Tag Archives: garapena

Murrizketek pobrezia dakarte. Jaiki!

Garapenerako kooperazioa desagertzeko larrialdian dago Espainian. 2009tik, Espainiako GLO-ko erabateko murrizketa %73ª da. Gainera, aurrekontu berrietan, ekintza humanitarioari zuzendutako kopurua desagertu da eta garapenerako laguntza kopuru handian txikitzen den bitartean, kanporako ekintzetarako kopurua %52an handitu da (enbaxada, kontsulatu,…).

Honek, berealdiko pobrezian bizi diren 1300 milloi pertsonak alde batera uztea ekartzen du. Baita gosez bizi diren pertsonak, edateko urik ez daukatenak, edo osasuna eta heziketa bezalako beste oinarrizko zerbitzurik ez duten 1000 milloi pertsonak ere alde batera geratzen dira. Benetan eskandaluskoa da, krisi honen faktura munduko pertsonarik behartsu eta ahulanek ordaindu behar izatea.

Segi irakurtzen “Murrizketek pobrezia dakarte. Jaiki!>

ALBOANek 2011ko memoria kaleratu du

Txostena 2011 >

Emaitzek, krisia dela medio, nazioarteko lankidetzarentzat urte zailak datozela erakusten dute.

  • ALBOANek  bere ekintza solidarioak mantendu zituen 2011 urtean 10.4 milloi eurorekin lana eginez.
  • Euskadik  bere ekarpen publikoa mantendu du Estatuarenak nabarmen behera egin duen heinean.

Egunero ikusten dugu bizi dugun krisi ekonomikoa gero eta sakonagoa dela eta gizarteko alor guztietan ari dela eragiten. Garapenerako lankidetzan lana egiten dugun erakundeok ere krisiaren ondorioak pairatu ditugu.

Finantziazio publikoaren murrizketek eta pribatuaren gutxitzeak orain artean mantendutako jardueren intentsitatearekin ezin jarraitzea eragingo du datozen urteetan. Hala eta guztiz ere, Euskadi autonomia erkideko solidarioenen artean dago garapenerako laguntza ofizialari dagokionez. Izan ere, aurrekontuen erakusten dutenaren arabera, Euskadik 2007 eta 2010 bitarteko batez bestekoa mantendu du, beste batzuk 2011 eta 2012an behera egin duten bitartean.

Fe y Alegría Perú

Fe y Alegría Perú-ren asmoa zera da: kalitatezko hezkuntza herritar guztiei zabaltzea. Baloreei garrantzi handia ematen dion hezkuntza. Pertsonen jarrerak eta gaitasunak interesatzen zaizkigu. Herrialde mailan 83.000 ikasle ditugo oinarrizko hezkuntzan. Hirietaki zonalde marjinaletan bizi diren haur eta gazteei hezkuntza ematen diegu. Azken urteetan goi mailako hezkuntza teknikoa lantzen aritu izan gara. Goi mailako instituo teknologikoak behar ditugu herrialdearen garapenerako behar ditigun profesionalak hezteko.

ALBOANen bideo instituzional berria!

“Parte hartu eta sortu aukerak”


ALBOANen jakitun gara jendeak gu ezagutzearen garrantziaz, badakigu garrantzitsua dela jendeak gure lana zein den eta zergatik egiten dugun ezagutzea. Horregatik, taldeko hainbatek parte hardu dugun bideo honetan, garen bezala aurkeztea erabaki dugu. Asmo irmoa da hau gu ezagutu eta gure proiektuaren parte izatea erabaki dezazuen. Hori nola egin azalduko dizuegu.

Gure bideo berriak ilusioa, poztazuna eta borrokatzeko grina transmititzen ditu. Bertan, ALBOANera era desberdinean lotutako pertsonek gure esperientziak eta mundu hobe baten alde lan egiteko dauden arrazoiak kontatzen dizkizuegu. Gainera lehen pertsonan egiten dugu hau, zuri mintzatzen gatzaizu zuzenean, alarde edo lekziorik gabe. Azken finean, ALBOAN, batez ere, pertsona talde bat da, “Munduak jasaten duen txirotasun eta ezberdintasunekin konformatzen ez den eta hori aldatzeko daukaten apurra eman nahi dutenpertsona multzoa. Ezagutu gaitzazu hobeto gure Web orrian! >

Nuevo video institucinoal Alboan

"Aquel no era yo" laburmetraia aurkeztu da Bilbon!

Behintzat 15 herrialdek jarraitzen dute haur soldaduak erreklutatzen


NinossoldadoHandiMunduan milaka haur soldaduk bizi duten egoera salatzeko “Aquel no era yo” dokumentala aurkeztuko zen asteazken honetan, otsailak 15, Bilboko Alondegian. Proiekzioaren ostean errealitate lazgarri horren inguruko eztabaida izan zen, Mateo Aguirre jesuita eta ALBOANeko Mari Tere Guzmánen presentziarekin.

Milaka umek hartzen du parte egunero gatazka armatuetan, muturreko egoeretara bultzatzen dituzte, ankerkeriak egiteko tresna moduan erabiltzen dituzte, tratu txarrak jasotzen dituzte, bortxatzen dituzte eta hilketen lekuko izaten dira. Ez dago daturik munduan diren ume soldaduen kopuruari buruz, baina gaur egun gutxienez 15 herrialdetako gobernu eta talde armatuk errekrutatzen dituzte adingabeak.

Datu gehiago:

Mateo Aguirre, jesuita eta ALBOANeko kidea, EITBn mintzatu da Kongoko Errepublika Demokratikoan haur soldaduen errealitatearekin azken 40 urteetan bizi izan duen experientzia kontatzeko. >

Elkarrizketa SER katean. Zine zuzendari bat eta jesuita bat haur soldaduen gainean berba egiten.

Ezagutu errealite hau eta egin zure aportazioa gure Web orrian –>


Pertsonak lehenbizi: Pertsonen %18 gutxiagori laguntzearen ondorioak

web personas“Pertsonak lehenbizi” kanpainaren barruan, ALBOANek eta Entreculturasek web berria estreinatu dute, bertan adierazten dituzte laguntza behar duten pertsonen %18a ezabatzearen ondorioak.

Proposamenaren bidez, garapenerako lankidetzaren proiektuak laguntza gabe uztearen ondorioez herritarrak kontzientziatzea nahi da. Krisi ekonomiko eta finantzarioaren ondorioz, gobernu eta erakunde asko, murrizketak egiten ari dira, gobernuz kanpoko erakundeen proiektuen bidez behartsuenen eskuetan uzten zituzten diru-laguntzetan.

Murrizketa hauen ondorioen kontzientzia hartzeko, 2011rako %18 gutxiago izatea espero baita, ALBOANek joko bat proposatu die internauta guztiei. Laguntzarik gabe zein pertsona utziko lituzketen aukeratzera bultzatu nahi ditu, eta klika dezatela pertsona horien irudiaren gainean eta froga dezatela, historiaz historia, zer gertatuko litzatekeen, jasotzen duten diru-laguntzarik jasoko ez balute. Gero, estatu mailako manifestua sinatzera bultzatu nahi da jendea, murrizketa hauek gerta ez daitezen.

“Pertsonak lehenbizi” kanpainak gobernuei dei egiten die, pobreziaren aurkako beren borroka sendotu dezaten, Garapenerako Laguntza Ofizialaren konpromisoak betez, eta murrizketa horiek egin ez ditzaten.

Zuk ere egin dezakezu zerbait. Ez ezabatu pertsonarik! Sina ezazu haien alde!

www.alboan.org/pertsonak