Duncan Jones David Bowie abeslariaren semeak zuzentzen du Lurraren satelite naturalaren gaineko zientzia fikziozko filma. Protagonista nagusia Sam Rockwell aktorea da.

Sam Bellek hiru urtez Ilargiko base espazialean egon beharko du. Epe horretan, Helio 3 izeneko gasa ateratzen ahalegindu beharko du. Izan ere, gas horretan gordea baitago Lurreko krisi energetikoa gainditzeko esperantza.

Ia hiru urtez bakardadeaz, meditazioaz eta lasaitasunaz gozatu ondoren, etxera itzultzeko eguna geroz eta gertuago dago. Lurrera itzuli baino bi aste lehenago, irudipenak izaten eta nonoren presentzia sentitzen hasiko da…

Moon datorren urriaren 8an helduko da zinema-aretoetara.