Author Archives: Koldo Etxebarria

Llorenteren portaera oso desegokia izan zen Calderonen penaltia jaurti aurretik

llorenteIragan igandean Athleticek Vicente Calderonen jokatu zuen Atletico Madrilen aurka. Partidako 38. minutuan epaileak penaltia adierazi zuen Athleticen alde. Pereak falta egin zion Llorenteri area barruan eta epaileak penaltia adierazi zuen. Perea egotzia izan zen merezi gabeko txartel gorria ikusita. Ordura arte, dena ondo zihoan.

Baina, penaltia adierazi ondoren eztabaida etorri zen. Llorentek baloia hartu zuen eta Muniainek hura ikusita errxioarrengana jo zuen baloia eskatuz. Muniainek baloia eskatu zion Llorenteri ondoren David Lopezi emateko, baina Llorentek ez zion baloia eman. Muniain ezin zezakeela ezer egin ikusita zelai erdirantz joan zen oso haserre. Orduan, David Lopez joan zen Llorenterengana eta hainbat aldiz baloia eskatu zion. Llorentek ez zion baloia laga Lopezi eta berak jaurti zuen penaltia. Jaurtiketa egin aurretik Muniainek Athleticeko aulkira begiratu zuen ia zer gertatzen den esan zuen eta inork ez zion erantzun. Azkenean, penaltia Llorentek jaurti eta kale egin zuen, kanpora bidali zuen jaurtiketa.

Continue reading

Ez ditut ulertzen Xabi Alonsori eskainitako txistuak

20101229_634292627580979242Argi dago Euskal Selekzioak Venezuelaren aurka jokatutako partida euskal futbolaren festa izan zela. Giro aparta, San Mamesen eta selekzioaren garaipena 3-1 Venezuelaren aurka.

Dena den, desatseginak izan ziren detaile batzuk ere egon ziren partidan. Gaizki dago bengalak piztea eta hauek zelaira sartzen uztea. Oso gaizki dago baita euskal talde batzuetako zale erradikalek izan zuten portaera zelaira jauzi eginez eta segurtasunaz arduratzen ziren pertsonei aurre eginez.

Baina min gehien eman zidan kontua Xabi Alonsori eskainitako txistuak izan ziren. Egia da zale guztiek ez ziotela txistu egin, baina bai harmailetako jende askok. Batzuk Reala uzti zuelako egin zioten txistu, beste batzuk Real Madrilen jokatzen duela eta Espainiarekin jokatu eta Munduko Kopa irabazteagatik egin zioten txistu beste batzuek.

Xabi Alonso bere jaioterriko selekzioaren jokatzen ari zen selekzio horren koloreak defendatuz. Gainera, Alonso euskalduna da, euskaraz hitz egiten duen euskalduna, hori baita bere ama hizkuntza. Euskal Selekzioarekin jokatu duen aldietan daukan guztia eman du.

Tolosarrari eskainitako txistuan entzun ondoren galdera batzuk etorri zitzaizkidan burura: Zergatik egin zitzaion txistu Xabi Alonsori eta ez Javi Martinezi? Biek jokatu zuten Espainiako Selekzioarekin eta biak Munduko txapeldun izan ziren Espainiarekin. Fernando Llorentek Euskal Selekzioarekin jokatu izan balu, txistu egingo ahal zitzaion? Llorentek ere Espainiako selekzioarekin Munduko txapelketa irabazi zuela gogoratu beharra dago. Euskal Selekzioan jokatu zuten beste jokalari batzuk Espainiako selekzioaren harrobiko mailetan egon dira eta ez zitzaien txistu egin. Euskal Selekzioak ez du ofizialtasunik momentuz eta jokalari hauek ez dute Espainiarekin jokatzea beste aukerarik. Oso zaila da Espainiako selekzioak deitu eta ezetza esatea, horrek isun garrantzitsuak ekar baititzake jokalariari.

Xabi Alonsok Euskal Selekzioa defendatzen zuen asteazkenean. Bera zelaira sartu eta jokoa asko hobetu zen. Kalitatea, baloi irteera eta baloi jabetza eman zion Euskal Selekzioari. Portaera edo jokabide ezin hobea izan zuen Xabi Alonsok. Bere burua euskalduntzat eta selekzioaren alde asko hitz egiten duten jokalariak daude eta horietako batzuk ez zuten zeukaten guztia eman Venezuelaren aurkako partidan. Hitz asko partida aurretik norberaren euskaltasuna aldarrikatzen, baina ez zuten guztia eman hainbeste maite duten selekzioagatik. Xabi Alonsok, ordea, isilka-isilka lan bikaina egin zuen eta zeukan guztia eman zuen.

