Category Archives: Bederatzikoa

Xilaba Bertsulari Xapelketaren finala, zuzenean, eitb.com-en

xilaba-finalaXilaba Bertsulari Xapelketaren finala larunbatean jokatuko da Baionan, Lauga gelan, 17:30ean hasita. eitb.com-ek zuzenean eskainiko du saioa helbide honetan.

Bertsolaritzaz haratago, euskararen aldeko jaia ospatu nahi dute eta antolatzaileak pozik dira txapelketak orain arte batutako jendetza ikusita.

Finalean parte hartuko duten sei bertsolariak, ondorengoak:
Amets Arzallus
Sustrai Colina
Odei Barroso
Eneritz Zabaleta
Xumai Murua
Maddi Sarasua

Horra, finalaren aurkezpen bideoa:

Paiak eta Elortzak eskuratu dute finalaurrekoetarako txartela

Asteburuon jokatu dira Bizkaiko Bertsolari Txapelketako hirugarren eta laugarren kanporaketak, Mungian eta Sopelan, hurrenez hurren. Fredi Paiak eskuratu zuen puntu gehien Mungiako saioan. Sopelakoan, berriz, Igor Elortzak. Bi bertsolariok lortu dute, beraz, finalaurrekoetarako zuzeneko txartela. Gainerako bertsolariak puntuazioaren arabera sailkatuko dira.

fredi-paia-bizkaiko txapelketaMungiako puntuazioa:

Fredi Paia 443.5
Iñaki Iturriotz 393.5
Ander Elortegi 377
Malen Amenabar 370.5
Txaber Ormazabal 352
Peru Vidal 345

Sopelako puntuazioa:

Igor Elortza 450
Gorka Lazkano 407
Joseba Artza 394
Nerea Ibarzabal 391
Gari Sarriugarte 391
Ekaitz Larrazabal 315

igor-elortza-bizkaiko-txapelketa

Hurrengo kanporaketa Amorebieta-Etxanon jokatu da datorren igandean, azaroak 4. Dakizuenez, sarrerak webgune honetan dituzue eskuragai.

Ibon Ajuria, finalaurrekoetara

Balmaseda-taalde-argazkiaBalmasedan jokatu zen atzo Bizkaiko Bertsolari Txapelketa 2012ko bigarren kanporaketa. Ibon Ajuriak batu zituen puntu gehien, Klaret Antzokian izandako saioan. Hala, bertsolari gernikarra zuzenean pasatuko da finalaurrekoetara. Soinuarekin izandako arazoak gora behera, giro polita egon zen atzoko kanporaketan.

Horra, Balmasedako saioko puntuazioa:

Ibon Ajuria 431,5
Gorka Ostolaza 413
Eñaut Uruburu 354
Xabat Galletebeitia 349,5
Ander Salaberria 329
Itxaso Paia 319

Lehendabiziko kanporaketa Berriatuan jokatu zen, urriaren 4an. Iratxe Ibarrak eskuratu zuen finalaurrekoetara zuzenean pasatzeko txartela. Hauteskundeak direla eta, datorren asteburuan ez da kanporaketarik izango. Urriaren 27an Mungian eta urriaren 28an Sopelan izango dira hurrengo hitzorduak. Gogoratu, datozen saioetarako eta finalerako sarrerak salgai dituzuela Bertsosarrerak webgunean.

Bertsolariak, glosadoreak eta ‘casteller’-ak

Bartzelonatik agurtu du denboraldia Hitzetik Hortzerak. Programak berak eta Bartzelonako Euskal Etxeak elkarlanean antolatutako Bertso-Soparra izan da hondarreko atalaren ardatza. Agin Rezolak eta Igor Elortzak saio bikaina egin zuten, bai librean, bai Jone Uriak jarritako gaiei kantatzean. Bertsoaldi onenak eta hiru bertsolariekin egindako elkarrizketak eman dituzte bertso programan. Jone Uria udazkenetik bizi da Bartzelonan, eta bertso jarrien bidez erakutsi du hiria HHn. Gainera Sants auzokoko Borinots Castellers taldeko kide ere bada Jone, eta Kataluniako tradizio horren barrunbeetan gidatuko du ikusentzulea, hori ere bertso kantuan.

Kantu inprobisatua gero eta indartsuago dago Herrialde Katalanetan. Horren erakusgarri Milena Rafòls, Lluis Gracia, Christian Simelio eta Farriol Macip glosadoreek bazkaloste batean egindako jarduna eta eurekin egindako hizketaldia eman dituzte. Hori guztia eta askoz gehiago, Hitzetik Hortzeran:

Getariako eta Mutiloako bertso-janak

Aurreneko aldiz antolatu dute Getariako Elkano jatetxekoek bertso-afaria. 110 lagun baino gehiago batu ziren Elkanorenean prestatutako kutixiekin hasi eta bertso-jana egiteko ondoren. Amaia Agirre, Jon Maia eta Aitzol Barandiaran aritu ziren. Gehienean librean egin zuten, baina Getariako bertso eskolakoek Jokin Egurbideren bidez jarritako gaiei ere kantatu zieten. Bitsetan joan zen afaria hasieratik amaierara. Besteak beste Getariakoaz hitz egiteko gonbidatu dute asteon Aitzol Barandiaran Munduate bertsolari ataundarra Hitzetik Hortzerako platora.

