Japoniako Poliziak adinekoentzako burdel-sarea itxi du Tokyon. Adinekoentzako ‘zerbitzua’ izanda, prostitutarik gazteenak 40 urte ditu, eta zaharrenak, berriz, 98, eta Bigarren Mundu Gerran hasi zen prostituzioan.
Poliziaren kalkuluen arabera, Risako Yokota burdeletako jabeak 520.000 dolar inguru irabazi ditu sexuaren negozioari esker.
Japoniako legeari begiratuta, prostituzioa “diruaren truke egiten den harreman sexuala da”. Horri esker, posible da sexuaren industrian arazo barik aritzea, harreman sexuala koitoari bakarrik esaten zaiolako bertan. Hori dela eta, Japoniako burdeletan koitoa ez diren beste zerbitzuak ematen dituzte;, ahoarekin egindako sexua, batez ere.