Irudiotan The Fat Boys hirukoak 80.hamarkadan burutu zuen The Twist kantaren bertsioaren bideoklipa ikus dezakegu. Beraiekin batera azaltzen den trajedun tipoa Chubby Checker da, 1962.urteko irailaren 19an, kanta honen bertsioarekin Estatu Batuetako single-ik arrakastatsuenen zerrendako lehenengo postura iritsi zen bakarlaria. Twistaren bidez ezagun bilakatu baino lehen, Chubby Checker-ek oilaskoei lumak kentzen egin zuen lan eta lantoki hartan ere bere kantek eta txisteek giroa animatzen zuten. The Twist baino lehenago The Class izeneko kanta kaleratu zuen, baina hit txikia izan zen hura. Berez Hank Ballard-en b alde bat zen The Twist izan zen Chubby Checker-en kantarik arrakastatsuena. Hala ere, The Twist ez zen kanta bakarrik izan. Abestiarekin batera, izen bereko dantza oso modan jarri zen. Mundu guztian zabaldu zen fenomenoa izan zen twista. 60.hamarkada hasierako publiko gazteak ez zuen besterik dantzatu nahi. Kritikari asko, aldiz, sutan jarri zen, probokatzaileegiak iruditzen zitzaizkielako Chubby Checkerrek modan jarritako gorputz-mugimenduak. Twistaren atzetik, beste dantza batzuk ere azaldu ziren, Mashed Potato, Monkey edo Funky Chicken delakoak, esaterako, baina, ez zuten oihartzun bera izan. Chubby Checker bera ere ahalegindu zen The twist-en arrakasta itzela beste antzeko kanta batzuekin mantentzen (Let’s twist again, esaterako) baina, egia esan, bere harribitxia hura izan zen: The Twist. 1962.urteko gaur bezalako egun batean estatubatuar arrakasta zerrendak kolpatu zituen honako kanta.
Gaur, 22:00etatik aurrera, eta Eitb Musikaren sintonian, Crowded House taldearen Woodface diskoa izango dugu entzungai. …
60ko hamarkada bukaerako folk britainiarraren ikono handienetako bat Donovan musikari eskoziarra izan zen. Honek Skye…
20 urte Freddie Mercury hil zenetik. Bere musikak ordea guregan dirau. Abeslariaren heriotzaren urteurrena dela…
Grammy Latinoetan, Calle 13 taldeak, Peru-ko Kultura Ministroa den, Susana Bacarekin batera abestu duen, “Latinoamerica”-rentzako …
Lurraren biztanle kopurua hazten ari da etengabe. 7 mila milioi pertsonaren bizitoki da honezgero eta…
50-eko hamarkadan Frank Sinatrak eta Ella Fitzgeraldek egin zuten moduan, Tony Bennet eta Lady Gagak…