David Hodo, Village People taldeko abeslari eta dantzarietako bat, Kalifornian jaio zen 1950ko uztailaren 7an. Gure gaurko protagonista, etxegintzan aritzen diren langileen uniformez jantzita azaltzen da goiko argazkian, kasko, betaurreko eta lanabesen gerrikoarekin. David Hodok eta bere taldekideek 70ko hamarkada bukaerako disko musikak eman zuen talde berritzaile eta berezienetako bat osatu zuten eta taldearen kantak garai hartako arrakasta handienen artean aurkitzen dira. "YMCA", "In the Navy", "Macho Man" eta "Go West" pop single salduenen zerrendetan lehen postuetan sailkatu ziren eta taldeak gay kolektibotik kanpo ere sekulako arrakasta lortu zuen. Halere, aipagarria da, Jacques Morali ekoizle eta musikagile frantsesak sortutako talde hau, entzuleri homosexual batengan pentsatuz eratu zela eta Village People taldearen abesti, mozorro eta dantzak homosexualen ustezko gustuen arabera diseinatu zirela. 80ko hamarkadaren etorrerarekin batera new wave taldeek pop arrakasten zerrendak eurenganatu zituzten eta disko musika zaharkitua gelditu zen. Village People taldearen abesti itsaskor, dantzagarri eta alaiek, ordea, bizirautea lortu dute eta gaur egun, oraindik ere, edozein festa, karaoke, afari edo ospakizunetan entzun daitezke.
Gaur, 22:00etatik aurrera, eta Eitb Musikaren sintonian, Crowded House taldearen Woodface diskoa izango dugu entzungai. …
60ko hamarkada bukaerako folk britainiarraren ikono handienetako bat Donovan musikari eskoziarra izan zen. Honek Skye…
20 urte Freddie Mercury hil zenetik. Bere musikak ordea guregan dirau. Abeslariaren heriotzaren urteurrena dela…
Grammy Latinoetan, Calle 13 taldeak, Peru-ko Kultura Ministroa den, Susana Bacarekin batera abestu duen, “Latinoamerica”-rentzako …
Lurraren biztanle kopurua hazten ari da etengabe. 7 mila milioi pertsonaren bizitoki da honezgero eta…
50-eko hamarkadan Frank Sinatrak eta Ella Fitzgeraldek egin zuten moduan, Tony Bennet eta Lady Gagak…