Gainera, azpimarratu behar da partida amaiera gero hurbilago zegoenean Xabi Alonsoren futbol edo joko bikainari esker txistuak txalo bihurtzen joan zirela.

Esait, bai baina ez

Euskal selekzioen aldeko plataformak, Esaitek, prentsaurrekoa eman du ostegun honetan eta adierazi du ez daudela Euskal Selekzioak Gabon hauetan partida jokatzearen alde Euskadiko Futbol Federazioaren ikuspuntuarekin bat ez datozelako.

Dena den, Esaitek argi utzi nahi izan du futbolariek dutela partida jokatzeko azken hitza nahiz eta ez du maniobratzeko zulo handirik utzi asteazkenean partida jokatuko ez dela esaterakoan. Hala eta guztiz futbolariek argi izan beharko lukete jendearen nahia eta ez Esaitena edo Euskadiko Futbol Federazioaren soilik. Jendeak partida hau ikusi nahi du, bere taldea animatu nahi du eta bere selekzioaren ofizialtasuna aldarrikatu nahi du. Esaiten prentsaurrekoak ez nau guztiz konbetzitu zalantzak utzi dizkit, Euskadiko Futbol Federazioaren iritziak iaz utzi zidan zalantza bera eta aurten ere ez dit zalantza hori argituko inoiz ez baitu azken urteotan argi hitz egin gure Federazioak.

Argi dago zaleek Euskal selekzioa ikusteko nahia dutela. Federazioaren eta Esaiten arteko guda ez da ona Euskal selekzioarentzat. Futbolariek hartu beharko dute erabakia, Lehen Mailako jokalariek baitpat. Espero dezagun jendearen nahia kontutan izatea jokalari hauek, Esaitengan edo Federazioarengan ez pentsatzea. Zaleen ilusioan pentsatu bahrko lukete. Eta Lehen Mailako jokalari batzuk prest ez badaude jokatzeko badaude atzerrian dauden euskal jokalariak edota Bigarren Mailan edo Bigarren B Mailan daudenak ere.

Nire ustez ofizialtasuna aldarrikatzeko ez da beharrezkoa Euskal Selekzioko jokalariek pankarta bat edo beste bat eramatea zelaiara ateratzen direnean. Jendeak nahi dituen pankartak (beti ereespetuzkoak badira) eraman ditzake eta ofizialtasuna aldarrikatu. Baina nire ustez beharrezkoa da partida jokatzea. Zer irabazten dugu partida ez jokatuta? Ez bada partida jokatzen hemendik kanpo ez dute gure arazoa ikusten eta hori ez da ona Euskal selekzioarentzat.

Euskal selekzioaren partida diru sarrera polita izaten da Euskadiko futbol talde txikientzat. Gainera, festa izaten da partida hau, futbolaren festa, euskal futbolaren festa. Familiak, umeak, lagun koadrilak joaten dira futbol zelaira bere selekzioa ikustera. Ezin zaio jende horri guztiari ahoa itxi ezta ilusioa kendu ere.

Bada, espero dezagun futbolariek erabaki on bat hartzea eta denon onerako Euskal selekzioak Gabon hauetan partida jokatzea.

Llorente erratu egin da Nivaldok nahita min eman ziola esaterakoan

Fernando Llorentek komunikabideen aurrean hitz egin du iragan igandean Valladoliden aurka gertatu zenaz. Nivaldok buruarekin kolpe handia eman zion Llorenteri eta hau konortea galduta geratu zen.

Llorenteren ustez, Valladolideko jokalariak nahita ematen dio burukada eta min egitera omen doa. Nik, aldiz, ez du hori uste. Argi dago Nivaldo berandu iristen dela baloira eta kolpea handia dela, baina ez dut uste min egitera joan zenik.

Horrelako jokaldiak sarri ikusi ditugu. Gainera, min egitera joanez gero ez dut uste horren ondo aterako zitzaionik ere.

Nire ustez, oraingo honetan Llorente erratu egin da eta jokalari zuri-gorriak ez du ondo jokatu komunikabideen aurrean esan duena esanaz. Irudiak hor daude eta bakoitzak nahi duena erabaki dezala.

