Berlinetik baina lehiaz kanpo proiektatuko duten Hong Sang-sooen azken aurrekoa,“Grass“. Hegokorearrak partaidetza bikoitza izango du, Sail Ofizialean lehiatzen den“Hotel by the River“ filma ere izango baita Xixonen. Bertan zuzendariaren alter egoa izan daiteken gizon adinetu batek familia bildu nahi du hotel batean. Gaixo dagoela esateko. Gizon zaharrena egiten duen Ki Joo-bong-ek gizonezko aktore onenaren saria lortu zuen. Andra Guti errumaniarrak berriz emakumezko aktore onenaren saria eskuratu zuen “Alice T.“ filmagatik. Ama baten eta alaba baten arteko erlazio korapilotsua aztertzen du Radu Muntean zuzendariak. Locarnoko aurtengo zuzendaritza onena jaso zuen, “Tarde para morir joven“ filma ere izango da Xixonen. Bertan Dominga Sotomayor zuzendari txiletarrak haurtzarotik gaztarora hippien komuna batean filmatu du.Aipatzekoa da emakumeen lana ikusatarazi nahi dituztela eta horrela Sail Ofizialean lehiatuko diren hamazazpi izenburuetatik bost emakumeek zuzendu dituztela. Jada aipatu ditugun Szumowska eta Sotomayorrez gain, Canneseko Kritikaren Astean, kritikoen FIPRESCI saria jaso zuen Zsófia Szilágyi hungarriaren “One Day“ dugu. Nik galdu nuen baina harribitxia dela esan didate. Hortaz gain, Sundancen lehiatu ziren “Madeline’s Madeline“ erretatu psikolologikoa, oso bitxia, Josephine Deckerren eskutik edota Sara Colangeloren “La Profesora de Parvulario“. Israelgo film ezagun baten bertsioa da, baina ondo girotuta omen dago Estatu Batuetako kontestura eta Maggie Gyllenhaal izugarri omen dago talentu apartekoa duen ikasle baten alde egiten duen irakaslearen paperean.