Tag Archives: txapelketa

Finalerako azken pausoa

etxaun-lekue

Final haundia gerturatzen ari da eta hori nabaria da; giroa berotzen ari da Bizkaiko Bertsolari Txapelketan. Joan den igandean, 800 lagun inguru bildu ziren Durangoko Landako gunean, azken aurreko saioa entzutera. Bigarren eta hirugarrenarekiko alde estuarekin, Etxahun Lekuek irabazi zuen bigarren finalaurrea eta zuzenean finalera pasatuko da.

Etxahun Lekue 563.5
Igor Elortza 561.5
Fredi Paia 561
Jone Uria 528
Arrate Illaro 489.5
Gorka Ostolaza 483

Hirugarren eta azken finalaurrea datorren abenduaren 2an izango da Gernika-Lumoko Jai Alai pilotalekuan. Miren Amuriza, Peio Ormazabal, Beñat Ugartetxea, Iratxe Ibarra, Ibon Ajuria eta Joseba Artza izango dira kantuan. Gogoratu, Bertsosarrerak webgunean dituzuela sarrerak salgai.

Finalaurrekoetarako zerrenda, erabakita

oihana_bartra_2Bizkaiko Bertsolari Txapelketa 2012ko finalaurrekoetan parte hartuko duten 18 bertsolarien zerrenda erabakita gelditu zen atzo, Amorebieta-Etxanon jokatutako azken kanporaketan. Oihana Bartrak lortu zuen, atzokoan, finalurrekoetarako zuzeneko azken txartela. Ibon Ajuria, Iratxe Ibarra, Fredi Paia eta Igor Elortza dira kanporaketetan puntu gehien lortu eta, modu horretan, finalurrekoetarako txartela eskuratu duten beste bestsolariak. 2010eko zortzi finalistak, berriz, zuzenean sailkatu ziren aurtengo finalaurrekoetara. Eta gainerako bostak, edizio honetako lehen bost kanporaketetako puntuazioa kontuan hartuta sailkatu dira.

Amorebieta-Etxanoko puntuazioa:

Oihana Bartra 409
Julen Erezuma 386
Unai Ormaetxea 354
Aitor Arrutia 352
Josu Gotzon 310.5
Asier Legarreta 298.5

2010eko finalistak:

Arkaitz Estiballes
Etxahun Lekue
Jone Uria
Onintza Enbeita
Eneko Abasolo ‘Abarkas’
Peio Ormazabal
Beñat Ugartetxea
Miren Amuriza

Kanporaketetako irabazleak:

Iratxe Ibarra
Ibon Ajuria
Fredi Paia
Igor Elortza
Oihana Bartra

Puntuazinoaren arabera:

Gorka Ostolaza
Gorka Lazkano
Arrate Illaro
Joseba Artza
Iñaki Iturriotz

Azaroaren 18an hasiko dira finalurrekoak. Lehendabiziko saioa, Basaurin jokatuko da. Dakizuenez, saio guztietako sarrerak Bertsosarrerak webgunean eros ditzakezue.

Paiak eta Elortzak eskuratu dute finalaurrekoetarako txartela

Asteburuon jokatu dira Bizkaiko Bertsolari Txapelketako hirugarren eta laugarren kanporaketak, Mungian eta Sopelan, hurrenez hurren. Fredi Paiak eskuratu zuen puntu gehien Mungiako saioan. Sopelakoan, berriz, Igor Elortzak. Bi bertsolariok lortu dute, beraz, finalaurrekoetarako zuzeneko txartela. Gainerako bertsolariak puntuazioaren arabera sailkatuko dira.

fredi-paia-bizkaiko txapelketaMungiako puntuazioa:

Fredi Paia 443.5
Iñaki Iturriotz 393.5
Ander Elortegi 377
Malen Amenabar 370.5
Txaber Ormazabal 352
Peru Vidal 345

Sopelako puntuazioa:

Igor Elortza 450
Gorka Lazkano 407
Joseba Artza 394
Nerea Ibarzabal 391
Gari Sarriugarte 391
Ekaitz Larrazabal 315

igor-elortza-bizkaiko-txapelketa

Hurrengo kanporaketa Amorebieta-Etxanon jokatu da datorren igandean, azaroak 4. Dakizuenez, sarrerak webgune honetan dituzue eskuragai.

