Lau Oscar irabazi dituen zuzendari estatubatuarrak ez du oso gustura izango bere herrialdeko hainbat agintari. 2003an nahiko hauts harrotu zuen Comandante dokumentala estreinatu zuenean. Bi orduko elkarrizketa sakon bat egin zion Kubako buruzagiari eta urtebete beranduago Fidelen erradiografia osatuta utzi zuen bigarren zatiarekin: Looking for Fidel.
Orain, Hugo Chavezen inguruan grabatu du bere azken lana Oliver Stonek: South of the border (mugatik hegoaldera). Bertan, “Latinoamerikako aldaketen gidari indartsu eta zentzudun” gisa erakusten du Venezuelako presidentea.
62 urteko zinegile ezagunak Chavez familiarekin, bere etxean (Sabanetas de Barinasen), lanean, bileretan etab. grabatu du.
Filma irailean iritsiko da Europara. Veneziako Zine Jaialdian eskainiko dute eta handik gutxira gure zinema-aretoetan izatea espero dugu.
Gure erabiltzaile Ikerrek ondo dioen bezala, Oliver Stone egungo munduarekin lotura zuzena eta kritikoa duen pertsona da eta azken urteotan aktualitateko hainbat gai jorratu ditu bere filmetan, bai dokumental erara baita benetako gertaeretan oinarritutako fikziozko filmetan ere. Lehen horien artean dago, adibidez, Persona non grata (2003), Israel eta Palestinaren arteko gatazkan oinarritzen dena. Bigarren multzoan daude, berriz, Word Trade Centre (2006), I-11ko atentatuei buruzkoa, W. (2008) George W. Bushen bizitzan eta presidentzian oinarritutakoa, eta 2009 honetan estreinatuko den Pinkville, Vietnamgo Gerrako sarraski handienari buruz.
Ea noiz estreinatzen duen Stonek dokumentala, egiten duen bakoitza artelana baita.
Baina, post honetan hirugarren dokumental bat aipatze afalta da, ‘Persona non grata’ dokumentala, alegia; bertan Palestina eta Israel arteko gatazka aztertzen du zinemagileak, Ehud Olmert, Hamas, bestelako miliziak… elkarrizketatuta.