Erresuma Batuan hain ohikoak diren adingabeen haurdunaldiak saihesteko asmoz, Oxforshire konderriko sei ikastetxeko ikasleek SMS bidez eskatu ahal izango dute hurrengo eguneko pilula, uztailetik aurrera.
Esan bezala, ekimen honek gaztetxoei haurdun ez geratzeko erraztasunak ematea du helburu. Modu horretan, antisorgailua gaizki erabili duten nahiz antisorgailurik gabe sexu-harremanak izan dituzten neskek eskatu ahal izango dute pilula.
Adituek ‘zoragarritzat’ jo dute ideia hau, baina, beste neurri batzuk ere hartu beharko liratekeela uste dute, adibidez, txikitatik sexu-hezkuntza on bat ematea.
Halere, hasiera batean zoragarritzat jotako ideia honek denborarekin polemika piztu dezake: Zer gertatuko litzateke gazteen artean hurrengo eguneko pilula antisorgailu bezala hartzeko joera zabaltzen bada?
Denborak emango digu erantzuna eta bitartean neurri berri honek ematen dituen emaitzekin adi egon behar. Batek daki, arrakastatsua bada, etorkizun hurbilean Euskal Herrira ere hel liteke.
Baina, zer deritzozue gazteok ekimen berri honi? Adin txikikoen artean haurdunaldiak saihesteko bide aproposa izan daitekeela uste duzue?
Eman zuen iritzia!
Geroz eta hedatuago dagoen korronte bat da ekosexualitatea, baina zertan oinarritzen da? Ekosexualitateak naturarekin bat…
Espainiako Estatuko emakumeek gogobeteko sexu harremanak dituzte munduko gainerako herrialdeekin alderatuta. Izan ere, hainbat adituk…
Public Library of Scienciek argitaratutako ikerketa batek erakusten du "sexercise" delakoak kirolaren abantaila bertsuak izan…
Orain arte, batik bat, Hego Amerikan praktikatzen zen sexu-erruletaren jolasa, baina azkenaldian Espainiako Estatura iritsi…
Horoskopoan adituak direnek, 2017an zodiakoko zeinu bakoitzak izango dituen sexu harremanen nondik norakoak argitu dituzte,…
Sexu-harremanak ditugunean berba gutxi egitea da ohikoena, baina behin edo beste bikoteari belarrira zerbait xuxurlatzea…