Sollubeko monumentu frankista. Argazkia: Bermeoko Udala
Sollube Ganen dagoen diktadura frankista garaiko monumentua kentzeko baimena eskatu dio Bermeoko Udalak Bizkaiko Foru Aldundiari; izan ere, Diputazioaren jabetzako lurretan dago oroigarria.
Benito Ibarrolazak, Bermeoko alkateordeak eta Zerbitzuetako zinegotziak, azaldu duenez, “Bermeoko udal mugartean diktadura frankista garaiko monumentu oroigarri bat dago, hain zuzen ere, Sollubeko gudan indar armatu faxisten hildakoen omenez eraikitako monumentu oroigarria; eta hori da Udalak kendu nahi duena”.
Ibarrolazak adierazi duenez, Gerra zibilean eta diktaduran pertsekuzioa eta biolentzia jasan zutenen aldeko eskubideak onartu eta gehitu eta euren aldeko neurriak arautzen dituen Estatuko 52/2007 Legeak horrelako monumentuak kentzeko aukera ematen du. “Hori horrela, Udalak aukera edukiko luke aipatutako monumentua kentzeko”, azaldu du.
Alabaina, zehaztu duenez, “kontuan hartu behar da lur pribatuetan dagoela”; eta, kasu horietan, 52/2007 Legearen arabera, ezer egin aurretik baimena eskatu beharko zaio lurraren jabeari.
“Hori dela eta, lurraren jabea den Bizkaiko Foru Aldundiari baimena eskatu diogu eta espero dugu erantzuna baiezkoa izatea diktadura frankista garaiko monumento hori ahalik eta arinen kendu ahal izateko”, azpimarratu du Benito Ibarrolazak.
2013. urteko Alde Zaharreko sutearen ondorioz kaltetutako udaletxea berreskuratzeko lanen bigarren faseko obrak esleitzeko deialdia…
Bermeoko XXIII. Arrain Azoka maiatzaren 19, 20 eta 21ean egingo da, eta ozeanoen zainketa guztion…
Jai batzordeak “ANDRA MARI ETA SANTA EUFEMIA JAIAK 2017” iragarriko dauen kartelaren lehiaketarako deialdia zabaldu…
Euskarazko abizenak euskal grafiarekin idazteko ‘Izena duenak izana du’ sentsibilizazio kanpaina martxan jarriko du martxoan…
Honezkero, dakizuen bezala, otsailaren 24, 25, 26 eta 28an, eta martxoaren 4an, Aratusteak ospatuko ditugu…
Arrain Azoka Elkarteak “XXIII. Arrain Azoka 2017” iragarten dauen kartelaren lehiaketarako deialdia zabaldu dau. Aurkeztutako…