Tag Archives: finalerdia

Estiballes, finalera

arkaitz-estiballes

Indartsu hasi dira Bizkaiko Bertsolari Txapelketako finalaurrekoak. Atzo, 500 bertsozale baino gehiago batu ziren Basauriko Artunduaga kiroldegian, finalaurrea bertatik bertara jarraitzeko, eta saio polita entzuteko tenorea izan zuten. Arkaitz Estiballesek lortu zuen finalerako zuzeneko txartela. Gainerakoek puntuazioaren arabera izango dute final handian parte hartzeko aukera. Hauxe, atzoko puntuazioa:

Arkaitz Estiballes 596
Onintza Enbeita 523
Oihana Bartra 509
Eneko Abasolo 489.5
Gorka Lazkano 469
Iñaki Iturriotz 448

Estiballesek Basaurin botatako agurra:

Basauri. Irabazlearen agurra from Kopla Barik TB on Vimeo.

Hurrengo finalurrekoa Durangon jokatuko da, Landakon, azaroaren 25ean, 17:30ean. Gogoratu, Bertsosarrerak webgunean dituzuela salgai sarrerak.

Tolosako finalerdia eta Bertso Eskolen Eguna

G-Puntua Ilunbeko geltokira iristear dago. Jada, Gipuzkoako Bertsolari Txapelketako finalerako txartela eskuratu duen zortzikotea erabakita dago; Beñat Gaztelumendi, Jesus Mari Irazu, Iñaki Apalategi, Aitor Sarriegi, Unai Agirre, Agin Rezola, Alaia Martin eta Jon Martin. Bien bitartean, Hitzetik Hortzerak Tolosako finalerdia aletu zuen atzoko saioan. Lesakan izan berri den Bertso Eskolen Eguneko zenbait bertsoaldi ere eskaini zituen Jon Artanok zuzendutako programak.