Eingo al deu?

Sexu harremanak izateko gizonak erekzioa behar adina gogor ezin mantendu ahal izatea da inpotentzia. Espainiako Estatuan bi milioi gizonek baino gehiagok gaitz hau pairatzen dute.

Hala ere, gaur egun inpotentzia gainditzeko hainbat tratamendu daude. Ez da orokortu behar, ordea, eta kasu bakoitza era pertsonalizatuan tratatu behar da. Inpotentzia mota askotarikoak daude eta tratamenduak ere, ezberdinak behar dute izan mota bakoitzerako.

Gaitzaren jatorria hormona arazo bat baldin bada, tratamendu egokiena eta arrakastatsuena testosteronaren ordezko medikamentuena da.

Inpotentzia organikoaren kasuan medikamentu injektagarrietara edo aho bidezkoetara jotzea da ohikoena. Aho bidezkoen artean hiru motatakoak daude: Sildenafil (Viagra bezala ezaguna), Tadalafilo (Cialis piluletako osagarria) eta Vardenafilo (merkatuan Levitra izenez ezagutzen dena).

Pilula hauek zakileko entzimak blokeatzen dituzte, horrela mekanismo naturalen bidez zakila tentetzeko. Normalean ez dute funtzionatzen aurrez sexu kitzikapenik ez badago. Medikamentu hauek % 70eko eraginkortasuna dutela estimatzen da.

Pilula hauen onura bistakoena, eraginkortasun handiaz gain, mediku aditu batek gomendatuz gero kontrako efekturik izatea oso zaila dela da. Gaitz arinak bakarrik sor ditzakete, buruko mina, gorritasuna edo muki asko izatea.