Category Archives: Oroitzapenen Kajoia

1988ko San Ferminak

pamplona11988ko uztailean bertso jaialdia egin zuten Leaburun. San Ferminak gainean dira eta haiekin batera entzierroak eta zezenak. San Ferminen usaian jarri zituzten bertsolariak lanean. Hiru korrikalari eta hiru zezen aurrez aurre. Lizaso, Lazkaotxiki eta Mañukorta korrikalariak. Peñagarikano, Murua eta Lopategi zezenak.

Zortziko handiko doinu eder bat entzun nahi?

Xilabako txapelketa, Bizkaikoa, Arabakoa, Nafarroakoa eta orain Gipuzkoako. G puntua. Puntuen eta urduritasunen artean bada alderdi bat bereziki txapelketan aberastu behar litzatekeena. Doinuen aukeraketa. Betiko zortziko txikiak, betiko zortziko handiak. Hona hemen zortziko handiko doinu eder bat, inork Gpuntuan edo plazako saioren batean erabili nahiko balu? bejondaiola!
1908ko, maiatzaren 28an jaio zen Pierre Bordazarre, ezizenez Etxahun-Iruri ezaguna. Euskal idazlea, pastoralgilea, laboraria eta artzaina zen. Iruriko Etxahunian sortu zelako esaten zioten Etxahun-Iruri. Louis Ligetxen ikasle izan eta gero, harekin ibili zen bertsotan. 1946an sari bat irabazi zuen Hazparnen eta Zuberoatik kanpora Xalbador eta Mattinekin egin zituen saioak. Berrehun bat kantu baditu idatziak. Gehienak euskaraz baina frantsesez ere bai zenbait. Hemen entzun dezakezuen bertso sortaren izena, Ama da. 1946an idatzi zizkion bertsoa hauek amari. Etxahun Irurik berak eta Battitta Arabarkok abestuta, bi ahotsetan. AMA.

Everesten ikurriña lehen aldiz jarri zenekoa

Orioko balearen bertsoek ekartzen digute urtero gogora maiatzaren hamalaua, baina bada beste gertakizun bat oso ezaguna, eta hau ere maiatzaren hamalauan gertatu zen. zer gertatu zen 1980ko maiatzaren hamalauan?

“Mila bederatzirehun ta larogehi urtian, maiatzaren hamalaugarren egunian, Everest handiaren mendi gailurrian, ikurriña azaldu zan beatzik aldian?”

Balearen bertsoak ezagunagoak badira ere, bada Everesten ikurriña jarri zuteneko hura kontatzen duten bertsorik ere. Ez dakigu nork abestuak diren baina freskoan eta momentuan grabatutako bertsoak dira. Apostu ez dituzuela beste inon entzun!

Hitza Jolas, bertsoz gainezka

ane_labaka
Larunbateko Hitza Jolas saioan Osinalde sariketako finaleko bertsorik onenak entzun ziren. Ane Labakak irabazi du aurten sariketa. Donostiako Antzoki Zaharrean, berriz, Uxue Alberdi bere haurdunaldiari buruz eta Jon Maia atzekoekin beldurrezko pelikulak egiten. Oroitzapenen Kajoian, 1978ko bertsoak, Ahetzen Mattini omenaldia egin ziotenekoa. Gaizka Urtaranen Bederatzikoa ere entzun dute.

hitzajolas

Igandeko Hitza Jolas saioa ere edukiz josita iritsi zen. Hasteko, Langilearen Eguneko bertsoak. Mendexako bertsoak ere bai: Markok bere ama aurkitu zuenekoa, besteak beste. Xabier Ricoren Bederatzikoa, Donostiako antzoki zaharreko bertsoak eta Oroitzapenen Kajoian, 1963ko bertsoak: Uztapide eta Basarri Ordizian.

Hitza jolas, Elizondotik Zegamara

hitzajolasNafarroako Bertsolari Txapelketa izan zen egunean bertan, Hitza Jolas Euskadi Irratiko saioak Elizondon eta Zegaman jasotako bertsoak helarazi zizkigun.

Sebastian Lizaso eta Anjel Mari Peñagarikano Lazkao Txikiri kantari ere entzun genituen, IRRIZ ETA MALKOZ. Bertsogintzaren historian ezaguna da oraindik jo ez duen despertadore baten istorioa. Aurten Zegamako pilotalekuko bertso jaialdiak urteurren gazi eta ahaztezin batekin egin zuen topo. Orain urte batzuk norbaiti ez zion iratzargailuak jo eta ez zen esnatu. Lo jarraitzen du oraindik eta guk harekin ametsetan. Unai Elizasuk Peñagarikano eta Lizasori jarritako gaia.

BEDERATZIKOAN, berriz, Alberto Martinez Beitto-ren lana, entzungai. Juan mari Juaristik jarritako puntuari erantzun dio Alberto Martinezek. Zer moduz bizi gara Izarra aldean?