Samuel Sanchez bigarren izan da, hamaikagarrenez. Gogoan dituan azken hiru kasuetan garaipena lortzeko adina indar izan bazuen. Bata Tourrean gertatu zen, iaz. Andy Schleckek menderatu zuen. Schleckek bai. Beste bi kasuak askoz gertuagokoak dira, denboraldi honetakoak. Bata Paris-Nizan, Andreas Klodenek esprintean gain hartu zion. Alemaniarrak sei urte zeramantzan era horretan irabazi gabe. Eta azkena, gaur, Joaquin Rodriguezek hartu dio aurrea ustekabean.
Hiru ziklista horiek, Samuel baino motelagoak dira esprintean. Eta hiru kasuetan Euskaltelgoak hori erakutsi du, baina berandu. Helmuga pasatzearekin batera hartu baitzien aurrea, baina helmugako marra aukariek lehenago zapaldu zuten. Beraz, zein da arazoa? Ba erantzun bakarra okurritzen zait. Kalkulua gaizki egiten du. Behin eta berriro. Abiadura azkarragoan esprintatzen badu baina irabazten ez badu, zer beste esan daiteke. Beraz, niretzat ez da zorte kontua, hori norberaren gabeziak modu merkean ezkutatzea da, eta arazoei irtenbidea emateko akatsak onartzea da egin beharreko lehen urratsa.
Lehen etapan ordea ez da dena albiste txarra izan Samuel Sanchezentzat. Erlojupeko bi espezialista jokoz kanpo gelditu dira dagoeneko, Tony Martin eta Levi Leipheimer. Hori bai, oraindik aurkariak egon badaude. Gaiztoena, seguru aski, Andreas Kloden.
Hementxe hurrengo asteburuko atletismo frogak: OTSAILAK 1 - LARUNBATA: X. CROSS DE SAN BLAS DE…
Bradley Wigginsen zain geunden arren Vicenzo Nibali da Giroko patroia. Errazegi eman genion garaipena Sky…
Denbora da Thomas Lofvkist, Mediterraneoko itzulia irabazi berri duen ziklista suediarra begiz jo nuela. 2003a…
Egunotan mundu erdiko zirko mediatikoa Puerto Afereko inputatuen inguruan dabil, euretakoren batek esan zuen moduan…
Ziklismoaren urrezko panpina apurtu da. Askoren jainkoa hil da eta orain, azkenean, egia aitortu duela-eta…
Lasterketak.com-en, 2012. urteari errepasoa egiteko, ondoko bideoa prestatu dugu lasterketen karteletan oinarrituta. Espero dugu zuen…
View Comments
Aupa Xabier.
Nire ustetan urteen poderioz txispa galdu ote duen baitan nago. Lehen horrelako lasterketak fijo ateratzen zituen. Orain agian bere prestakuntza aldatua du 3 asteko txirrindulari bat bihurtuz eta beraz Dieselagoa dela uste dut. Hortikk etorri daiteke baita ere igoera haseretan izaten dituen arazoak. Txispa falta hori.
Guztiz adoz Xabier!! a ta ea noiz egiten duzun Twitter-a!!!!!!