EITB Musika bloga

The Smashing Pumpkins taldearen bigarren diskoa 90eko hamarkada osoko alt rock disko onenetako bat izan zen. 1993an Virgin diskoetxean argitaratutako lan hau Billboard-aren 10.posturaino igo zen astebeteko tartean  eta diskoaren 4 milioi ale saldu ziren Estatu Batuetan eta beste 6 milioi ale Estatu Batuetatik kanpo.  Grunge, Noise Rock eta orohar Alt Rock amerikarraren gorakak ahalbideratu zuen arrakasta hau baina testuingurua lagungarria izan zela esatearekin ez dugu  Siamese Dream diskoaren kalitatea gutxietsi nahi. Abesti bikainez osatutako lan mardula da hau, poetikoa, indartsua eta sakona. Hauek diskoaren singleak:”Cherub Rock“, “Today“, “Disarm“, “Rocket”.