Uhinetan idatzia

Idatz iezadazu,

edo hobeto bestela,

gorrota nazazu tristezia eta amorrutik,

horiek ez baitakite zer diren eusteko hormak.

Labur iezadazu

minaren eta ahantziaren paisaia gordina.

Esan iezadazu,

ea baden  hainbesteko desamore soinean eramateko besorik.

Gogora ezazu

elkarrekin bizi izan garen tokiren bat,

irautea desegitea baita, ez bizitzea,

baina gorde iezadazu.

baratzatxo txiki eta apartatutako bat

zure oroimenaren hegoaldean

izan nadin bila ari naizena.