Ilara luzeak San Mamesen, Real Madrilen aurkako partidako sarrerak lortzeko
Leave a reply
Tag Archives: Athletic
Futbol-zelai batean neonaziak biltzen direnean…
San Mames berria…
Athletic Cluben hasiera ezin hobea Europako prentsak nabarmendu du
Inor gutxik espero zuen Athleticen hasiera zoragarri hau. Cristiano Ronaldoren Real Madrilen eta Messiren Barçaren pare dabil talde zuri-gorria.
Taldea ez zen batere ondo aritu Europako Leagueko atariko kanporaketetan, Young Boysen eta Tromsoeren aurka, Europako iparraldeko bi talde ahulen aurkako neurketetan.
2009/2010 denboraldia Espanyol mendean hartzen irabazi zuen Toqueroren gol batekin. Jokalari hau oso maitatua da baina kalitatea ez omen du soberan. Ondoren, euskaldunek Xerez garaitu zuten, baina beharrezkoa izan zen jokalari andaluziar batek gola bere atean sartzea.
Fernando Llorente, euskaldunen izar nagusia, ez zen bere mailarik onenean ari eta zaleek gogorarazi zioten. Gainera, zaleak taldearekin ez zeuden batere gustura eta zalantzak agertu ziren, ez baitzituzten argi taldeak jaitsiera saihestuko zituen aukerak.
Dena aldatu zen, ordea, azken astean, Llorentek bi gol egin zituenean Austria Vienaren aurka Europa Leagueko multzoen faseko lehenengo partidan. Egun batzuk geroago, beste bi gol egin zituen Vila-realen aurka, euskaldunak zerura eramanda.
Antzinako moduan. Bartzelona, Real Madril eta Athletic Club, sekula lehenengo maila utzi ez duten taldeek, sailkapenaren buruan dira. Hasiera hau ez da oharkabean igaro Europako prentsarentzat, bi handien artean talde xume bat kokatu da.
Athletic urakana
“Bi zaldien arteko lasterketa izango dela aurreikusten zuten, baina lehoi batek ezustean harrapatu ditu denak eta hesiak dotore ari da igarotzen”, esan du ESPN Soccernet-ek.
Web honen arabera, mundu mailako lider dena, San Mameseko lehoiak ez ziren hautagaien artean sartzen azken denboraldiak sufrimenduaren bidean eman ondoren. Artikuluak Iker Muniain ere aipatzen du eta gazte zuri-gorria Wayne Rooneyren euskal bertsioa dela gaineratu.
The Guardian egunkari britainiarrarentzat, “Athletic urakana bolada onean da oso altu hegal egiten duen Fernando Llorenteren eskutik”. Espainiako selekzioarekin joateko deialdiek edota Caparrosek emandako konfiantzak zerikusia izan dezakete, baina argi dagoena Llorente Athleticen egoeraren “errudun handienetarikoa” dela.
Liga Talkek, Double Decaer Group talde handiko futbol webguneetako batek, Athleticen filosofia goraipatzen du.
“Athleticek ez lituzke arazorik izango harrobiko zortzi jokalari deialdian sartzeko edo herrialdeko selekzioarekin deituak izan daitezkeen sei jokalari zelairatzeko, UEFAk emango dituen proposamenetako batzuk betetzeko, alegia”, esan du webguneak.
Zaleek badakite Real Madrilen eta Bartzelonarekin batera luzaroan irautea ezinezkoa dela, baina harro egon behar direla taldeak egiten duen futbolarekin, gaineratu du Liga Talkek.
Igor Lansorena (jatorrizkoa ingelesez, “Athletic Club Bilbao’s dream start in the spotlight“)
Zer gertatzen da Lezaman?
Udan gaude eta Athleticen fitxajei buruz ezer gutxi dakigu. Kalean dagoen gaia Lezamaren egoera da.
Antza, Athleticek Lezamako Zuzendaritza Jose Maria Amorrorturi eskaini dio orain. Lehenago ere aritua da. Orduan ereindako haziak fruitu ugari eman ditu, baina bere egunean Amorrorturen lana ez zuten behar bezala neurtu. Erabakia mamitzeko egun batzuk eskatu ditu.
Kontua da presidente berria heltzen denean eta Zuzendaritza berria dagoenean Lezamaren proiektua ere aldatzen dela, beraz, zaila da etekinik ateratzea.
Ia behingoz lan egiten uzten duten eta proiektu serio bat dagoen harrobiaren onerako.
Bukatu da nire bidaia
Bukatu da nire bidaia
Agur Valentzia! Bagoaz jada Bilborantz. Triste agurtu dut Valentziako hiria, baina triste Kopa ez ekartzeagatik soilik. Ahots barik, Kopa barik eta Gabarra barik. Pozez eta burua goian dudala aireporturantz joan nintzen Athleticeko bufanda eta Beti Zurekineko kamiseta jantzita nituelarik. Pozez diot, Kopa irabazi ez arren egun bikainak bizi izan ditudalako, inoiz ahaztuko ez zaizkidanak. Han bizitako harrigarria izan zen.
Valentzian hegazkina hartu eta Madrilera, bidaiako lehen pausoa. Madrilen hegazkinetik jaitsi eta aireportuko pasabidetik nindoala jendeak ‘Aupa Athletic!’ esaten zizun. Asko mobiletik hizketan zihoazen eta mobiletik hitz egiten jarraitu beharren hitzaldia eteten zuten ‘Aupa Athletic’ esateko. Valentziako jendea, Madrilekoa, denak animoak ematen, munduko zale onenak garela esaten eta horrek poza ematen dit, baina nik hori banekien. Kopa gura nuen; Kopa eta Gabarrea, baina ezin ekarri eta jendearen animoekin konformatu behar.
