Boluntarioek Gaztelugatx garbituko dute abenduaren 3an
Boluntarioek Gaztelugatxeko kala garbituko dute abenduaren 3an. Ekimena Lurgaia Fundazioak eta Bermeoko Udalak bultzatu dute.
Parte-hartzaileek botilak, plastikoak, sokak eta itsasoak kalara ekarritako zaborra jasoko dituzte egunean zehar. Zaborra giza kate baten bidez errepideraino eramango dute, bertan edukiontzi batean sartzeko, ondoren zabortegira eramateko.
Hasiera batean, garbiketa azaroaren 5ean egitekoa zen, baina eguraldi kaskarra zela eta bertan behera geratu zen, Bermeoko Udalak agiri batean azaldu duenez.
Parte hartu nahi dutenek Lurgaian izena eman beharko dute abenduaren 1a baino lehen.