Nola diren sari banaketak. “No habrá paz para los malvados”, Enrique Urbizu bilbotarraren thriller-a Donostiako zinemaldian izan zen. Baina ez zuen maskor bat bera ere jaso. Atzo ordea Goya sarietako garaile nagusi izan da. 14 izendapen zituen eta 6 iruditxo eskuratu ditu, tartean nagusienak. Espainiako Zine Akademiako kideen aburuz iazko pelikula onena izan da eta Urbizu zuzendari onena. Urbizuk Michel Gaztambide nafarrarekin sinatu duen gidoiak ere saria jaso du. Eta aktore onena, polizia korruptoarena egiteagatik, Jose Coronado. Jogurtat iragartzetik bizi iraun duen aktoreak Goya saria jaso du, “25 urte ondoren”, berak esan duen bezala.

Euskal zinemaren gaua ere izan da. EITB nahieran ikusgai dagoen eta Pedro Rivero bilbotarrak zuzendu duen ““BirdBoy”” zintak animaziozko film labur onenaren saria eskuratu du. “Blackthorn” westernak lortu ditu lau sarietatik bik euskal profesionalei zor die. Clara Bilbaok jantzi ditu western horretako pertsonaiak eta Juan Antonio Ruiz Anchiak fotografiaren ardura izan du. Pelikula honen kasuan, ezin ulertu nabil Sam Shepard itzela nolatan ez dute ezta izendatu ere.

Almodovarrek ere euskal profesionaleei zor die jasotako lau sarietatik bi. Karmele Soler eta Alberto Iglesias donostiarrek makillajean eta soinu bandan iruditxoa eraman dute. Iglesias markak hautsita, jada 10 Goya batitu. Sari eskasak baina Almodovarrentzat. Bere filma, “La Piel Que Habito” Gaueko gailtzailetzat jo daiteke. Akademiatik kanpo urteetan egon ondoren, galan parte hartu zuen Pedro Almodovarrek. Denek zuzendari onenaren edo pelikularen onenaren saria jasoko zuela ordainean espero genuen. Ez zen horrela izan. Urtetako desairegatik mendekua ote?

Aldarrikapen askoren gaua izan da. Zientzia fikziozko “Eva” filma maisuki zuzendu duen Kike Maillok eskerrak ematerakoan, Claudia Vega, bere protagonista aldarrikatu du, nerabe izaki egun ezin baitute saritu. Maillok  eskola publikoaren alde hitzegin zuen. Garzon epailea berriz goraipatu zuen Isabel Coixetek dokumental onenaren saria jasotzerakoan.

Eta aldarrikatu bere lana Santiago Segurak. “Torrente IV” filma ikusiena izan da Espainian iaz. Baina berak gogoratu zuen bezala izendapen ziztrin bat bera ere. Beste ahaztuak: publikoa. Amaia Etxezarreta kazetariak tuit batean esan bezala, sarituetako inork ez baizuen sarrera pagatzen ditugunak gogoan eduki.