Tag Archives: gke

Murrizketek pobrezia dakarte. Jaiki!

Garapenerako kooperazioa desagertzeko larrialdian dago Espainian. 2009tik, Espainiako GLO-ko erabateko murrizketa %73ª da. Gainera, aurrekontu berrietan, ekintza humanitarioari zuzendutako kopurua desagertu da eta garapenerako laguntza kopuru handian txikitzen den bitartean, kanporako ekintzetarako kopurua %52an handitu da (enbaxada, kontsulatu,…).

Honek, berealdiko pobrezian bizi diren 1300 milloi pertsonak alde batera uztea ekartzen du. Baita gosez bizi diren pertsonak, edateko urik ez daukatenak, edo osasuna eta heziketa bezalako beste oinarrizko zerbitzurik ez duten 1000 milloi pertsonak ere alde batera geratzen dira. Benetan eskandaluskoa da, krisi honen faktura munduko pertsonarik behartsu eta ahulanek ordaindu behar izatea.

Segi irakurtzen “Murrizketek pobrezia dakarte. Jaiki!>

Emakume eta gizonen arteko diferentzia zifretan

Denok emakume eta gizonek soldata bera izatearen alde!

21. mendean gauden arren, oraindik emakume eta gizonen arteko berdintasun osoa lortzetik urrun gabiltza eta desberdintasun hauek nabariak dira, lan munduan batez ere. Errealitatea hor dago baina hori aldatzeko zerbait egitea gure esku dago.

Igaro den otsailaren 22a, Emakume eta gizonen arteko soldata berdintasunaren eguna izan da, eta Emakundek (Emakumearen Euskal Erakundea) diskriminazio salariala gure gizartean emakume eta gizonen arteko desberdintasuna sortzen duen faktore estrategikoetako bat dela gogoratu zigun.

Sartu gure Web  orrian eta ezagutu datuak>

Haiti: Urte bat geroago, egoera larria

Jadanik urte bat igaro da Haitin lurrikara handia izan zela. ALBOAN GKEak Xavier Sarean dauden Jesuseko lagundiaren beste elkarteekin batera ikerketa bat aurkeztu dute haitiko herritarren gauregungo egoera nolakoa den azalduz. Jesuiten Errefuxiatuen Zerbitzua eta Fe eta Alegría Hezkuntza mungimenduek urte bat eman dute Haitin biztanlegoarekin batera bidea egiten ari dira.

INFORME POST TERREMOTO HAITÍ

Zer ari da gertatzen Hondurasen?

Martxoan bakarrik bost kazetari hil dituzte Hondurasen.

Nazioarteko zenbait txostenek dioenez, herrialde arriskutsuenetakoa bihurtu da Honduras, kazetaritza lana egiteko.

Martxoan bakarrik bost kazetari hil dituzte Hondurasen.Dozenaka kazetari dira ikaraz bizi direnak, besteak beste, Radio Progreso, Jesusen Lagundiaren Hondurasko irratiko langileak, mehatxuak ari baitira izaten, mehatxu hauek agintaritza nazionalaren eta nazioarteko giza eskubideen erakundeetan salatu izan dituzten arren. Horien artean nabarmentzekoak, Gerardo Chevez erreportaria eta A. Ismael Moreno (A. Melo) Radio Progresoko Zuzendaria, heriotza mehatxuak izan dituzte-eta, eskubideak bortxatu dizkieten pertsonak babestu eta bortxaketa hauek denak salatu dituztelako erakunde nazionaletan eta nazioartekoetan ez ezik baita Radio Progreso Irratian ere.

Radio Progresoko kazetariek idatzi publiko bat egin dute mehatxu hauek salatuz eta beren informazio eta editorial lerroa beti biztanleria pobretuaren premien eta lorpenen aldekoa izan dela berresten dute. Gainera, Porfirio Loboren erregimenari premiaz eskatzen diote, kasu egin diezaiela giza eskubideen errespetuaren inguruko gomendioei, eta espresio askatasunaren errespetua bermatzeko eskatzen diote, demokraziaren oinarrizko osagaia delako.

Gainera, Hondurasko Jesusen Lagundiaren Nagusiek idatzi bat argitaratu dute, beren kideen aurkako mehatxu eta bortxaketak salatuz, eta agintari nazionalei eskatzen diete, ahalik azkarren iker ditzatela salatutako gertakariak, eta giza eskubideen nazioko eta nazioarteko erakundeei eskatu diete jarraipena egin diezaioten kasu honi.

Egoera hau salatzeko, Hondurasko Ismael Moreno jesuita (mehatxatua hau ere), Eusko Jaurlaritzako Giza Eskubideen Batzordean izan zen lehengo asteazkenean, eta Nafarroako Gobernuaren Nazioarteko Elkarbizitza eta Solidaritate Batzorde Berezian, lehengo ostiralean.