BaDaGaRa … badator Bizkaiko Bertsolari Txapelketa!

Igandean abiatuko da Bizkaiko Bertsolari Txapelketa. Berriatua izango da lehen geltokia. 38 bertsolarik hartuko dute parte; tartean, Arkaitz Estiballes eta Igor Elortza, azken bi ediziotako txapeldunak. ‘BaDaGaRa’ da aurtengo leloa eta Audience musika taldeak egin du sintonia. Horra, aurkezpenerako prestatu duten bideoa:

Finala Bilboko Miribillan jokatuko dute, abenduaren 15ean, 17:30ean. Sarrerak, dagoeneko, salgai daude www.bertsosarrerak.eu webgunean.

Aitor Sarriegi eta Mikel Mendizabal, Hitzetik Hortzeran

Aitor Sarriegi txapelduna lagun hartuta, Gpuntuaren final handiari errepasoa eman dio Jon Artanok Hitzetik Hortzera saioan. Ordiziatik, Barrena Kultur Etxetik, Sarriegi txapeldunaren bertso eskolatik hasi dute kontakizuna. Besteak beste, Mikel Mendizabal bertsolariaren eta Igor Eguren Ordiziako alkatearen gogoetak jaso dituzte saioan. Mendizabalen eskutik jaso zituen bertsolaritzari buruzko lehendabiziko ikasgaiak, eta lan hori eskertuz, Mendizabali eskaini zion txapela Sarriegik. Eguren, berriz, Sarriegirekin batera bertso eskolan ibilitakoa da, laguna. Gogoratu, Hitzetik Hortzeraren emisio ordua aldatu egin dutela: larunbatetan 15:00etatik aurrera ETB 1en izango da ikusgai hemendik aurrera. Bezperatik, EITB Nahieranen.

Hernaniko finalaurrekoa eta Orozkoko bertso-afaria

G- Puntua-ren azken aurreko geltokian, Hernaniko Galarreta pilotalekuan, izan da Hitzetik Hortzera. Hango kontuak eta kantuak ekarri ditu asteon Jon Artano aurkezleak, Laxaro Azkune lagun hartuta. Oholtzan jazotakoa eta oholtzatik kanpo jasotakoa; bertsoaldi onenak eta kartzelako tentsio uneak, baita Nikolas Zendoiak sinatutako kronika ere. Hain zuzen, Azkunek jarriko dio txapel preziatua datorren igandean Gipuzkoako Bertsolari Txapelketa-ko aurtengo txapeldunari. Orozkon Jon Maia eta Unai Iturriagarekin egindako bertso afariko momentu beroenak ere eman dituzte bertso programan. Horra:

Tolosako finalerdia eta Bertso Eskolen Eguna

G-Puntua Ilunbeko geltokira iristear dago. Jada, Gipuzkoako Bertsolari Txapelketako finalerako txartela eskuratu duen zortzikotea erabakita dago; Beñat Gaztelumendi, Jesus Mari Irazu, Iñaki Apalategi, Aitor Sarriegi, Unai Agirre, Agin Rezola, Alaia Martin eta Jon Martin. Bien bitartean, Hitzetik Hortzerak Tolosako finalerdia aletu zuen atzoko saioan. Lesakan izan berri den Bertso Eskolen Eguneko zenbait bertsoaldi ere eskaini zituen Jon Artanok zuzendutako programak.

Hitzetik Hortzera oso osorik!

Hitzetik Hortzera ikusi nahi? EiTB Nahieranen duzu saio osoa ikusteko aukera. Atzokoa aurtengo denboraldiko bigarrena izan zen. Lehendabiziko programa ere hemen ikus dezakezu.

G Puntua eta Sarako bertso afaria aletu zituzten atzokoan Hitzetik Hortzeran. Jon Artano aurkezleak Ainara Lasa, G Puntuko antolatzaile taldeko kidea, hartu zuen platoan.