Uranga: “Erraz etortzen zitzaidan bertsoa”

Gipuzkoako Bertsolari Txapelketako final zortzirenetako bosgarren saioa jokatu zen pasa den larunbaten Elgoibarren. Jokin Uranga azpeitiarrak irabazi zuen, 493 puntu eskuratuta. Hurrengo fasean izango da Uranga. Segidan Unai Gaztelumendi eta Oier Aizpurua. Bi hauek ere badituzte hurrengo fasean kantatzeko aukerak. Hitz Jolas saioak Jokin Urangari egindako elkarrizketa entzun dezakezu hemen. Uranga pozik dago egindako lanarekin. Elgoibarren “lasai eta eroso” aritu zela aitortu du, “zenbaitetan lasaiegi”. Saioari “kezkaz” ekin bazion ere, “tarteka ale politak” utzitako sentsazioarekin itzuli zen etxera. Lortutako emaitza “etxeko lanak uste baino hobeto eginda” daudenaren seinale direla esan du; ideia eta erantzunak burura etortzen direnean, lanak ondo eginda daudelako dela azpimarratu du. “Bertsoa erraz etortzen zitzaidan eta horrek aukera ematen dizu besteei entzun eta tiraka aritzeko”.

Jokin Uranga. Argazkia: www.gpuntua.com

Jokin Uranga. Argazkia: www.gpuntua.com

JARRAITU G PUNTUA FACEBOOKEN, HITZA JOLASEN ESKUTIK!!!

Herio! Zure aurrean karakol izan nahi nuke

Bertsolaritza aldatzen ari da, garatzen ari da, egokitzen, moldatzen ari da!Garai batean gai-jartzailerik ez zegoen eta librean aritzen ziren kantuan. Bertsolariak bilatzen eta sortzen zuen gaia. Gaur egun ere abesten dute librean bertsolariek baina gaijartzailearen figura oso sustraitua dago bertsogintzan.

Doinuen eta neurrien garapena ere nabarmena da. Sei, zazpi, zortzi eta bederatzi puntuko bertsoak noiznahi entzuten dira gaur egun. Bereziki txapelketetan. Lehen ez zen horrelako konturik. Garai bateko bapateko bertsogintzan lau puntuko bertsoa zen nagusi, lau errimakoa gehienetan, zortziko handia eta zortziko txikia alegia.

Gaur egungo bertsogintzan urtero plazaratzen dira doinu berriak askotan bertsolariak berak sortuak eta beste askotan musikariren batenak dira: Xabier Lete, Mikel Laboa, Manu Chao, Bebe, Bob Marley… bistakoa da kanpoko iturrietatik ere edaten duela bertsolariak. Onintza Enbeitak blog honetan idatzitakoaren harira esango nuke bertsolaria etengabeko bilaketa batean murgilduta dagoela. Norbere buruaren bila, ezagutzen ez duen herri horren bila, errima, joskera eta hitzen bila. Neurrigabea da neurriaren barruan sartzeko bilaketan egiten den ahalegina. Eta bila ari denak aurkituko du zerbait!

Bertsolaritzaren bilaketa eta aldaketa prozesuaren adierazgarri dira bertsolariei jartzen zaizkien zenbait ariketa berezi.

Alegian bertso jaialdia egin zuten eta Felix Irazustabarrena gai-jartzaileak ariketa bereziak jarri zizkien bertsolariei. Bertsoaldi berean doinu eta neurri desberdinetan abestea, hasierako agurra bota eta segidan hiru puntu erantzun beharra eta Andoni Egañari jarri ziona, gaia eman eta hamar-hamabost minutu uztea bertsoak pentsatzeko. Hilerriira bidali zuen karakolak biltzera eta hauxe Zarauztarrak hiru bertsotan egindako pelikula. Hasiera beldurgarria baina amaiera oso zoriontsua duen pelikula da. Karakolak bezala segi dezagun lasai lasai gure buruaren bila.

‘Mintzoaren Arnasa’ saioa, ETB-1en

1995-1999 urte bitartean Xabier Letek egindako “Mintzoaren Arnasa” saioa izango da ikusgai igandetan, ETB-1en, gaueko bederatzietan. 13 ataleko bertso antologia da, abeslari oiartzuarrak berak espreski telebistarako egin zuena.
xabierlete
1995ean, gaixo zegoen garaian, hasi zen ikus-entzunezko proiektu honetan lanean Xabier Lete. Bera arduratu zen bertso aukeraketaz eta horiek musikatzeaz, Karlos Gimenez musikariaren laguntzaz. Gimenezekin batera, Javier Muguruza, Txema Garces, Pascal Gainge, Pello Ramirez eta Andres Bak izan zituen alboan bertso horiek kamera aurrean kantatzerako orduan.

Lehen bi ataletan bertso ereduak jorratu zituen: sasi bertsoak, enkontruak, disputak, bertso filosofokoak, krimen bertsoak, soldaduzka bertsoak, maitasun galduenak… Manuel Lekuonaren Literatura Oral Vasca liburutik hartutakoak. Gainerako 11 aleak bertsolariei eskaini zizkien: Xenpelar, Bilintx, Etxaun / Elisanburu (atal bakarrean), Otaño, Txirrita (2 atal), Baserri, Uztapide, Xalbador (bi atal) eta Lazkao Txiki.

Horra, lehenengo bi saioak, EITB NAHIERAN ataritik:

Mintzoren Arnasa:Ereduak I

Mintzoaren ArnasaEreduak II