Bada, ateak gaurko egunez zabaldu zituen, 1957.urtean. Merseyssippi Jazz Band izeneko jazz taldea izan zen lehenengo kontzertua eskaini zuena. Lokala Liverpooleko hirigunean zegoen, biltegiz betetako kale ez oso erakargarri batean. Eraikuntzok, gehienak bai behintzat, XIX.mendekoak ziren. The Cavern ere garai hartako eraikin bateko sotoa zen. Diotenez, esklabuak ere bizi omen izan ziren bobeda ilun haien pean, esklabu-trafikoa egiten zen garaietan. Hirugihar irlandarra gortzeko biltegia izan zen, baita ardo eta likoreena eta arraultzena ere. The Beatlesek eta beste talde batzuk (esaterako, the Holliesek) han jotzen zutenean, aireztapenik ez zegoenez, giroa nahiko itogarria zen. Publikoak bazekien izerdi-patsetan amaituko zuela, uda zein negua izan. Arnasketaren lurrunaren kondentsazioa sabaitik tantetan erortzen zen jendearen gainean. Euriaren ura ere lokalaren adreilu zaharren artean sartzen joan zen urteen poderioz. Horrela, talderen batek oso ozen jotzen bazuen, bobedetatik hauts zuri euri fin bat erori ohi zen publikoaren gainean, euriak hormetan sorturiko kaltzio-metaketetatik. 1966.urteko otsailean the Cavern itxi egin zuten, zituen osasun-gabeziengatik. Kontua da lokalaren azpitik trena pasatzen zela. Trenbideetan ur-beltz itoginak aurkitu zituzten 65.urtean. Ur horiek the Cavern-ekoak ziren. Izan ere, lokal zaharrak ez baitzeukan urok estolderietara bideratzeko inongo egiturarik. Arazoa hobetzeko lanak garestiegiak izango zirelako itxi zuten kluba. Hala ere, urte bereko udan, jabe berrien gidaritzapean eta hobekuntzak eginda, berriro zabaldu zuten lokala. Kontzertuen programazioak eta baita beste ekitaldi batzuenak ere aurrera jarraitu zuen baina the Cavern-en urterik esanguratsuenak –Merseybeat aroa ere pasata zegoen jada- igaroak ziren.
(The Caverni eskainitako Egun bat Musikan eitbcomeko audioen atalean entzun dezakezu)
Gaur, 22:00etatik aurrera, eta Eitb Musikaren sintonian, Crowded House taldearen Woodface diskoa izango dugu entzungai. …
60ko hamarkada bukaerako folk britainiarraren ikono handienetako bat Donovan musikari eskoziarra izan zen. Honek Skye…
20 urte Freddie Mercury hil zenetik. Bere musikak ordea guregan dirau. Abeslariaren heriotzaren urteurrena dela…
Grammy Latinoetan, Calle 13 taldeak, Peru-ko Kultura Ministroa den, Susana Bacarekin batera abestu duen, “Latinoamerica”-rentzako …
Lurraren biztanle kopurua hazten ari da etengabe. 7 mila milioi pertsonaren bizitoki da honezgero eta…
50-eko hamarkadan Frank Sinatrak eta Ella Fitzgeraldek egin zuten moduan, Tony Bennet eta Lady Gagak…