Japoniako pneumatiko marka batek inoiz egindako iragarkirik beldurgarriena egin du. Iragarkiak oihartzun handia izan du, eta polemika ere piztu du japoniarren artean. Zenbait ikusle ere haserre agertu dira iragarkia aurretik inolako oharrik egin gabe botatzen dutelako.
Iragarkian kontatzen duten istorioarekin autoan pneumatiko egokiak eramatearen garrantzia azpimarratu nahi dute, batez ere errepidean aurki daitezkeen ezustekoei aurre egiteko momentuan. Iragarkian agertzen den ‘ezustekoa’ gehiegizkoa den ala ez, hori da eztabaida.