Azken dantza maitalearekin,
koloretako arrainak sabelean:
kondenatuaren azken afari legea:
amak egiten zuen arroz esnea;
hiltzorian denaren azken gaua,
denbora guztia txoriak pasaeran;
suizidaren azken gutuna:
“Mesedez, itzali gasa!”;
ordaintzeke dagoen azken faktura:
lili sorta azokan erosia;
pianoaren azken nota
emango ez den kontzerturako;
mozkorraren azken tragoa,
bakardade minari eskainia;
ezkon berrien azken eztei gaua,
bakoitza bere aldetik joan aurretik;
poetaren azken hitzak:
“Zer da mututasun hau?”;
kale garbitzaikearen azken lana:
dena zaborretara botatzea.
Baso izan nahi eta sekula izango ez diren parkeetan, hiriak bere izena eta fama galtzen…
Audenek galdetzen zuen, ironiaz noski, zein den maitasunaren egia. Erantzunekin ari zen jolasten, maitasuna jokoa baita.…
Maitasunagatik erretzeari utzi nion, pastillak kendu zizkidaten, edateaz ahantzi nintzen, liburuak oparitu nituen, diskoak enkantean…