Monthly Archives: iraila 2011

Bertsoaldirik onenak eta elkarrizketak!

Ibilian ibilian, G Puntua, Gipuzkoako Bertsolari Txapelketa 2011, badoa aurrera. Indartsu hasi zen eta indartsu jarraitzen du. Bertsolariak maila ona erakusten ari dira eta bertsozaleen erantzuna, paregabea. Astebururo, aretoak leporaino betetzen ari dira. Ilunberainoko bidea luzea da, eta oraindik saio asko daude aurretik. Horra, final zotzirenetako azken saioetako bertsoaldirik onenak eta saio bakoitzeko irabazleei Xabier Sukia Hitza Jolaseko esatariak egindako elkarrizketak.

Argazkia: www.gpuntua.com

Argazkia: www.gpuntua.com

Azkoitiko saioko bertsoaldirik onenak eta Xamoari elkarrizketa. Entzun hemen!

Eibarko saioko bertsoaldirik onenak eta Nerea Elustondori elkarrizketa. Entzun hemen!

Lazkaoko saioko bertsoaldirik onenak eta Beñat Lizasori elkarrizketa. Entzun hemen!

Andoaingo saioko bertsoaldirik onenak eta Mantxiri elkarrizketa. Entzun hemen!

Asteburu honetan, bestalde, final zortzirenetako saio bakarra izango da larunbatean Elgoibarren. Izan ere, G Puntuak bat egingo du Azpeitian izango den Kilometroak 2011-kin eta igandean ez da saiorik izango.

Gipuzkoako Bertsolari Txapelketako puntuazioak eta informazioa, G-Puntua weborrian.

Alargunak ala adardunak?

G-Puntua jarraitu nahi duzu? Bertsoladirik onenak entzun nahi? … Astebururo, Hitza Jolas Euskadi Irratiko saioan duzu horretarako aukera, Xabier Sukiaren eskutik. Hitza Jolas saioak G-Puntuaren jarraipen zorrotza egingo du. Larunbatero eta igandero, ordubietatik aurrera, bertsoaldi onenak, elkarrizketak, analisiak… Hitza Jolas saioaren web orrian daude orain arteko audiorik onenak.

Mantxi eta Izagirre, Andoainen. Iturria: www.gpuntua.com

Mantxi eta Izagirre, Andoainen. Iturria: www.gpuntua.com

Andoainen hasi ziren larunbatean G-Puntuaren final zortzirenak. Hona hemen lehen bi sailkatuen bertsoladi bat. Orain arteko ofiziorik puntuatuena izan da. Mantxi eta Izagirre alargunak, Iparragirreren doinuan. Iker Iriartek aurkeztu zuen Saioa. ENTZUN HEMEN MATXIREN ETA IZAGIRREN BERTSOALDIA.

Indartsu itzuli da G-Puntua!

Udako oporren ostean, martxan da, berriro, Gipuzkoako Bertsolari Txapelketa. Espero bezala, indartsu ekin dio G-Puntuak; bertsolariak gogotsu eta zaleak, zer esanik ez. Final zortzirenetako lehen saioa Andoainen jokatu zen larunbat arratsaldean, Bastero kulturgunean. 250 lagun inguru bildu ziren saioa entzutera. Oholtza, gainean, sei bertsolari; Manu Goiogana, Ane Labaka, Amaia Agirre, Ander Lizarralde, Mantxi eta Iñigo Izagirre. Mantxi bertsolari zarauztarrak lortu zuen puntu gehien. Ikusi puntuazioa G-Puntua weborrian. gpuntua_logoa

Igandean, berriz, G-Puntuak Azkoitian zuen zita. Baztartxo Antzokia, leporaino bete zen, Asier Azpiroz, Ibai Esoain, Gorka Maiz, Gorka Azkarate, Xabier Sukia eta Arkaitz Oiartzabal entzutera. Saio honetan puntu gehien Xamoak bereganatu zituen.

Hurrengo Geltokiak: Eibar, larunbatean, eta Lazkao, igandean.

G-Puntuaren bigarren fasea, hastear

Gipuzkoako Bertsolari Txapelketa 2011ren bigarren fasea larunbatean hasiko da. Joan den maiatzean eta ekainean egin zuten aurtengo lehiaketaren sailkapen fasea, eta 32 bertsolarik egin zuten orduan aurrera. IKUSI HEMEN AURKEZPENEKO BIDEOA.

Gpuntua_bideoklipa from Gpuntua on Vimeo.

Irailaren 17an ekingo diote berriz G-puntua2011ko Gipuzkoako Bertsolari Txapelketari, final-zortzirenekin. Aurrerantzean 42 bertsolari arituko dira lehian, 16 saiotan: 7 saio final-zortzirenetan, 5 saio final-laurdenetan, 3 saio final-erdietan eta abenduaren 16an Donostiako Illunben egingo duten final handia.

Saioeterako sarrerak Interneten egongo dira salgai, gpuntua.com eta Bertsosarrerak atarietan.

BERTOLARI filmaren estreinaldia: IKUSI EITB.COMen AURRERAPENA

Asteburu honetan, bestalde, Asier Altunaren Bertsolari filmak ikusiko du argia Donostiako Zinemaldian; larunbatean, irailak 17, estreinatuko da, arratsaldeko 16:00etan, Kursaaleko Auditorioan. Sail Ofizialean izango da, lehiaketatik kanpo. Urriaren 14an helduko da zinema-aretoetara.
BERTSOLARI_FILMA
Bertsolaritza zer den kontatzen du Altunak film honetan. Euskaraz grabatu dute pelikula eta Txintxua Filmen ekoizpena da, Golemen banaketarekin. Besteak beste, Andoni Egaña, Miren Amuriza eta Maialen Lujanbio bertsolari ezagunek parte hartzen dute.

Andoni Egañaren bihotzeko fonoteka

Euskadi Irratian, zirrikitu batetik begira jarri, eta Andoni Egañaren fonoteka arakatu dute. Musika entzule suharra ez izan arren, bere bizitzan esanahi berezia izan duten hamar abesti aukeratu ditu bertsolariak. Nolabait, bere bizimodua azaltzen dute hamar kantu dira. Entzun bada, Egañaren bihotzeko fonoteka!

egaña

ENTZUN HEMEN SAIO OSOA

Hitzetik Hortzera, nahieran

EITB Nahieran plataforma berriari esker, Hitzetik Hortzeraren atalak guztiak datu-base bakarrean bilduta ikusi ahal izango dituzu. Oraindik, guztiak ez daude, baina azken urteotakoak bai. Horretan ari dira. Orain arte euskaraz egindako ikus-entzunezko datu-base handiena eskainiko dio erabiltzaileari EITB Nahieranek. Egin klik ondorengo estekan, eta azken bi urteotako atalak aurkituko dituzu: HITZETIK HORTZERA.

nahieran