan erantzuten.

Eta behin kutsatuta zer egin?

Oso erraza, beraz adi! Ordenagailura era seguruan (Modo Seguro, a prueba de fallos) bezala sartu behar gara. Hau egiteko, ordenagailua pizten ari denean F8 sakatu behar dugu (pare bat aldiz, badaezpada…). Hau egitean Windows sistema eragilea martxan jartzeko aukera ezberdinak emango dizkigu, eta orduan aukeratu behar dugu ERA SEGURUA.

Behin sistema martxan dugunean , spyware bat instalatu behar dugu (poliziaren birusa bezala ezagutzen dena, eta antzerako kode maltzurrak edo txarrak ezabatzeko programa bat). Malwarebytes esaterako. Instalatu ondoren, ordenagailua aztertu dezala, aztertu eta kode maltzur hori ezabatu dezala.

Ondoren bigarren pausu bat ematea komeni da. Erregistroa eta fitxategi tenporalak ezabatzeko. Lan honetarako CCleaner erabili dezakegu

Lan hauek egin ostean , ordenagailua beti egiten dugun  moduan piztu beharko dugu... Eta ikusi ea egin dugun lanak balio izan duen eta ez den pantailan ezer agertzen.

Azkenik, gure antibirusa martxan jarri beharko genuke, badaezpada gure sisteman zerbait geratu bada, hau ere borratzeko

Eta hau dena egin ostean mezua berriro agertzen bada? Printzipioz ez luke agertu behar, baina hori gertatzen bada… beste maila bateko neurriak hartu beharko  genituzke.

Hori bai kontutan hartu, horrelako gauzak gure ordenagailuan ez instalatzeko, beti esaten den bezala, zuhurtziaz jokatu behar dugula sarean. Ezagutzen ez ditugun lekuetatik ez jaitsi instalatzeko ezer…

Gu gara birusen aurrean lehenengo barrera.

Txori espazialak

angry-birds-space

Badira ia 2 urte Angry Birds-ak gure artean agertu direla, eta ordutik arrakasta bata bestearen atzetik etorri zaie programatzaileei. Betiko jokoaz gain munduko festa edo ospakizunetara egokitzen zen bertsioa etorri zen lehenik. Ondoren Rio pelikulan oinarritua iritsi zen… Eta ez da ahaztu behar ordenagailuetara eta sare sozialetara ere salto egin zuela txoritxo haserretuen sagak.

Baina egia da gero eta berrikuntza gutxiago zekartzala edizio berri bakoitzak. Mapa berriren bat, txoritxo bereziren bat… errepikakorra gertatzen ari zen Rovio etxearen jokoa.

Edizio berria iritsi den arte, buelta bat edo bi ematen dizkio Angry Birds jokoari, Angry Birds Space-rekin. Izenak dioen bezala, oraingoan espaziora bidali dituzte txoriak eta hau egitearekin batera grabitatea kontutan hantzen hasi dira. Hau da (eta modu errez batean azalduta), lehen tiro parabolikoak egiteko aukera genuen, eta orain hau egiteaz gain planeta eta asteroide ezberdinetako grabitateak eragingo digu. Modu honetan jaurtiketak ez dira beti toki berera joango, eta asko pentsatu beharko da txoritxo bakoitza atakera bidali aurretik.

Honez gain mapa berriak izango ditugu (nola ez), eta txori berri bat ere izango dugu eskura (izozteko boterea duena). Hau horrela izanda, sagari beste buelta bat eman diote eta honekin batera dibertsio orduak biderkatu egin dituzte Roviokoek.

Gainera, trailerrean ikusi dezakegunez (post honetan bertan duzuenean), etorkizun batean jokoa handitzeko gogoa erakusten dute programatzaileek: agertzen diren arrautzetako kapelei begiratu ezkero laster gure artean txori berdea, laranja eta besteren bat izango ditugulako

Mugiko eta tabletetarako prest duzue: bai App Storean eta baita Google Play-en ere.

Beraz badakizue, jantzi kasko espaziala, eta denak txerri berdeak ehizatzera!

Marrazoaren azken hozkada? Grooveshark auzia

4926d_grooveshark-download

Musika entzun eta gozatzea. Eta dohainik bada askoz hobe. Hori da mundu guztiak buruan duena, baina badakigu hau ez dela denbora luzerako izango. Ez behintzat gaur gaurkoz ezagutzen ditugun zerbitzuetan.