Emaitza bikainak euskal txirrindulari paralinpikoentzat Italiako munduko txapelketan

Javier Otxoak erlojupeko proba irabazi zuen ostiralean eta munduko txapeldun izendatu zen CP3 mailan eta igandean zilarrezko domina lortu zuen erresistentzia proban.

Victor Hugo Garridok urrezko domina lortu zuen LC3 mailan eta Aitor Orozak brontzezko domina eskuratu zuen D1 mailako proban.

Urrezko bi domina, zilarrezko bat eta brontzezko bat. Hau da BAT Basque Teameko txirrindulari paralinpikoek Bogognon (Italia) jokatu den munduko txapelketan lortutakoaren balantzea. Duda gabe, balantze dotore askoa.

Jada inork ez du Caparrosek saltzen duen 'kea' arnasten

Athletic Clubeko entrenatzailea den Joaquin Caparrosek azken egunetan egindako adierazpenek polemika eragin dute talde zuri-gorriko zaleen artean.

Tromson emandako irudi txarraren ondoren, kazetarien aurka aritu zen Caparros, baina kazetariek eduki zuten Athleticek bota zuen partida kaskarraren errudunak?

Ondoren, iragan larunbatean (abuztuaren 29an), Caparrosek batasuna eskatu zien Athleticeko zaleei, baina egia esan, inoiz huts egin al dio zalegoak taldeari? Nik erantzuna argi daukat: Athleticeko zaleek inoiz ez diote kale egin taldeari eta taldeak behin baino gehiagotan kale egin dio zelegoari. Gainera, Caparrosek adierazpen hauek egin zituen San Mamesen ez zuelako txisturik entzun nahi eta animoak pixka bat lasaitzeko.

Espanyolen aurka garaipena lortu ondoren (Athleticek irabazi bazuen Espanyol fisikoki oso gaizki zegoelako izan zen) lasaiago agertu zen Utrerako entrenatzailea. Baina hemen ere gezurrak esan sitúen. Geldialdia taldeari ondo etorriko zaiola esan zuen Caparrosek, eta Etxeita eta Muñoz bezalako jokalariak errekuperatzeko ere balioko duela. Baina, norbaitek uste du Muñozek minuturik izango duela aurtengo denboraldian?

Bestalde, Caparrosek ‘Athletic-zaletasunaren’ klaseak eman nahi izaten dizkigu askotan, klub honek zer esan nahi duen eta zelako historia duen gogoratuz. Nire ustez, bera ez da inor horri buruz zaleei klaseak emateko. Bi urte bakarrik daramatza Athleticen eta hemen Athleticekoa dena jaiotzatik da zuri-gorria eta badaki Athleticek zer esan nahi duen.

Beraz, behingoagatik bada ere, egia esatea eta zaleekin gezurretan ez ibiltzea gomendatuko nioke Caparrosi, jende asko eta asko nekatuta baitago saltzen duen ‘kea’ arnasteaz.

Zergatik laga ditu Athleticek utzitako jokalariak Bigarren Mailako taldeetara? Zein da arrazoia?

Athletic Clubek utzita laga ditu hainbat jokalari 2009-2010 denboraldirako eta utzita joan diren jokalari guztiak Bigarren Mailako taldeetara joan dira.

Balenziaga, Garmendia eta Iñigo Velez de Mendizabal Numantziara doaz utzita eta Murillo, aldiz, Salamancara.

Ez zen hobeto izango bai klubarentzat eta bai jokalarientzat Lehen Mailako taldeetara utzita joatea? Zergatik Bigarren Mailako taldeetara?

Athleticek ematen duen arrazoia maila bereko taldeak ez indartzearena da, baina hori al da benetako arrazoia? Edo benetako arrazoia Izarren Ligarako mailarik ez dutela da?

Bakoitzak bere konklusioak atera ditzala, baina ondo ez dagoena kanpoko taldeetara jokalariak utzita bidaltzea da eta talde euskaldunei ezer ez uztea. Adibidez, Real Unionek begi onez ikusiko luke aipatu ditugun jokalarietako bat Athleticek utzita lagatzea.

Baina azken urteotan ohikoa denez, Athleticek ‘lagunak’ egiten jarraitzen du euskal futbolean.

"Bigarren B Mailako euskal taldeek zail izango dute mailaz igotzea"

La temporada 2009-2010 de Segunda División B se presenta complicada para los equipos vascos.