Azpeitiko kanporaketa eta Sarako afaria Hitzetik Hortzeran

Ainara Lasa oiartzuarra izango da asteon platoko gonbidatua Hitzetik Hortzeran. Lasa G Puntuko antolatzaile taldean dabil eta “Hariketak, lotzea askatzea denean” erakusketa jarrita dauka Hondarribiko Modotti tailerrean. Azpeitiko kanporaketan bizitakoaz, bertsolari-bertsozale hartu-emanaz eta arte-sorkuntzaz, orohar, arituko da Ainara Lasa.
ainaralasa

Joan den aste-hondarreko uholdeek lanak eman zizkien zaleei Azpeitiraino iristeko; hala ere bete egin zen Izarraizpe frontoia. Jokin Urangak bildu zuen puntu gehien G Puntuko azken kanporaketan. Urangarekin batera Iker Zubeldia, Iñaki Apalategi, Arkaitz Oiratzabal Xamoa, Unai Muñoa eta Ane Labaka aritu ziren oholtzan; guztietatik zerbait erakutsiko dute programan.

Gainera, Sarako bertso-afariko ale hautatuak ere ekarriko dituzte. Mattin Oronozek agindutako jolasetan fin aritu ziren Maialen Lujanbio, Eneritz Zabaleta, Alaia Martin eta Amets Arzallus. Olhoin ikastolako gurasoek eta gaztetxeko kideek elkarlanean antolatutako saioa izan zen. Afaltzeko prestatutako uso-jana eta afalosteko bertso-saioa, biak atera ziren primerakoak.

Zuri-beltzeko AUSPOA atala ere estreinatuko dute. Hamabostero emango duten atal horretan kolaboratzaile batek AUSPOA bildumako liburu baten komentarioa egin eta pasarte bat irakurriko du. Lehendabizikoa Estitxu Fernandez kazetari lesakarra, eta berak aukeratutako liburua: Paulo Yanci eta bere lagunen bertsoak. Zapping-ean Anjel Mari Peñagarikanok Gipuzkoako txapela irabazi zuen finala errepasatuko dute. Besteak beste Peñaren garaipenagatik eta Jon Sarasuak kartzelakoan egindakoagatik oroitzen dute bertsozale askok final hura.

Hitzetik Hortzera, igandean 22:30ean ETB-1en, eta aurretik ikusgai Eitb Nahieranen.

Bertsoaldirik onenak eta elkarrizketak!

Ibilian ibilian, G Puntua, Gipuzkoako Bertsolari Txapelketa 2011, badoa aurrera. Indartsu hasi zen eta indartsu jarraitzen du. Bertsolariak maila ona erakusten ari dira eta bertsozaleen erantzuna, paregabea. Astebururo, aretoak leporaino betetzen ari dira. Ilunberainoko bidea luzea da, eta oraindik saio asko daude aurretik. Horra, final zotzirenetako azken saioetako bertsoaldirik onenak eta saio bakoitzeko irabazleei Xabier Sukia Hitza Jolaseko esatariak egindako elkarrizketak.

Argazkia: www.gpuntua.com

Argazkia: www.gpuntua.com

Azkoitiko saioko bertsoaldirik onenak eta Xamoari elkarrizketa. Entzun hemen!

Eibarko saioko bertsoaldirik onenak eta Nerea Elustondori elkarrizketa. Entzun hemen!

Lazkaoko saioko bertsoaldirik onenak eta Beñat Lizasori elkarrizketa. Entzun hemen!

Andoaingo saioko bertsoaldirik onenak eta Mantxiri elkarrizketa. Entzun hemen!

Asteburu honetan, bestalde, final zortzirenetako saio bakarra izango da larunbatean Elgoibarren. Izan ere, G Puntuak bat egingo du Azpeitian izango den Kilometroak 2011-kin eta igandean ez da saiorik izango.

Gipuzkoako Bertsolari Txapelketako puntuazioak eta informazioa, G-Puntua weborrian.