Duela hilabete batzuk Spotify-ek bere politika aldaketak, erabiltzaileak zerbitzua ordaintzera behartu zintuen. Baina ez zen lehena izan, aurretik Last.fm-ek ere bera egin baitzuen. Hala eta guztiz ere orain Groovesharken txanda da.

Alemania eta Danimarkan izandako arazoengatik, eta diskoetxeek sartutako presioaren ondoren, eskaintzen duten zerbitzua aldatuko dute. Aldatu baina gehiago ordaintzera behartuko dute jendea, bai behintzat musika entzuten jarraitu nahi badute. Hilean 4$-eko kuota , hori da zerbitzuak izango duen kostua.

Tarifa hau ezarrita, Grooveshark-ek, diskoetxeek ordaintzera behartzen dute canonak ordaindu nahi ditu. Oraingoz ordaintzeko sistema hau Finlandia, Irlanda eta Errusian jarriko dute, baina ziurrenik gainontzeko herrialdeetara ere zabalduko dute. Kontua da, zenbat iraungo du Grooveshark-ek ordainketa sistema honekin? Edo beste zerbitzu bat topatuko dute erabiltzaileek?

Garbi dagoena da, politika aldaketa honekin erabiltzaileak galduko dituela musika atariak, eta gaur egun dituen 30 milioi horietako askok alde egingo dutela. Nora joango ote dira erabiltzaileak? Hori da mundu guztiak jakin nahi duena…

Gizakia Vs Makina

Gaur egungo web-ari 2.0 deitzen diogu, pertsonen internet. Hau da, eta pixkat filosofatu eta gero, pertsona da informazio guztiaren zentroa. Pertsonak, pertsonarentzat gauzak sortu ,elkar banatuz eta zabaldu egiten ditugu

Giza Robota

Eta hau horrela izanda, pentsa liteke gizakia dela sareko erregea…. Ba usteak erdi ustel. Azken analisien arabera, sareko trafikoaren %51 ez baitu gizakiak sortzen, makinek baizik. Sarea arakatzen duten robotak sortzen omen dute trafiko guzti hori.
Ez da zaila hau imajinatzea; Pentsa robot batek zenbat orri bisitatu ditzakeen, eta zein abiadetan. Gu baino azkarragoak dira, bai nabigatzen eta baita informazioa pilatzen ere. Baina gizakiok gure alde onak ere baditugu; Gaur gaurkoz makinek baina hobeto identifikatzen baitugu kalitatea, bai testu, argazki eta gainontzekoetan. Eta beste ikuspegi bat: Nork programatzen ditu robotak?
Web trafikoaBeti bezala informazioa edukitzearen eta inteligentziaren hausnarketan sartuko ginateke… Gehiegi akaso astelehen baterako. Baina datua hortxe geratzen da, datuaren interpretazioa norberaren esku.

Argazkia: Incapsula, Fondostv

Megauploaden bezeroak

megauploadIa 2 hilabete pasa dira Estatu Batuetako segurtasun agentziak Megaupload zerbitzua itxi zuenetik.  2 hilabete bertan genituen edukiak bahitu zituztenetik.

Enpresako burua kartzelan ere eduki zuten, baina dagoeneko kalean da. Ez diote internetera konektatzen uzten, ezta ordenagailurik edukitzen ere. Baina hitz egitea ez diote galarazi eta horixe egin du Kim Dotcom-ek, eta aditzera eman duenez, Estatu Batuetako funtzionarioak izan omen  ziren bere zerbitzuaren erabiltzaile nagusiak.

Ez dakigu zergatik egin dituen adierazpen hauek, agian egia direlako edo bere defentsarako argudio bila dabileako. Baina gauzak berak esan bezala badira, garbi geratu da, FBI agentzia eta Estatu Batueak joko bikoitz batean sarturik daudela, eta interesen arabera mugitzen direla.

Denborak esango du Dotcom-en hitza egia diren aha ez, baina bitartean susmo horrekin geratu beharko dugu.

Iturria: Torrentfreak

Amaitu dira zenbakiak

ipadArratsaldeko 19:00ak ziren, eta mundo guztia (edo behintzat Apple zaleak) Cupertinora begira zeuden. “Zein produkturekin harrituko ote gaituzte gauekoan?” “iPad 3? iPad HD?”