ALBOANen, Radio Progresoko lagun guztiekin solidarizatzen gara eta Hondurasen erabateko prentsa askatasunaren eskakizunarekin bat egiten dugu.

Hondurasko jesuiten adierazpena gertakari hauen aurrean >

Hezkuntzaren aldeko Munduko Kanpainak arrakasta izan du Euskadin eta Nafarroan

Pertsona asko izan gara GUZTIONTZAKO HEZKUNTZA eskatu dugunak

Get the flash player here: http://www.adobe.com/flashplayer

//

Aurten, Hezkuntzaren aldeko Munduko Kanpainak, Euskal Herriko GKEek, ALBOAN tartean dela, parte hartzen dutenkoalizioak, arrakasta handiz jarri zuen martxan Euskadin eta Nafarroan, Hezkuntzaren aldeko Munduko Ekintza Astea (SAME)  “GOL 1 hezkuntzaren alde” leloarekin.

FIFArekin batera, eta Munduko Futbol Txapelketaren neurriko kirol gertakari batek eskaintzen duen aukeraz baliatuz –eta Afrikako kontinentean lehen aldiz jokatzen dela baliatuz­–, helburua izan da, gutxienez, mundu osoko 30 milioi pertsona inplikaturi eta hauen gobernuei, 2000 urtean hitzeman zuten konpromisoa gogoraztea, hau da, 2015ean mundu guztiak Hezkuntza eskubidea izatea.

Euskadin lehengo apirilaren 22an, Eibarren egin zen ekitaldi nagusia. Arartekoa, Eibarko alkatea, nesken Athletic taldeko, Gurutze Fernandez jokalaria, Arrate Eskubaloi taldeko jokalariak eta Euskadiko 200 ikasle eta irakasle pasa, izan ziren Eibarko Udaletxean hezkuntzari buruzko solasaldian parte hartzen, eta solasaldiaren ondoren, giza mahai-futbol erraldoia antolatu zuten Untzaga Plazan. Arduradun politikoen arreta bereganatu nahi izan zuen ekitaldi publikoak, finantziazio gehiago bideratu behar baitute, mundu osoko neska-mutil eta pertsona heldu guztiek eskolara joateko aukera izan dezaten.

Nafarroan, apirilaren 21ean Iruñean eta 23an Tuteran, eliteko kirolariek, Osasunako Nacho Monrealek kasu, Nafar Gobernuaren Hezkuntza Kontseilariak, Nafarroako Kirol Institutuaren zuzendariak, Tuterako alkateak eta 30 ikastetxetako ikasleek hartu zuten parte kaleko ekitaldi batean, eta bertan eskatu zuten, behin gehiago, bete ditzatela gobernuek Milurtekoaren Garapen Helburuak, pertsona guztiek hezkuntzarako aukera izatearen inguruan alegia.

Gainera, euskal kirolariek beren irudia eman dute Kanpaina honetarako, era horretan, ehunka futbolari, lider politiko, munduko kultura eta kiroleko pertsonalitate eta herritarrekin bat eginez, pertsona guztientzako kalitateko hezkuntza publikoaren aldarrikapenean. Hegoafrikako Munduko Txapelketak eskaintzen duen erakustoki horretatik altxatuko dute euren ahotsa, mundu osoko gobernuek duten bete beharra gogorazteko, munduko 72 milioi neska-mutilen eta 759 milioi pertsona helduren analfabetismoa ezabatzen inplika daitezen.

Kanpainari buruzko gauza gehiago eta SAME garaian egin diren beste ekitaldiak ezagutzeko

EDUKALBOAN JAIO DA

ALBOAN GKEaren solidaritaterako Hezkuntzari buruzko aldizkaria.

ALBOAN GKEaren solidaritaterako Hezkuntzari buruzko aldizkaria

ALBOAN GKEaren solidaritaterako Hezkuntzari buruzko aldizkaria

ALBOAN GKEak, jesuitek sustatua eta Euskadin eta Nafarroan bere egoitzak dituenak, solidaritaterako Hezkuntzari buruzko aldizkaria argitaratu du, EDUKALBOAN izenarekin.

Seihilabetekaria da, elebitan eta doan argitaratzen da. ALBOANek justiziarako espiritua duten herritarrak hezteko egin duen apustuaren eraginez sortu da eta egungo testuinguruan bideragarriak diren hezkuntza estrategiak proposatzen ditu, eta gogoetarako eta ekintzarako sareak sortzea du xede.

Batez ere hezkuntza komunitateari dago zuzendua, eta bere sail finkoen artean ditu, hezkuntzako albisteak, proposamen pedagogikoak eta elkarrizketak.

Azken finean, ALBOANen ekarpen bat gehiago da eta, gainera, Bizkaiko Foru Aldundiaren eta Eusko Jaurlaritzaren diru-laguntza ere jasotzen du.