Bermeo

Uda ate joka dugu, 🙂 eta, etxeko txikienek oporrak hartuko diztuzte laster. Zenbait gurasok, ordea, ez diztuzte jai egunak izaten. Bada, horren aurrean, Bermeoko blog honetan proposamen bat egin nahi dizuegu, izan ere, 5 eta 12 urte bitarteko ume eta gaztetxoentzat udalekuak antolatu dira abuztuaren 4tik 14ra bitarte. Adi!! Izena emateko epea maiatzaren 30era arte dago eta irekita!

Zein izango da udalekuen ordutegia?

Udalekuen ordutegia goizeko 10:00etatik 14:00etara izango da eta, beraz, umeak etxera joango dira bazkaltzera. Abuztuaren 13an, ordea, egun osoko irteera egingo dute txikiek Getxoko Akuariora eta, hortaz, 18:00ak arte egongo dira umeak udalekuetan.

Nori zuzenduriko udalekuak izango dira?

Udalekuak bederatzi eguneko txanda bakarrean izango dira, abuztuaren 4tik 14ra (asteburua izan ezik). 2002-2009 urteen artean jaiotako umeei egongo da zuzendua, alegia, 5 eta 12 urte bitarteko haurrei. Gehienez 40 umek parte har dezakete, beraz… Azkar ibili!!!

Zer egin behar da udalekuetan izena emateko?

Maiatzaren 30era arte egongo da zabalik izena emateko epea, GIZen, (Gizarte eta Kultura Etxean). Bermeon erroldatutako umeek lehentasuna izango dute. Prezioaren dagokionez, jakin errenta aitorpenaren araberako deskontuak egongo direla eta, urtero bezala, oinarrizko errentaren jasotzaileek, familia ugariek eta neba-arrebek ere onurak izango dituztela.
Informazio gehiago behar izatera, deitu 946179158 telefono zenbakira edo idatzi giz@bermeo.org helbide elektronikora.

ANIMATU!!!