Tag Archives: Renee Zellweger

Bridget Jones bueltan da

Renee Zellwegerrek gorpuztu du filmeetan. Argazkia: IMDb

Helen Fielding idazleak adierazi duenez, laster izango dugu sagako hirugarren liburua irakurtzeko aukera. Londreseko gazteak maitasun perfektuaren bila jarraituko du, 2013an kaleratuko den liburuan.

BBCko “Women’s Tour” programan eman zuen idazleak albiste handia; izan ere, 13 urte pasatu dira Bridget Jonesen abenturen berri azkenekoz izan genuenetik. Dena dela, zalantzarik gabe, liburuetan oinarritutako pelikulekin egin zen ezagun pertsonaia bitxia.

Fieldingek esan duenez, istorioa Bridgeten bizitzaren ingurukoa izango da, baina zehazteke dago oraindik zein pertsonaiak errepikatuko dituzten abenturaz josiriko orrialdeak Bridgetekin.  “Edateari eta erretzeari uzten saiatzen jarraituko du, baina errealitatea ez du horren erraz aldatuko”, esan du idazleak sortu duen pertsonaia ezagunenaren inguruan.

Filmerako gidoia ere abian da, baina honako honetan ez da liburuaren moldatze hutsa izango; elkarlanean sortuko dituzte bi testuok.