Este año habrá ocho equipos vascos en el mismo grupo: Eibar, Alavés, Barakaldo, Bilbao Athletic, Sestao, Lemona, Izarra y Osasuna B.

La categoría suele ser muy complicada todos los años, pero en esta puede ser aún más difícil lograr el ascenso o también mantenerse en la división de bronce.

Los equipos que aspiran a entrar en el play-off deberán ser muy regulares y mostrar un gran nivel de juego. Este año, el Grupo I, está plagado de gallitos. El Eibar y el Alavés son dos de los gallitos y aspiran a ascender. Serán los rivales a batir, pero no lo tendrán fácil para entrar en el play-off de ascenso.

Dejando de lado al Eibar y al Alavés, hay otros rivales de gran calidad. Por ejemplo están los de siempre: La Ponferradina, con auténtico equipazo, el Zamora, una Cultural Leonesa que aunque esté en plena Ley Consursal dará mucha guerra, el Pontevedra y el Racing de Ferrol.

Pero no sólo intentarán estar arriba estos clásicos de la Segunda División B. Hay equipos recién ascendidos que optan a entrar en el play-off de ascenso. El Palencia es un candidato a estar arriba y el Compostela también se ha reforzado muy bien.

De los que estuvieron la temporada pasada en este grupo, habrá que tener en cuenta al Celta B y al Lugo. Los de Vigo cuentan con el mejor filial de la categoría, mientras que el Lugo ha dado un salto de calidad tras reforzarse con jugadores de gran calidad y experiencia en Segunda B.

De todas formas, los equipos vascos siempre han dado la talla y seguro que este año también lo harán.

Osasunak jaisteko %55,5eko probabilitatea du

Kalkulu matematikoen arabera datuak ez dira oso baikorrak gorritxoentzat. Dena den, kasu honetan matematikek kale egitea espero dugu eta Osasuna Lehen Mailan geratzea beste urte batez.

 

Osasunak maila mantenduko luke Real Madrilen aurka garaipena lortuz gero. Berdinketa kasuan ere maila mantenduko luke Getafek gol bat baino gehiagogatik galtzen badu edo Sportingek galduz gero.

 

Hauek dira maila mantentzeko leían dauden taldeek dituzten aukerak:

 

Osasuna (40 puntu): Salbazioa lortuko du…

 

Real Madrili irabazita

Berdintzen badu, eta Getafek gol bat baino gehiagogatik galtzen badu

Berdintzen badu, eta Sportingek galtzen badu

 

Valladolid (42 puntu): Salbazioa lortuko du…

 

Betisen aurka irbazten edo berdintzen badu

Galtzen badu, eta Getafek galduz

Galtzen badu, eta Osasunak irabazten ez badu

Galtzen badu, eta Sportingek irabazten ez badu

 

Betis (41 puntu): Salbazioa lortuko du…

 

Valladolidi irabazten badio

Berdinketa Portu eta Getafek galtzen badu

Berdindu eta Osasunak irabazten ez badu

Berdindu eta Sportingek irabazten ez badu

Getafek baino alde txikiagoagatik galtzen badu

Galdu eta Osasunak irabazten ez badu

Galdu eta Sportingek irabazten ez badu

 

Getafe (41 puntu): Salbazioa lortuko du…

 

Racingen aurka irabazten edo berdintzen badu

Gol bategatik galdu eta Osasunak berdintzen badu

Galdu eta Osasunak ere galzten badu

Galdu eta Sportingek irabazten ez badu

 

Sporting (40 puntu): Salbazioa lortuko du…

 

Recreativoren aurka irabazten badu

Berdindu eta Osasunak irabazten ez badu

Galdu eta Osasunak ere galtzen badu

Bukatu da nire bidaia

Bukatu da nire bidaia

Agur Valentzia! Bagoaz jada Bilborantz. Triste agurtu dut Valentziako hiria, baina triste Kopa ez ekartzeagatik soilik. Ahots barik, Kopa barik eta Gabarra barik. Pozez eta burua goian dudala aireporturantz joan nintzen Athleticeko bufanda eta Beti Zurekineko kamiseta jantzita nituelarik. Pozez diot, Kopa irabazi ez arren egun bikainak bizi izan ditudalako, inoiz ahaztuko ez zaizkidanak. Han bizitako harrigarria izan zen.

