Txikiak izanagatik, balio berezia duten hizkuntzak badira munduan: gure euskara, nola ez, baina baita eskoziarra, galesa, galiziarra… eta horiek denek merezi duten tokia izango dute EITBren Bilboko egoitzan. Izan ere, datorren asteartean, hilak 30, MinoriTB, Hizkuntza Gutxituen Telebisten Jardunaldia, antolatu du EITBk.
Interes duen orok Multibox aretoan, goizeko 9:00etatik aurrera du zita. Are, hurbiltzerik ez duenak, eitb.com-en zuzenean jarraitzea izango du. Sarrera doakoa izango da eta, bertaratzeko, nahikoa da minoritb@eitb.com helbidera posta elektroniko bat bidaltzearekin, izena eta abizena zehaztuta.
MinoriTB jardunaldien kartela.
Hizkuntza handiak erabiltzearen aldeko apustua egiten den munduan egonda, hizkuntza txikiek, erabiliak eta zabalduak izateko, gero eta traba gehiago aurkitzen dituzte hedabide eta sare orokorrean. Hain justu, hizkuntza gutxituak lantzen dituzten telebistek etorkizuna izateko inflexio-puntu garrantzitsua zehaztea du ekitaldiak helburu.
Jardunaldiotan izango dira, besteak beste, Michael Lally, Circom-eko presidentea; Keith Jones, telebistako edukien aditua, Galeseko BBCtik etorria; eta Robert Durban ikerlari eskoziar ezaguna. Azken honek hizkuntza gutxituak eta hedabideetan izan behar duten lekua ikertzen ditu. Horiez gain, Galiziako Telebistako zuzendaria, Rosa Vilas; Europako Parlamentuko Ikus-entzunezkoen zuzendaria, Fernando Carbajo, eta, Joan Rosés, TV3ko telebista era berrietan aditua, ere bertaratuko dira. EITBko zuzendari nagusiak, Alberto Suriok, emango dio hasiera ekitaldiari eta, arratsaldez, Blanca Urgell Eusko Jaurlaritzako Kultura sailburuak itxiko du. Goi-mailako profesionalak bilduko ditu eta Europa mailan eredu bilakatu nahi du jorratzen duen alorrean.
Euskara, beraz, bere hizkuntza anaia-arrebak hartzeko zain… Animatuko zu ere?
Sormena eta irudimena ez da falta egunotan gure inguruan. Etxean egon behar dugun honetan, ez…
Galtzaundi euskara taldeak euskararen inguruko festa handia antolatu zuen iragan larunbatean, Tolosan (Gipuzkoa). Ehunka euskaltzalek…
Euskal Herriko historian leku berezia duen pentsalari, eragile eta idazlea da Jose Luis Alvarez Enparantza…
Iparraldeko neska, Berbaratza, Ikusi makusi…zer ikusi?, Etzi pm bloga, Baloreak baloratzen, Hitzak airean, Taxoareko Hitza, Game Erauntsia, Kaixomaitia, Iparra, Sarean, Naturzalia dira Blogetan! Euskal blogariak lehian lehiaketaren bigarren…
Zenbaitetan albiste izan ohi de amaren bat bere umetxoari bularra emateagatik denda edo lokalen batetik…
Sorgina Txirulina (Erica Liquete) ekimenak euskaldunak ez diren pertsonek seme-alaben eta ipuinen laguntzaz euskara ikastea…