Bertoko Produktuen Gabonetako Azokaren aurkezpena. Argazkia: Bermeoko Udala
Bermeon Bertoko Produktuen Gabonetako Azoka egingo dute larunbat honetan, 9:00etatik 15:00etara, udal azokan, Udalak ohar baten bidez jakitera eman duenez.
Bertan, gabon giroan, baserri eta itsasoko bertoko sasoiko produktuak dastatzeko eta erosteko aukera izango dute bertaratzen diren guztiek.
Horrez gain, eskaintza berezia izango da, izan ere, sukaldaritza erakustaldiak eta Gabonetako menuen dastatzea, musika, umeen tailerrak eta taloa eta txorizoa jateko aukera egongo da. Era berean, gonbidatu berezi bat ere izango dugu azokan, Olentzerok parte hartuko baitu umeen eskutitzak jasoz.
30 saltoki inguru egongo dira azoka honetan bai merkatu barruan bai kanpoan, eta horietan lehen mailako produktuak eskuratzeko aukera izango dute bertaratutakoek: arrain freskoa, arrain kontserbak, barazkiak, frutak, haragia, gazta, arrautzak, esne freskoa, sagardoa, txakolina, loreak, gaztainak, ogia, patea…
Olentzero ere azokan egongo da 11:00etatik 14:00etara umeen eskutitzak jasotzen, eta umeentzako tailerrak ere egongo dira 11:00etatik 13:00etara.
Sukaldariak eta musika
Gabonetako giroa, eta usaina ere bai, nagusi izango dira bertoko produktuen azoka honetan. Hori lortzeko, sukaldariak egongo dira 12:30etik aurrera. Horrela, 12:30etik 15:00etara Gabonetako menuak dastatu ahal izango dira eta sukaldaritza erakustaldiak egingo dira. Horrez gain, Gabonetako menuak salgai egongo dira.
Gabonetako argiek, apaingarriek eta musikak ere azoka girotuko dute; izan ere, musika eskolako haize taldeak, koroak eta Erroxapen abesbatzak bere abestiekin giro oso polita sortuko dute 11:00etatik 12:30era, azokaren barrualdean.
2013. urteko Alde Zaharreko sutearen ondorioz kaltetutako udaletxea berreskuratzeko lanen bigarren faseko obrak esleitzeko deialdia…
Bermeoko XXIII. Arrain Azoka maiatzaren 19, 20 eta 21ean egingo da, eta ozeanoen zainketa guztion…
Sollube Ganen dagoen diktadura frankista garaiko monumentua kentzeko baimena eskatu dio Bermeoko Udalak Bizkaiko Foru…
Jai batzordeak “ANDRA MARI ETA SANTA EUFEMIA JAIAK 2017” iragarriko dauen kartelaren lehiaketarako deialdia zabaldu…
Euskarazko abizenak euskal grafiarekin idazteko ‘Izena duenak izana du’ sentsibilizazio kanpaina martxan jarriko du martxoan…
Honezkero, dakizuen bezala, otsailaren 24, 25, 26 eta 28an, eta martxoaren 4an, Aratusteak ospatuko ditugu…