Ba azkenean ez bata ez bestea.

iPad berria aurkeztu baitzuen Tim Cook-ek. Zenbaki zein atzizkirik gabe… iPad berria. Izenean ez, baina zurrumurruek gauza batzuk asmatu zituzten. Retina Display pantaila izango baitu Apple etxearen tablet berriak: 2048×1536-eko bereizmena izango duena.

LTE teknologia ere izango omen du aparailu berriak, modu honetan interneterako abiadura hobetuz. Gaur egun eskaini zezakeen 3 gb-etatik haratago joango baita

Sistema eragilea ere berritua ekarriko du sagartxoaren enpresaren produktu berriak (dagoeneko beste telefono eta tabletetarako presta dagoena , IOS 5.1), eta baita beste programatxo batzuk ere Garageband edo iPhoto bezalaxe.

Eta garrantzitsuena, zenbat… Zenbat xahutu beharko dugu moda modan egoteko? 500-830 $ inguru, bertsioaren arabera. Baina beno honek gauza on bat ere ekarriko du guguna: aurreko bertsioa, hau da iPad2-a merkeago jarriko dutela ( 400€ inguru).

Estatu Batuetan martxoaren 16an jarriko dute salgai, eta Europan aldiz martxoaren 23an. Orduan ikusiko ditugu, ohiko moduan, ilara kilometrikoak Apple Storeetan.

Beraz Apple zaleak bazarete aurrezten joan (eta gozatu post honen azpian duzuen bideoarekin), eta ez baldin bazarete beste produktu batzuetarako gorde zuen dirua 2012a indartsu etorriko dela dirudi eta.

Bideoa

Google Play: Zerbitzuen bateragunea

features-google-playGoogle handiaz ezin gara aspertu, astero astero gugana berrikuntzak ekartzen dituelako eta egunetik egunera eraldatzen dabilelako. Eta aste honetan ere halaxe da, Google Play izeneko plataforma aurkeztu berri baitu.
Hodei konputazioan oinarritutako aplikazio bat dakarkigu oraingoan.
Bere web zerbitzu denak bateratuko dituena: Android Market, Google Music eta Google ebookstore-z ahazten joan beharko dugu. Orain arte, musika, jokoak, ebookak… zerbitzu ezberdinetan eskaintzen zituen G handiak. Ba gaurtik aurrera Play izeneko zerbitzuan topatuko ditugu hauek.

Pentsa liteke, orain arte ondo funtzionatu izan duenak, ongi funtzionatzen jarraituko duela, baina beste alde batetik zerbitzu erraldoi bat martxan jartzean honek ere konplikazioak ekar ditzake. Hala eta guztiz ere oraindik goiz da ezer esateko, beraz itxaron egin beharko dugu zerbitzua gurean nola sartzen den ikusteko.
Hemen azpian zerbitzu berria aurkezteko erabili duten bideoa uzten dizuet.

Mugikorrak eta Sinde Wert legea

El-Mobile-World-Congress-2012Bartzelonara eta Madrilera begira egon gara aste guztian, albisteak bertan gertatu baitira.

Internet eta sare sozialei esker ikasleak Bartzelonako kaleetan egiten ari ziren manifestazio eta itxialdien berri jakin izan dugu, inolako manipulaziorik gabe honek ere zeresana eman duelako asteaz zehar, batez ere prentsa espainiarrean

Baina teknologiaren arloak ere protagonista izan dira Kataluniako hiriburuan.

Mobile World Congress-a amaitu berritan, hurrengo urtean ikusiko ditugun mugikor eta tabletak aurkeztu direlako bertan. Azken teknologia bai, batzuetan xelebre xamarra, besteetan erabilgarria, baina kasu guztietan ikusgarria.

Mugikortasunari eskainitako azoka beste urte batez ere arrakastatsua izan da.

Espainiako hiriburuan aldiz epaitegiei begira jarri behar. Sinde Wert legea martxan jarri delako aste honetan, eta dagoeneko lehen errudunak salatuak daudelako. Baina gai bitxia hauxe, salatuak euren burua salatu dutelako.

Hau da, eurak joan dira epaitegietara, Sinde Wert legea urratzen ari direla esanez.

Esandakoa hiriburuei begira egoteko astea izan dela hauxe.