Madriletik Bilborako hegaldiak Mundakako emakume bat nuen ondoan eta Valentziatik netorren galdetu zidan. Nik baietz esan nion eta han hasi ginen kontu kontari. Ni Valentziako kontuak kontatzen, bera, aldiz, Madrilen egon zen azoka baten eta partida Madrilen ikusi zuen. Athleticeko zapia jantzita joan zen azokara. Beraz, Valentzian, Bilbon eta beste toki askotan bizi izan zuten finala Athleticeko zaleek. Agian asko hitz egin nuen bidaia horretan, baina baneukan zer kontatu, eta Valentzian bertan egon zirenek badakite hori. Hangoak kontatzean unkitu egiten zara, eta unkitzeaz gain, konturatzen zara pena merezi izan duela bidaia honek.
Azkenean, Bilbora iristen naiz. Etxean jada. Athleticeko zalea izateaz pozik eta pribilegiatu bat izatearen sentzazioarekin Valentzian bizitakoa inoiz ez baitzait ahaztuko. Orain, datorren denboraldiari begira jarri beharko naiz ‘Aupa Athletic!’ esanez.
Partidako ordua gero eta gertuago
Valentzian jarraitzen dugu. Partidako ordua gero eta hurbilago dago eta kiroak dantzan ditugu Athleticzaleok.
Giroa ezin hobea da. Gero eta jende gehiago Mestala inguruan eta Athletic Hirian. Zurrumurru bat zabaldu da Valentzian egunean zehar. Esan dutenez 3.000 sarrera salgai jarriko omen ziren Bartzelonako bazkideek Mestallako txarteldegietan hartu behar baitituzte sarrerak gaur. Baina, ezinezkoa dela esan digute eta azkenean zurrumurruak zurrumurru.
Athletic Hirian 84ko finaleko partida eman dute eta jendea txistuka zebilen esatariak Bartzelonaren hamaikakoa esatean. Endikaren gola ikaragarri ospatu da, eta partida bukaeran Kopa arratsalde honetan irabazi dugula zirudien.
Orain, Mestalla ingurura goaz ondorengo egunetan gaur ateratzen ditugun argazkiak publikatuko dtugu.
Koparen bila goaz. Aupa Athletic!!!
Iritsi da finalaren eguna
Azkenean iritsi da, iritsi da finaleko eguna. Egun handia da gaurkoa. Valentzia lainotuta dago, baina kolore zuri-gorriz jantzita. Milaka zale etorri dira gaur, baina atzotik ere, jende pila zegoen. Gaur, Bartzelonako zaleak ere etorri dira, baina astiro eta zenbakiz gutxiago direlarik.
Atzo, asteartean, festa ikaragarria egon zen ‘Athletic Hiria’ delakoan. Pila bat zale zuri-gorri eta Bartzelonako batzuk ere, gutxi batzuk. Barçakoek beraien gunea dute, baina lau bat txoznarekin besterik ez. Jendea hurbiltzen ez zelarik zona hori itxi zuten eta gurera etorri behar.
Athleticeko zale askok sarrera lortu zuten atzo errebentan. Guztiek Bartzelonako zalei erosi zizkieten sarrerak, eta zale katalanen artean egongo dira, baina ez zaie axola. Ezagun batek 150 eurotan lortu du sarrera, beste batzuk 300ean eta besteek 350ean. Gaur, ordea, sarrerak eskaini dizkidate Barçako batzuk. 600 eurotan saldu nahi dute gaur, baina ziur partida hasi baino 5 lehenenago prezioak jaitsiko direla.
Valentzia bertako jendea Athleticekin dago, guk irabaztea nahi dute. Animoak etengabe ematen dizkigute. Kotxeek bozina jo eta eskua lehiatilatik ateratzen dute animoak emateko, tabernetan, taxietan, guztiak Athleticekin daude.
Athleticeko futbolariak eta jokalari ohiak Zuzendaritza Batzordearekin haserre Kopako sarrerak direla eta
Badator Athleticek eta Bartzelonak Errege Kopako finala jokatuko duten eguna (maiatzaren 13a). Mestallan jokatuko da partida eta oraindik sarreren kontua dela eta eztabaida kalean dago.
Athleticeko jokalariak eta 1984an Kopako txapeldun izan zirenak haserre daude Zuzendaritza Batzordearekin finalerako sarrerak direla eta.
Athleticeko jokalariek 10 sarrera dituzte, hori bai, ordaindu beharrekoak. Baina gutxi iruditu eta kapitainetako bat, kasu honetan, Joseba Etxeberria, Zuzendaritza Batzordearekin hitz egitera joan zen. Batzordeari sarreren banaketa nola egin den erakusteko esan zioten, agiria erakusteko, baina zuzendariek ez zioten agiria erakutsi eta ez dagoela ezer hitz egiteko, dena argi dagoela esanez bukatu zen bilera.
Bestalde, 1984an Kopa irabazi zuten taldeko kideek ez dute sarrerarik Mestallan finala ikusi ahal izateko. Baina Zuzendaritza Batzordean egon diren zuzendari ohi guztiek badute sarrera. Adibidez, Endikak, 1984an finaleko gola sartu zuen jokalariak ez zuen sarrerarik, baina Goikoetxeak eman diolako ikusi ahalko du partida Mestallan.
Athleticen historia bizia dira eta ez dute sarrerarik. Guztira, 30 pertsonek osatuko zuten 1984an txapeldun izan zen taldea (entrenatzaileak, prestatzaileak… kontutan hartuz), baina zenbat ote dira Zuzendaritza Batzordean egon diren zuzendari ohiak? Zenbakia ez dakit ziur, baina asko izango dira Zuzendaritza Batzorde bakoitza 15 pertsonek osatzen dutela kontutan hartzen badugu.
