Bi aldiz handiagoa da gizon batek adarrak beste emakume batekin jarri dizkion neska-lagunarekin jarraitzeko probabilitatea, gizon batekin jarri dizkionarekin baino. Hori dio Personality and Individual Differences aldizkarian argitaratutako ikerketa batek.
Emakumeekin alderantziz gertatzen omen da, ordea. Aukera gehiago daude emakumeak harreman heterosexualak izan dituen mutil-lagunarekin jarraitzeko, harreman homosexualak izan dituenarekin baino.
Ondorio horretara heltzeko, Texaseko Unibertsitateko Jaime C. Confer psikologoak 700 ikasleri galdeketa egin zien. Norbaitekin hiru hilabetez harreman erromantiko eta sexuala zutela imajinatzeko eskatzen zien. Jarraian, desleialtasun kasu ezberdinen aurrean nola jokatuko luketen galdetzen zien.
Zehazki, boluntario gizonek % 50eko probabilitatea agertu zuten harreman homosexuala izan duen bikotekidearekin jarraitzeko. Ustez harreman heterosexuala izan duenarekin jarraitzekoa, ordea, % 22ra jaisten da. Emakumezkoek % 28ko probabilitatea erakutsi zuten harreman heterosexuala izan duen bikotekidearekin jarraitzeko. Harreman homosexuala den kasuan, %21era jaisten da probabilitatea.
Ikerketak gizonezkoek bikotekide multzoa izateko duten grina ulertzeko gakoak ematen ditu alde psikologikotik begiratuta. Era beran, hobeto ulertzen laguntzen du emakumeek bikotekide finkoa izateko duten grina.
Conferren esanetan, jeloskortasuna arrazoi ezberdinengatik pizten da sexuaren arabera. Gizonen kasuan, aitatasuna zalantzan jartzeak pizten du eta emakumeenean, berriz, abandonu beldurrak.
Geroz eta hedatuago dagoen korronte bat da ekosexualitatea, baina zertan oinarritzen da? Ekosexualitateak naturarekin bat…
Espainiako Estatuko emakumeek gogobeteko sexu harremanak dituzte munduko gainerako herrialdeekin alderatuta. Izan ere, hainbat adituk…
Public Library of Scienciek argitaratutako ikerketa batek erakusten du "sexercise" delakoak kirolaren abantaila bertsuak izan…
Orain arte, batik bat, Hego Amerikan praktikatzen zen sexu-erruletaren jolasa, baina azkenaldian Espainiako Estatura iritsi…
Horoskopoan adituak direnek, 2017an zodiakoko zeinu bakoitzak izango dituen sexu harremanen nondik norakoak argitu dituzte,…
Sexu-harremanak ditugunean berba gutxi egitea da ohikoena, baina behin edo beste bikoteari belarrira zerbait xuxurlatzea…
View Comments