Hasi da atzerako kontaketa. Datorren martxoaren 14an hasiko da Andoainen Korrika 18, eta Euskal Herria zeharkatuko du Baionara heldu arte. 17 Korrika eta 32 urte igaro dira AEK-k 1980an lehenengo Korrika antolatu zuenetik. Leloak, kartelak, lasterketaren ibilbidea edo kilometro kopurua aldatu egin bada ere, helburuak bera izaten jarraitzen du: euskara goraipatzea.
Korrika 17 Foto: eitbcom
Noiz: 1980
Nondik nora: Oñati – Bilbo
Leloa: “Zuk ere esan bai euskarari”,
Bitxikeria: Oñatiko Unibertsitateko ateetatik abiatu zen lehen Korrika eta elurra ari zuen.
Noiz: 1982 Nondik nora: Iruñea – Donostia
Leloa: “AEK, euskararen alternatiba herritarra; Korrika, herriaren erantzuna euskararen alde”.
Bitxikeria: Rikardo Arregi kazetari, idazle eta kultur eragilea omendu zen 1982ko Korrikan.
Noiz: 1983
Nondik nora: Baiona – Bilbo
Leloa: “Euskaraz eta kitto!”
Bitxikeriak: Gabriel Aresti idazle handia omendu zen.
Noiz: 1985
Nondik nora: Atharratze-Iruñea
Leloa: “Herri bat, hizkuntza bat”
Bitxikeria: 2.080 kilometro egitera abiatu ziren Atharratzetik Iruñera euskaldunak.
Noiz: 1987
Nondik nora: Hendaia-Bilbo
Leloa: “Euskara, zeurea”
Bitxikeria: Lasterketak Balendin Enbeita omendu zuen, bertsolaritzan eta euskara suspertzen konstelazio disdiratsua izandako familia bateko kidea
Noiz: 1989
Nondik nora: Iruñea-Donostia
Leloa: “Euskara korrika eta kitto. Euskal Herriak AEK”
Bitxikeria: Omenaldia jaso zuena euskal kulturaren langile nekaezin eta jakintsua izan zen: Jose Migel Barandiaran, mende bateko korrikalaria.
Noiz: 1991
Nondik nora: Gasteiz-Baiona
Leloa: “Korrika euskara, euskaraz Euskal Herria”
Bitxikeriak: Bidasoaz iparraldean, Baionan, amaitu zen lehen aldiz lasterketa.
Noiz: 1993
Nondik nora: Iruñea-Bilbo
Leloa: “Denok maite dugu gure herria euskaraz”
Bitxikeria: Martin Ugalde kazetari, historialari, idazle eta kultur eragile andoaindarra omendua izan zen, komunikabide eta AEKren arteko komunikazioa errazteagatik.
Noiz: 1995
Nondik nora: Donibane Garazi – Gasteiz
Leloa: “Jalgi hadi euskaraz”
Bitxikeria: Mikel Laboa abeslaria izan zen omendua
Noiz: 1997
Bitxikeria: Luis Villasante euskaltzainak eraman zuen ekitaldiaren hasieran lekukoa.
Nondik nora: Arantzazu – Bilbo
Leloa: “Euskal Herria korrika”
Noiz: 1999
Nondik nora: Iruñea-Donostia
Leloa: “Zu eta ni euskaraz”
Bitxikeria: Berrikuntza garrantzitsua izan zuen edizioak. Hamaikagarrena izanda, omenduak ere hamaika izan ziren eta ez bakarra, orain arte bezala.
Noiz: 2001
Nondik nora: Gasteiz-Baiona
Leloa: “Mundu bat euskarara bildu”
Bitxikeria: Urte honetan, ibilbide arruntaz gainera, ibilbide birtuala ere egin ahal izan zen ziberlekukoari esker.
Noiz: 2003
Nondik nora: Gasteiz – Baiona
Leloa: “Herri bat geroa lantzen, korrika”
Bitxikeria: “Ez dok amairu” mugimenduak jaso zuten Korrika 13ren gorazarrea.
Noiz: 2005
Nondik nora: Orreaga-Bilbo
Leloa: “Euskal Herria euskalduntzen. Ni ere bai”
Bitxikeriak: euskaldun berriak goraipatu zituen eta horien guztien ikurtzat har daitekeen Andolin Eguzkitza zendua omendu zuen Korrikak.
Noiz: 2007
Nondik Nora: Karrantza-Iruñea
Leloa: “Heldu”
Bitxikeria: Euskal emakumeak izan ziren omenduak euskara, belaunaldiz belaunaldi, gorde eta transmititzeko egin duten lanagatik.
Noiz: 2009
Nondik nora: Tutera – Gasteiz
Leloa: “Ongi etorri euskaraz bizi nahi dugunon herrira”
Bitxikeriak: ONGI ETORRI! handi bat luzatu zien euskararen berreskurapenean lagundu behar duten erakunde guztiei.
Noiz: 2011
Nondik nora: Trebiñu – Donostia
Leloa: “Maitatu, ikasi, ari… euskalakari”
Bitxikeria: Euskal Herria euskalduntzeko herritar bakoitzaren egitekoa, garrantzia eta protagonismoa aldarrikatu zituen Korrika 17k.
Sormena eta irudimena ez da falta egunotan gure inguruan. Etxean egon behar dugun honetan, ez…
Galtzaundi euskara taldeak euskararen inguruko festa handia antolatu zuen iragan larunbatean, Tolosan (Gipuzkoa). Ehunka euskaltzalek…
Euskal Herriko historian leku berezia duen pentsalari, eragile eta idazlea da Jose Luis Alvarez Enparantza…
Iparraldeko neska, Berbaratza, Ikusi makusi…zer ikusi?, Etzi pm bloga, Baloreak baloratzen, Hitzak airean, Taxoareko Hitza, Game Erauntsia, Kaixomaitia, Iparra, Sarean, Naturzalia dira Blogetan! Euskal blogariak lehian lehiaketaren bigarren…
Zenbaitetan albiste izan ohi de amaren bat bere umetxoari bularra emateagatik denda edo lokalen batetik…
Sorgina Txirulina (Erica Liquete) ekimenak euskaldunak ez diren pertsonek seme-alaben eta ipuinen laguntzaz euskara ikastea…