Eingo al deu?

Zakilari “helduta” eman zuten asteazkeneko saioa Amaiak eta Luziak. Hiru ataletan banatu zuten gaia. Hasiera batean bost zakil mota ezberdin aztertu zituzten. Ondoren, galtzontzilo barruan zakilak hartzen duen posizioak mutilaren izaerarekin zerikusia duela ondorioztatu zuten, eta, azkenik, gizonezkoen genitalen gaineko hainbat bitxikeria eraman zituzten hizpidera.

Guztira 5 zakil mota daude, eta bakoitzak bere abantailak eta desabantailak ditu.

-Arkatz itxurakoa

-Kono formakoa

-Perretxiko-zakila

-Platano itxurakoa

-Zakil kurbatua

Esan bezala, galtzontzilo barruan hartzen duen posizioari buruz ere hitz egin zuten, eta zakila gora, behera, ezkerrera edo eskuinera begira jartzeak duen esanahia argitu zuten.

Bukatzeko, besteak beste, bitxikeria hauek ezagutarazi zituzten:

-Tabakoa erretzeak zakilaren tamaina txikitu dezake.

-400 mutiletik bakar bat da gai bere zakila ahoan sartzeko.

-Zakila apurtu egin daiteke.

-Bi zakil mota daude: tentetzean asko hazten direnak eta zutitzean tamainaz aldatzen ez direnak.

Horri guztiari buruz gehiago jakiteko, entzun atzoko saioa.