Valentzian hegazkina hartu eta Madrilera, bidaiako lehen pausoa. Madrilen hegazkinetik jaitsi eta aireportuko pasabidetik nindoala jendeak ‘Aupa Athletic!’ esaten zizun. Asko mobiletik hizketan zihoazen eta mobiletik hitz egiten jarraitu beharren hitzaldia eteten zuten ‘Aupa Athletic’ esateko. Valentziako jendea, Madrilekoa, denak animoak ematen, munduko zale onenak garela esaten eta horrek poza ematen dit, baina nik hori banekien. Kopa gura nuen; Kopa eta Gabarrea, baina ezin ekarri eta jendearen animoekin konformatu behar.

Madriletik Bilborako hegaldiak Mundakako emakume bat nuen ondoan eta Valentziatik netorren galdetu zidan. Nik baietz esan nion eta han hasi ginen kontu kontari. Ni Valentziako kontuak kontatzen, bera, aldiz, Madrilen egon zen azoka baten eta partida Madrilen ikusi zuen. Athleticeko zapia jantzita joan zen azokara. Beraz, Valentzian, Bilbon eta beste toki askotan bizi izan zuten finala Athleticeko zaleek. Agian asko hitz egin nuen bidaia horretan, baina baneukan zer kontatu, eta Valentzian bertan egon zirenek badakite hori. Hangoak kontatzean unkitu egiten zara, eta unkitzeaz gain, konturatzen zara pena merezi izan duela bidaia honek.

Azkenean, Bilbora iristen naiz. Etxean jada. Athleticeko zalea izateaz pozik eta pribilegiatu bat izatearen sentzazioarekin Valentzian bizitakoa inoiz ez baitzait ahaztuko. Orain, datorren denboraldiari begira jarri beharko naiz ‘Aupa Athletic!’ esanez.

Partidako ordua gero eta gertuago

Valentzian jarraitzen dugu. Partidako ordua gero eta hurbilago dago eta kiroak dantzan ditugu Athleticzaleok.

 

Giroa ezin hobea da. Gero eta jende gehiago Mestala inguruan eta Athletic Hirian. Zurrumurru bat zabaldu da Valentzian egunean zehar. Esan  dutenez 3.000 sarrera salgai jarriko omen ziren Bartzelonako bazkideek Mestallako txarteldegietan hartu behar baitituzte sarrerak gaur. Baina, ezinezkoa dela esan digute eta azkenean zurrumurruak zurrumurru.

 

Athletic Hirian 84ko finaleko partida eman dute eta jendea txistuka zebilen esatariak Bartzelonaren hamaikakoa esatean. Endikaren gola ikaragarri ospatu da, eta partida bukaeran Kopa arratsalde honetan irabazi dugula zirudien.

 

Orain, Mestalla ingurura goaz ondorengo egunetan gaur ateratzen ditugun argazkiak publikatuko dtugu.

 

Koparen bila goaz. Aupa Athletic!!!

Iritsi da finalaren eguna

Azkenean iritsi da, iritsi da finaleko eguna. Egun handia da gaurkoa. Valentzia lainotuta dago, baina kolore zuri-gorriz jantzita. Milaka zale etorri dira gaur, baina atzotik ere, jende pila zegoen. Gaur, Bartzelonako zaleak ere etorri dira, baina astiro eta zenbakiz gutxiago direlarik.

Atzo, asteartean, festa ikaragarria egon zen ‘Athletic Hiria’ delakoan. Pila bat zale zuri-gorri eta Bartzelonako batzuk ere, gutxi batzuk. Barçakoek beraien gunea dute, baina lau bat txoznarekin besterik ez. Jendea hurbiltzen ez zelarik zona hori itxi zuten eta gurera etorri behar.

Athleticeko zale askok sarrera lortu zuten atzo errebentan. Guztiek Bartzelonako zalei erosi zizkieten sarrerak, eta zale katalanen artean egongo dira, baina ez zaie axola. Ezagun batek 150 eurotan lortu du sarrera, beste batzuk 300ean eta besteek 350ean. Gaur, ordea, sarrerak eskaini dizkidate Barçako batzuk. 600 eurotan saldu nahi dute gaur, baina ziur partida hasi baino 5 lehenenago prezioak jaitsiko direla.

Valentzia bertako jendea Athleticekin dago, guk irabaztea nahi dute. Animoak etengabe ematen dizkigute. Kotxeek bozina jo eta eskua lehiatilatik ateratzen dute animoak emateko, tabernetan, taxietan, guztiak Athleticekin daude.